Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⴽⵡⴰⵙ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⴽⴽⵓⵥ ⴳ ⵡⴰⵢⵢⵓⵔ ⵏ ⵕⵎⴹⴰⵏ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⴽⵡⴰⵙ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⴽⴽⵓⵥ ⴳ ⵡⴰⵢⵢⵓⵔ ⵏ ⵕⵎⴹⴰⵏ

10 ⵢⵓⵍⵢⵓⵣ 2014 Version Imprimable
ⵕⵕⴱⴰⵟ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⴷⵍⵉⵜ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⵎⵓⵍⴰⵢ ⵙⵎⴰⵄⵉⵍ , ⴰⵙⵙ ⵏ ⵓⴽⵡⴰⵙ, ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⴽⵕⴰⴹⵜ ⵏ ⵕⵎⴹⴰⵏ, ⵍⵍⵉ ⵢⵏⵏⴰ ⵎⴰⵙⵙ ⵄⴱⴷⵍⵀⴰⴷⵉ ⵀⵓⵏⵕⴽⴰⵎⴱ, ⴰⵙⵍⵎⴰⴷ ⴳ ⵜⵙⴷⴰⵡⵉⵜ ⵏ ⵊⵓⵕⵊⵢⴰ ⴳ ⵎⵉⵔⵉⴽⴰⵏ, ⵅⴼ «ⴰⵣⵣⵔⴰⴼ ⴰⵡⵏⴳⵉⵎ ⴰⵎⵎⴰⵙ ⵏ ⵓⵢⴷⴰ ⴰⵕⵓⵃⵉ ⴰⵎⵖⵔⵉⴱⵉ».

ⵉⴱⴷⴰ ⵎⴰⵙⵙ ⵀⵓⵏⵕⴽⴰⵎⴱ ⴰⵎⵎⴰⵙ ⵜⵉⵏⴰⵡⵜ ⵏⵏⵙ ⴰⴷ ⵉⵙⴰⵡⵍ ⵅⴼ ⵓⵔⵎⵎⵓⵙ ⵏ ⵍⴼⵉⵟⵕⴰ ⵜⴰⵏⴼⴳⴰⵏⵜ ⴳⵉⴽ ⵍⵍⵉⵜ ⵉⴷⵔⴰ ⵍⵇⵓⵕⴰⵏ ⵍⴽⴰⵔⵉⵎ. ⵉⵏⵏⴰ ⵉⵙ ⵔⴰⴷ ⵜⵙⵙⵏ ⴽⵓⵍⵍⵓ ⵜⵉⴼⴼⵓⴳⵏⴰ ⵎⵏⵏⴰⵡ ⵏ ⵉⵙⵏⴼⵍⵏ ⴷ ⵏ ⵜⵉⵏⵥⵕⵉⵏ ⴳ ⵉⴳⵔⵏ ⴰⵙⵔⵜⴰⵏ ⴷ ⴰⴷⵎⵙⴰⵏ ⴷ ⴰⵏⴰⵎⵓⵏ ⴷ ⴰⵙⴳⴷⴰⵏ ⴷ ⴰⵡⵏⴳⵉⵎ, ⵜⴰⵏⵥⵕⵜ ⴰⵡⵏⴳⵉⵎ ⴰⴷ ⴼⵍⵍⴰⵜⵏ ⴽⵓⵍⵍⵓ ⵢⵛⵇⵇⴰⵏ ⴰⵛⴽⵓ ⵛⵔⴽⵏⵜ ⴽⵓⵍⵍⵓ ⵜⵉⵎⵜⵜⵉⵏ.

ⵉⵏⵏⴰ ⵙⵓⵍ ⵎⴰⵙⵙ ⵀⵓⵏⵕⴽⴰⵎⴱ ⵉⵙ ⵉⴳⴰ ⵍⵉⵙⵍⴰⵎ ⴰⵙⴳⴷ ⵏ ⵍⴼⵉⵟⵕⴰ ⵜⴰⵏⴼⴳⴰⵏⵜ, ⵎⴰⵢⴰⴷ ⵉⴳⴰⵏ ⴰⴽⵏⵉⵡ ⵏ ⴰⵎⵙⵓⵔⵓⴼ ⴷ ⵏ ⵓⵎⵏⴰⴹ.

ⵉⴳ ⵜⵍⵍⴰ ⴷⴰⵔ ⵢⴰⵏ ⵍⴼⵉⵟⵕⴰ ⵉⴼⵓⵍⴽⵉⵏ, ⵔⴰⴷ ⵉⵥⴹⴰⵕ ⴰⴷ ⵉⵍⴽⵎ ⵙ ⵓⵡⵏⵖⵓ ⵉⵎⵙⵓⵔⵓⴼⵏ ⵏ ⵓⵙⴳⴷ ⴳ ⵎⴰⵏ ⵓⵔ ⵜⵍⵍⵉ ⴽⵔⴰ ⵏ ⵓⴷⵖⴰⵔ ⵉ ⵜⴰⵟⴰⵕⵕⵓⴼ.

ⵉⵙⴰⵡⵍ ⵙⵓⵍ ⵎⴰⵙⵙ ⵀⵓⵏⵕⴽⴰⵎⴱ ⵅⴼ ⵜⵖⴰⵔⴰⵙⵜ ⵏ ⴱⵏ ⵄⴱⴱⴰⴷ ⴷ ⵉⵎⵏⵣⴰⵢⵏ ⵏⵏⵙⵏ , ⴷⴰⵜ ⴰⴷ ⵉⴼⴽ ⵎⴰⵙⵙ ⵃⵎⴰⴷ ⵜⵜⴰⵡⴼⵉⵇ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵥⵕⵉⴳⵜ ⵜⵉⵙⵙ ⵙⵏⴰⵜ ⵏ ⵎⵏⵏⴰⵡ ⵏ ⵉⴷⵍⵍⵉⵙⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⵣⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵉⵏⵎⵖⵓⵔⵏ ⵉⴳⵔⴰⵖⵍⴰⵏ.

Dernière modification : 10 ⵢⵓⵍⵢⵓⵣ 2014
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%BD%E2%B5%A1%E2%B4%B0%E2%B5%99-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B4%BD%E2%B4%BD%E2%B5%93%E2%B5%A5-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F#comment-0