Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴹⴹⴰⵕⵍⴱⵉⴹⴰ ⵢⴰⵜ ⵜⴰⴼⵓⴳⵍⴰ ⵏ ⴰⵙⵔⵓⵙ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵙⴳⵎⵉ ⴷ ⵏ ⵓⵙⵎⵓⵜⵜⴳ ⴷ ⵏ ⵓⵙⵉⴳⴳⵍ ⴰⵎⴰⵙⵙⴰⵏ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴹⴹⴰⵕⵍⴱⵉⴹⴰ ⵢⴰⵜ ⵜⴰⴼⵓⴳⵍⴰ ⵏ ⴰⵙⵔⵓⵙ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵙⴳⵎⵉ ⴷ ⵏ ⵓⵙⵎⵓⵜⵜⴳ ⴷ ⵏ ⵓⵙⵉⴳⴳⵍ ⴰⵎⴰⵙⵙⴰⵏ

16 ⵢⵓⵍⵢⵓⵣ 2014 Version Imprimable
ⴹⴹⴰⵕⵍⴱⵉⴹⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ, ⵜⴰⴼⵓⴳⵍⴰ ⵏ ⵓⵙⵔⵓⵙ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵙⴳⵎⵉ ⴷ ⵏ ⵓⵙⵎⵓⵜⵜⴳ ⴷ ⵏ ⵓⵙⵉⴳⴳⵍ ⴰⵎⴰⵙⵙⴰⵏ.

ⴳ ⵓⵣⵎⵣⵣⵓ ⵢⴰⴷ, ⵉⵏⵏⴰ ⵡⵏⵙⵙⵉⵅⴼ ⵏ ⵓⵙⵇⵇⵉⵎ, ⵎⴰⵙⵙ ⵄⵓⵎⴰⵕ ⵄⵣⵉⵎⴰⵏ, ⴷⴰⵜ ⴰⴳⵍⵍⵉⴷ ⵢⴰⵏ ⵉⵏⴰⵡ, ⵉⵙⵙⴽⵏ ⴳⵉⵜ « ⴰⴱⵖⵓⵔ ⴰⵎⵇⵕⴰⵏ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵡⵙⵙⵖⴷ ⵏ ⵜⵉⵏⵎⵍ ⵜⴰⵎⵖⵔⵉⴱⵉⵜ » .

ⴼ ⵖⵉⴽⴰⵏⵏ, ⴷ ⴷⴼⴼⵉⵔ ⵏ ⵉⵙⵡⴰⵍⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵔⴰⴷ ⵉⵖⵔ ⵓⵙⵇⵇⵉⵎ ⴰⵙⵏⵜⵉ ⵏ ⵜⵏⴰⴹⵜ ⵏ ⵜⵉⵙⵏⵙⵉ ⵏ ⵜⵏⵜⵜⴰⵎⵜ ⵜⴰⵏⴰⵎⵓⵔⵜ ⵏ ⵓⵙⴳⵎⵉ ⴷ ⴰⵙⵎⵓⵜⵜⴳ (2000-2013).

ⴷⴼⴼⵉⵔ ⵏ ⵖⵉⴽⴰⵏⵏ, ⵔⴰⴷ ⵜⵜⵓⵙⴽⴰⵔⵏ ⵉⵎⴰⴳⵔⵏ ⴷ ⵉⵎⴰⵡⵙⴰⵙⵏ ⵉⵜⵜⵓⵙⵎⴰⴳⵍⵏ ⵙ ⵓⵙⴳⵎⵉ, ⴷ ⵙ ⵓⵙⵎⵓⵜⵜⴳ,ⴷ ⵙ ⵓⵙⵉⴳⴳⵍ ⴰⵎⴰⵙⵙⴰⵏ, ⵔⴰⴷ ⵙⵓⵍ ⵉⵙⴽⵔ ⵉⵎⴰⴳⵔⵏ ⵉⵏⵎⵏⴰⴹⵏ ⴳ ⵜⴳⵍⴷⵉⵜ ⴽⵓⵍⵍⵓⵜ, ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵎⴹⴰⴽⴰⵕ ⴷ ⴽⵓⵍⵍⵓ ⵉⵎⵙⴽⴰⵔⵏ ⵉⵙⴳⵎⴰⵏ ⵅⴼ ⵜⵉⵎⵙⵙⵉⵍⵉⵏ ⵏ ⵉⵙⵏⴼⵍⵏ ⴷ ⵉⴳⵔⵏ ⵉⵖⴰⵡⵍⵏ ⵏ ⵓⵙⴰⵖⴷ. 

ⵔⴰⴷ ⵜⵜⵓⵙⴽⴰⵔ, ⴷⴼⴼⵉⵔ ⵏ ⵖⵉⴽⴰⵏⵏ, ⵢⴰⵜ ⵜⵏⴰⴹⵜ ⵜⴰⵙⵟⵕⴰⵜⵉⵊⵉⵜ ⵍⵍⵉ ⵔⴰⴷ ⵉⵙⴼⵉⵔⵙ ⵢⴰⵜ ⵜⴰⵡⵔⵉⵇⵜ ⵏ ⵓⵖⴰⵔⴰⵙ ⵅⴼ ⵓⵙⴰⵖⴷ ⵏ ⵓⵏⴳⵔⴰⵡ ⴰⵙⴳⵎⴰⵏ.

ⵉⴼⴽⴰ ⵎⴰⵙⵙ ⵄⵓⵎⴰⵕ ⵄⵣⵉⵎⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵏⵜⵉ ⵏ ⵜⵏⴰⴹⵜ ⵏ ⵓⵙⵜⴰⵍ ⵏ ⵜⵉⵙⵏⵙⵉ ⵏ ⵜⵏⵜⵜⴰⵎⵜ ⵜⴰⵏⴰⵎⵓⵔⵜ ⵏ ⵓⵙⴳⵎⵉ ⴰⵙⵎⵓⵜⵜⴳ ⵍⵍⵉ ⵔⴰⴷ ⴼⵍⵍⴰⵜ ⵜⵎⴹⴰⴽⴰⵕ ⵜⴰⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵓⵙⵇⵇⵉⵎ.

ⴷⴼⴼⵉⵔ ⵏ ⵜⴼⵓⴳⵍⴰ ⵢⴰⴷ, ⵣⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴷⴰⵜ ⴰⴷ ⵢⴰⵎⵥ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⵡⵍⴰⴼⵜ ⵏ ⵓⴽⵜⵜⴰⵢ ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ.

ⵜⵜⵓⵙⴽⴰⵔ ⵜⴼⵓⴳⵍⴰ ⵢⴰⴷ ⴳ ⵜⵉⵍⵉⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵏ ⵉⵏⵙⵙⵉⵅⴼⵏ ⵏ ⵙⵉⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ, ⴷ ⵉⵎⵛⵛⵉⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ.

Dernière modification : 16 ⵢⵓⵍⵢⵓⵣ 2014
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B5%A2%E2%B4%B0%E2%B5%9C-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B4%B0%E2%B5%99%E2%B5%94%E2%B5%93%E2%B5%99-%E2%B5%8F-%E2%B5%89%E2%B4%B3%E2%B5%8E%E2%B4%B0%E2%B5%8E%E2%B5%8F-%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E#comment-0