Published on MAPNews (https://www.mapnews.ma/am)

Accueil > ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵉⵙⵏⵜⵉⵏ ⵉⵏⴱⴷⴰⴷⵏ ⵉⵎⴰⵢⵏⵓⵏ
  1. Accueil
  2. Activités royales

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵉⵙⵏⵜⵉⵏ ⵉⵏⴱⴷⴰⴷⵏ ⵉⵎⴰⵢⵏⵓⵏ

17 ⵢⵓⵍⵢⵓⵣ 2014 Version Imprimable
ⴹⴹⴰⵕⵍⴱⵉⴹⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⴹⴹⴰⵕⵍⴱⵉⴹⴰ, ⵜⵉⵡⵓⵔⵉⵡⵉⵏ ⵏ ⴰⵙⵓⴼⵖ ⵏ ⵢⴰⵏ ⴰⵎⵎⴰⵙ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴳ ⵜⵉⵣⵣⵓⵍⵉⵏ ⵏ ⵉⵊⵎⵉⵍⵏ ⴷ ⵢⴰⵏ ⴰⵙⴰⵢⵔⴰⵔ ⴰⵏⵙⴱⴰⴱ ⵉⵜⵜⵓⴼⴽⵍⴰⵏ ⵉ ⵜⵎⵙⵙⵏⵜⵉⵜ ⵉⵎⵥⵥⵉⵏ ⵉⴱⴷⴰⴷⵏ, ⵎⴰⵢⴰⴷ ⵉⴳⴰⵏ ⵉⵙⵏⵜⵉⵏ ⵉⵜⵜⵓⵙⴽⴰⵔⵏ ⴳ ⵓⵙⴰⵜⵉ ⵏ ⵜⵉⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⵙ ⵢⴰⵏ ⴰⵙⵙⴰⵔⵓ ⴰⵖⵣⵓⵔⴰⵏ ⵏ 30 ⵓⵎⵍⵢⵓⵏ ⵏ ⴷⴷⵔⵀⵎ.

ⴰⵎⵎⴰⵙ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴳ ⵜⵉⵣⵣⵓⵍⵉⵏ ⵏ ⵉⵊⵎⵉⵍⵏ ⵔⴰⴷ ⵉⵜⵜⵓⵙⴽⴰⵔ ⴳ ⵍⵃⴰⵢ ⵍⵃⴰⵙⴰⵏⵉ, ⴷ ⵔⴰⴷ ⵉⴼⴽ ⵉ ⵢⵎⵙⴱⵖⵔⵏ ⵉⵙⵎⵓⵜⵜⴳⵏ ⵉⵖⵔⵜⴰⵏ ⴰⵎⵎⴰⵙ ⵏ ⵉⴳⵔⵏ ⵍⵍⵉ ⵉⵜⵜⴰⵡⵉⵏ ⴰⵙⵡⵓⵔⵉ. ⵔⴰⴷ ⵉⵟⵟⴼ ⵢⴰⵏ ⴰⵙⵉⵔⴰ ⴰⴱⵉⴷⴰⵖⵓⵊⵉ ⴷ ⵏ ⵓⵙⵡⴰⵍⴰ, ⴷ ⵜⵉⵙⴰⵡⵔⵉⵏ ⵏ ⴰⵙⵎⵓⵜⵜⴳ, ⴷ ⵜⵉⴷⴰⵍⵉⵏ ⵏ ⴰⵙⵍⵎⴷ ⵏ ⵜⵓⵜⵍⴰⵢⵉⵏ ⵜⵉⴱⵕⵕⴰⵏⵉⵏ ⴷ ⵎⵏⵏⴰⵡ ⵏ ⵜⵉⵏⴰⴼⵓⵜⵉⵏ ⵢⴰⴹⵏⵉⵏ. 

ⴰⵎⵎⴰ ⵡⵙⴰⵢⵔⴰⵔ ⴰⵏⵙⴱⴰⴱ ⵉⵜⵜⵓⴼⴽⵍⴰⵏ ⵉ ⵜⵎⵙⵙⵏⵜⵉⵜ ⵉⵎⵥⵥⵉⵏ ⵉⴱⴷⴰⴷⵏ, ⵔⴰⴷ ⵉⵜⵜⵓⵙⴽⴰⵔ ⴰⵎⵎⴰⵙ ⵏ ⵜⵓⴷⴷⵓⵔⵜ ⵏ ⵍⵡⴰⵣⵉⵙ, ⵔⴰⴷ ⵉⵟⵟⴼ 74 ⵚⵟⴰⵏⴹ ⵏ ⵓⴼⵙⴰⵔ, ⴷ ⵢⴰⵏ ⵓⵎⵚⵕⵉ ⵉⴽⵔⵎⵏ, ⴷ ⵢⴰⵜ ⵜⴷⴰⵍⴰ ⵏ ⵚⵟⵓⴽⴰⵊ, ⴷ ⵢⴰⵜ ⵜⵉⵙⴳⵉⵜ, ⴷ ⵢⴰⵜ ⵜⵙⵙⵉⵙⵓⵜ ⴷ ⵎⵏⵏⴰⵡ ⵏ ⵜⵉⵏⴰⴼⵓⵜⵉⵏ ⵢⴰⴹⵏⵉⵏ. 

Dernière modification : 17 ⵢⵓⵍⵢⵓⵣ 2014
Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%8F-%E2%B5%89%E2%B5%8F%E2%B4%B1%E2%B4%B7%E2%B4%B0%E2%B4%B7%E2%B5%8F-%E2%B5%89%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%8F#comment-0