Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⵢⵏⴰⵙ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⴽⵕⴰⴹⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⵢⵏⴰⵙ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⴽⵕⴰⴹⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ

07 ⵢⵓⵍⵢⵓⵣ 2014 Version Imprimable
ⵕⵕⴱⴰⵟ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⵎⵓⵍⴰⵢ ⵙⵎⴰⵄⵉⵍ , ⴰⵙⵙ ⵏ ⵓⵢⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⴽⵕⴰⴹⵜ ⵏ ⵕⵎⴹⴰⵏ, ⵍⵍⵉ ⵢⵏⵏⴰ ⵎⴰⵙⵙ ⵄⵍⵉ ⴱⵏⵎⵅⵍⵓⴼ, ⴰⵙⵍⵎⴰⴷ ⵏ ⵜⴼⵍⵙⴰⴼⵜ ⴳ ⵜⵙⴷⴰⵡⵉⵜ ⵜⴰⴼⵕⴰⵏⵚⵉⵚⵜ ⴷ ⴰⴳⵎⴰⵎ ⵏ ⵓⴳⵔⴰⵡ ⴰⵏⴰⵎⵓⵔ ⴰⴼⵕⴰⵏⵚⵉ ⵏ ⵜⵙⵓⵏⴰⴳ ⵏ ⵜⵙⵏⵉⵊⵊⵉⵜ ⵅⴼ ⵜⵎⵔⵏⵓⵜ « ⵉⵣⵔⴼⵏ ⵏ ⵜⴼⴳⴳⴰ ⴳ ⵍⵉⵙⵍⴰⵎ ».

ⵉⵏⵏⴰ ⵎⴰⵙⵙ ⴱⵏⵎⵅⵍⵓⴼ ⵉⵙ ⵜⴳⴰ ⵜⴼⴳⴳⴰ ⴰⴼⵔⴷⵉⵙ ⵍⵍⵉ ⴽⵓⵍⵍⵓ ⵢⵏⵍⵎⴰⴹⵏ ⵉⵖ ⵔⴰⴷ ⵜ ⵉ ⵏⵙⵎⵣⴰⵣⴰⵍ ⵙ ⵕⵕⵓⵃ. ⴼ ⵖⵉⴽⴰⵏⵏ, ⵉⵅⵚⵚⴰ ⴰⴷ ⵉⵟⵟⴼ ⴰⵏⴼⴰ ⴷ ⴰⵔⴰⵢ ⴷ ⴰⵙⴰⵙⴼⵔ.

ⵉⵙⵏⴰⵎⵎⵙ ⵎⴰⵙⵙ ⴱⵏⵎⵅⵍⵓⴼ ⵜⵉⵏⴰⵡⵜ ⵏⵏⵙ ⵅⴼ ⴽⵕⴰⴹ ⵏ ⵉⵙⴳⵓⵎⵏ, ⵎⴰⵢⴰⴷ ⵉⴳⴰⵏ ⵉⵣⵔⴼⵏ ⵏ ⵜⴼⴳⴳⴰ, ⴷ ⴰⵔⴰⵢ ⴷ ⵜⵉⵣⵉ, ⴷ ⵜⴰⵙⵉⵎⴰⵏⵜ ⵜⴰⵙⵖⵏⴰⵏⵜ ⵏ ⵜⵉⴼⴳⴳⴰⵏ ⴷ ⴰⵎⵛⴰⵡⴰⵕ ⴰⵙⵏⵉⵊⵊⵉ ⴷ ⴰⵎⵢⴰⵙⵙⴰ ⴳⵔ ⵓⴹⴱⵉⴱ ⴷ ⵓⵎⵜⵜⵡⴰⵖ.

ⵍⵍⵉⵖ ⵜⵎⵎⴰ ⵜⴰⵎⵙⵙⵉⵔⴷⵜ ⴰⴷ, ⵉⵣⵣⵓⵍ ⵎⴰⵙⵙ ⵄⵍⵉ ⴱⵏⵎⵅⵍⵓⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵉⴼⴽⴰ ⵜ ⵉⵙⵏⵖⵍⵏ ⵏ ⵉⵔⵔⴰⵏ ⵍⵍⵉ ⵢⵥⵕⴳ ⵏⵖⴷ ⵍⵍⵉ ⵉⴱⴷⴷⵉ. ⴷⴼⴼⵉⵔ ⵏ ⵖⵉⴽⴰⵏⵏ, ⵉⵣⵣⵓⵍ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵎⵏⵏⴰⵡ ⵏ ⵍⵄⵓⵍⴰⵎⴰ ⴷ ⵉⵏⵎⵖⵓⵔⵏ ⵉⴳⵔⴰⵖⵍⴰⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⵉⴼⴽⴰ ⵡⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵏ ⵜⵉⵎⵙⴰⵔⵉⵏ ⵜⵉⵙⵍⴰⵎⵉⵏ, ⵃⵎⴰⴷ ⵜⴰⵡⴼⵉⵇ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵢⴰⵏ ⵓⵙⵏⵖⵍ ⵉⵙⵉⴳⴳⵣⵏ ⴷ ⵢⴰⵜ ⵢⴰⴹⵏⵉⵏ ⵉⵙⵓⵙⵔⵏ ⴳ ⵜⵇⴰⵕⵉⴹⵉⵏ ⵜⵓⴷⴷⵉⵣⵉⵏ ⵏ ⵜⵉⵎⵙⵙⵉⵔⴷⵉⵏ ⵜⵉⵃⴰⵙⴰⵏⵉⵏ ⵉⵜⵜⵓⵙⴽⴰⵔⵏ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⵎⵎⴰⵙ ⵏ ⴰⵢⵢⵓⵔ ⵏ ⵕⵎⴹⴰⵏ ⵏ 1434.

Dernière modification : 07 ⵢⵓⵍⵢⵓⵣ 2014
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B5%A2%E2%B5%8F%E2%B4%B0%E2%B5%99-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B4%BD%E2%B5%95%E2%B4%B0%E2%B4%B9%E2%B5%9C-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F#comment-0