ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵖⴰⵡⴰⵙ ⵏ ⴰⵙⵏⴰⵍ ⵉ ⵡⵙⵏⵜⵉ ⵉⵎⵥⵥⵉⵏ ⴷ ⴰⵙⵡⵓⵔⵉ ⴰⵢⵉⵎⴰⵏ ⵏ ⵉⵏⴰⵎⵓⵥⵏ ⵉⵇⴱⵓⵔⵏ

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵖⴰⵡⴰⵙ ⵏ ⴰⵙⵏⴰⵍ ⵉ ⵡⵙⵏⵜⵉ ⵉⵎⵥⵥⵉⵏ ⴷ ⴰⵙⵡⵓⵔⵉ ⴰⵢⵉⵎⴰⵏ ⵏ ⵉⵏⴰⵎⵓⵥⵏ ⵉⵇⴱⵓⵔⵏ - ⵕⵎⴹⴰⵏ 2014

02 ⵢⵓⵍⵢⵓⵣ 2014 Version Imprimable

ⵙⵍⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⵙⵍⴰ, ⴰⵖⴰⵡⴰⵙ ⵏ ⴰⵙⵏⴰⵍ ⵉ ⵡⵙⵏⵜⵉ ⵉⵎⵥⵥⵉⵏ ⴷ ⴰⵙⵡⵓⵔⵉ ⴰⵢⵉⵎⴰⵏ ⵏ ⵉⵏⴰⵎⵓⵥⵏ ⵉⵇⴱⵓⵔⵏ - ⵕⵎⴹⴰⵏ 2014.

ⵜⵙⴽⵔ ⴰⵖⴰⵡⴰⵙ ⴰⴷ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⴰⵙⴽⵛⵎ ⵏ ⵉⵏⴰⵎⵓⵥⵏ ⵙ ⵢⴰⵏ ⵓⵣⴰⵍ ⴰⵖⵣⵓⵔⴰⵏ ⵏ 4,5 ⴰⵎⵍⵢⵓⵏ ⵏ ⴷⴷⵔⵀⵎ, ⵔⴰⴷ ⵉⵙⴱⵖⵔ ⵉ ⵍⴰⵃⵡⴰⵍ ⵏ 230 ⵓⵏⴰⵎⵓⵥ ⴰⵇⴱⵓⵔ ⴳ ⵜⵎⴷⵉⵏⵉⵏ ⵏ ⵟⴰⵏⵊⴰ ⴷ ⵎⵕⵕⴰⴽⵯⵛ ⴷ ⴼⴰⵙ ⴷ ⴰⴳⴰⴷⵉⵔ ⴷ ⵜⴰⵔⵓⴷⴰⵏⵜ ⴷ ⵕⵕⴱⴰⵟ ⴷ ⵇⵏⵉⵟⵕⴰ ⴷ ⵡⵊⴷⴰ ⴷ ⵍⵄⵢⵓⵏ ⴷ ⴱⵓⵊⴹⵓⵕ ⴷ ⵙⵉⴷⵉ ⵇⴰⵚⵎ ⴷ ⵍⵎⵓⵃⵎⵎⴰⴷⵢⵢⴰ.

ⵔⴰⴷ ⵜⴰⵡⵉ ⵜⵉⴳⴰⵡⵜ ⵜⴰⴳⵍⴷⴰⵏⵜ ⴰⴷ ⵢⴰⵏ ⴰⵙⵏⴰⵍ ⴰⵎⴰⵙⵙⴰⵏ ⴷ ⵙ ⵉⵎⴰⵡⴰⵏ ⵉ ⵉⵏⴰⵎⵓⵥⵏ ⵉⵇⴱⵓⵔⵏ ⵎⴰⵢⴰⴷ ⵉⵟⵟⴰⴼⵏ ⵢⴰⵏ ⴰⵙⵏⵜⵉ ⵏ ⵜⵓⴷⵔⵜ ⴰⵏⵉⵎⴰⵏ. ⵉⴽⵛⵎ ⵓⵖⴰⵡⴰⵙ ⴰⴷ ⴳ ⵓⵙⴰⵜⵉ ⵏ ⵜⵙⵟⵕⴰⵜⵉⵊⵉⵜ ⵏ ⴰⵙⴽⵛⵎ ⴰⵏⴰⵎⵓⵏ ⴰⵣⵣⵓⵍⴰⵏ ⵎⴰⵢⴰⴷ ⵉⵙⵔⵙⵏ 3142 ⴰⵏⴰⵎⴰⵥ ⴰⵇⴱⵓⵔ ⴰⵎⵎⴰⵙ ⵏ ⵜⵎⵙⵙⵏⵜⵉⵜ ⵉⵎⵓⵔⴰⵏ ⴳ ⵓⵙⴳⴳⵯⴰⵙ ⵏ 2013, ⴷ ⵉⵙⵏⴰⵍ 53 ⵜⴰⵎⵙⵙⵏⵜⵉⵜ ⵉⵎⵥⵥⵉⵏ, ⴷ ⴰⵙⵏⴰⵢⵏ 729 ⴰⵙⵏⵜⵉ ⵉⵎⵥⵥⵉⵏ ⴰⵎⵎⴰⵙ ⵏ ⵎⵏⵏⴰⵡ ⵏ ⵉⴳⵔⵏ ⵏ ⴰⵎⵓⵙⵙⵓ.

ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵛⵉⴽⴰⵜ ⵏ ⴰⵏⵏⴰⵍ ⴰⵥⵕⴼⴰⵏ ⴷ ⵎⵏⵏⴰⵡ ⵏ ⵉⵎⴰⵙⵙⵏ ⵉ ⵢⵏⴰⵎⵓⵥⵏ ⵉⵇⴱⵓⵔⵏ ⵢⵉⵡⵉⵏ ⵉⵙⵏⵜⵉⵏ ⴳ ⵜⵙⴳⴰ ⵏ ⵕⵕⴱⴰⵟ.

Dernière modification : 02 ⵢⵓⵍⵢⵓⵣ 2014

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B4%B0%E2%B5%99%E2%B5%8F%E2%B4%B0%E2%B5%8D-%E2%B5%89-%E2%B5%A1%E2%B5%99%E2%B5%8F%E2%B5%9C%E2%B5%89-%E2%B5%89%E2%B5%8E%E2%B5%A5%E2%B5%A5%E2%B5%89%E2%B5%8F-%E2%B4%B7-%E2%B4%B0%E2%B5%99%E2%B5%A1%E2%B5%93%E2%B5%94%E2%B5%89-%E2%B4%B0%E2%B5%A2%E2%B5%89%E2%B5%8E%E2%B4%B0%E2%B5%8F-%E2%B5%8F-%E2%B5%89%E2%B5%8F%E2%B4%B0%E2%B5%8E%E2%B5%93%E2%B5%A5%E2%B5%8F#comment-0