Published on MAPNews (https://www.mapnews.ma/am)

Accueil > ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴷⴷⴰⵔⵜ ⵏ ⵓⵄⵔⵔⵉⵎ ⴰⵎⴰⴹⵓⵏ ⵙ ⵙⴽⴽⵯⴰⵕ ⴳ ⵕⵕⴱⴰⵟ
  1. Accueil
  2. Activités royales

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴷⴷⴰⵔⵜ ⵏ ⵓⵄⵔⵔⵉⵎ ⴰⵎⴰⴹⵓⵏ ⵙ ⵙⴽⴽⵯⴰⵕ ⴳ ⵕⵕⴱⴰⵟ

02 ⵢⵓⵍⵢⵓⵣ 2014 Version Imprimable
ⵕⵕⴱⴰⵟ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⵜⵓⴷⴷⵓⵔⵜ ⵏ ⵢⵄⵇⵓⴱ ⵍⵎⵏⵚⵓⵕ ⴳ ⵕⵕⴱⴰⵟ, ⵜⴰⴷⴷⴰⵔⵜ ⵏ ⵓⵄⵔⵔⵉⵎ ⴰⵎⴰⴹⵓⵏ ⵙ ⵙⴽⴽⵯⴰⵕ, ⵍⵍⵉ ⵜⵙⴽⵔ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵉⵡⵉⵣⵉ ⵙ ⵢⴰⵏ ⵓⵙⵙⴰⵔⵓ ⴰⵖⵣⵓⵔⴰⵏ ⵏ 5 ⴰⵎⵍⵢⵓⵏ ⵏ ⴷⴷⵔⵀⵎ.

ⵜⵔⴰ ⵜⴰⴷⴷⴰⵔⵜ ⴰⴷ ⴰⴷ ⵜⴼⴽ ⴰⵙⵉⴷⴼ ⴰⵏⵎⵍⴰⵏ ⴷ ⴰⵏⴰⵎⵓⵏ ⴰⵎⵓⴼⴰⵢ ⵉ ⵉⵎⵙⴱⵖⵔⵏ ⵉⵄⵔⵔⵉⵎⵏ, ⵔⴰⴷ ⵜⴼⴽ ⵜⴰⴷⴷⴰⵔⵜ ⵏ ⵓⵄⵔⵔⵉⵎ ⴰⵎⴰⴹⵓⵏ ⵙ ⵙⴽⴽⵯⴰⵕ ⵎⵏⵏⴰⵡ ⵏ ⵜⵉⵏⴰⴼⵓⵏ, ⵣⵓⵏⴷ ⴰⵙⵏⵓⴱⴳ ⴷ ⵜⴰⴽⴰⴼⴼⵓⵍ ⴰⵙⴰⴼⴰⵔ ⴷ ⴰⵙⵎⵓⵜⵜⴳ ⴷ ⴰⵏⵖⵎⵉⵙ ⵏ ⵉⴼⵔⵅⴰⵏ ⵉⵎⴰⴹⴰⵏⵏ ⵙ ⵙⴽⴽⵯⴰⵕ ⵏ ⵜⵙⴳⴰ.

ⵜⵓⵎⵥ ⵜⴰⴷⴷⴰⵔⵜ ⴰⴷ ⵜⵉⵔⵉⵡⵜ ⵏ 800 ⴰⵎⵉⵜⵔⵓ ⴰⵎⴽⴽⵓⵥ, ⵜⵟⵟⴰⴼ ⵙⵍⴰⵡⴰⵏ ⴰⴽⴽⵯ ⴰⵙⴰⵔⵎ ⵏ ⵓⵙⴼⵙⵉ, ⵢⴰⵜ ⵜⴰⴷⴰⵍⴰ ⵏ ⴰⵙⴳⵏⴰⴼ ⵏ ⵡⴰⵙⵙ, ⵉⵙⴰⵢⵔⴰⵔⵏ ⵏ ⴰⵎⵛⴰⵡⴰⵕ, ⴷ ⵏ ⵜⴰⵙⵏⵉⵊⵊⵉⵜ ⵏ ⵡⴰⵍⵍⵏ, ⴷ ⵏ ⴰⵙⵎⵓⵜⵜⴳ, ⴷ ⵏ ⵜⴰⵙⵎⵓⵏⵉ, ⴷ ⵢⴰⵜ ⵜⵙⴷⵍⵉⵙⵜ ⴷ ⵉⵙⵉⵔⴰⵏ ⵉⵎⵙⵎⵓⵏ.

ⵉⵜⵜⵓⴼⴽⴰ ⵓⵙⵡⵓⴷⴷⵓ ⵏ ⵜⴰⴷⴷⴰⵔⵜ ⵏ ⵓⵄⵔⵔⵉⵎ ⴰⵎⴰⴹⵓⵏ ⵙ ⵙⴽⴽⵯⴰⵕ ⵉ ⵜⵎⴰⵡⴰⵙⵜ ⵏ ⵜⴷⵓⵙⵉ ⵙ ⵜⵎⴷⵔⴰⵡⵜ ⴷ ⵜⵎⵙⵎⵓⵏⵜ « ⴱⴰⴷⵉⵍ » ⵏ ⵜⵉⵡⵉⵙⵉ ⵏ ⵉⴼⵔⵅⴰⵏ ⵉⵎⴰⴹⵓⵏⵏ ⵙ ⵙⴽⴽⵯⴰⵕ.

ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵛⵉⴽⴰⵜ ⵏ ⴰⵏⵏⴰⵍ ⴰⵥⵕⴼⴰⵏ ⴷ ⵎⵏⵏⴰⵡ ⵏ ⵉⵎⴰⵙⵙⵏ ⵉ ⵢⵏⴰⵎⵓⵥⵏ ⵉⵇⴱⵓⵔⵏ ⵢⵉⵡⵉⵏ ⵉⵙⵏⵜⵉⵏ ⴳ ⵜⵙⴳⴰ ⵏ ⵕⵕⴱⴰⵟ. 
 

Dernière modification : 02 ⵢⵓⵍⵢⵓⵣ 2014
Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B4%B7%E2%B4%B7%E2%B4%B0%E2%B5%94%E2%B5%9C-%E2%B5%8F-%E2%B5%93%E2%B5%84%E2%B5%94%E2%B5%94%E2%B5%89%E2%B5%8E-%E2%B4%B0%E2%B5%8E%E2%B4%B0%E2%B4%B9%E2%B5%93%E2%B5%8F-%E2%B5%99-%E2%B5%99%E2%B4%BD%E2%B4%BD%E2%B5%AF%E2%B4%B0%E2%B5%95-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F#comment-0