Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⵙⵉⵏⴰⵙ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⵣⵡⴰⵔⵓⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴰⵙⵙ ⵏ ⵓⵙⵉⵏⴰⵙ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⵣⵡⴰⵔⵓⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ

01 ⵢⵓⵍⵢⵓⵣ 2014 Version Imprimable
ⵕⵕⴱⴰⵟ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⵎⵓⵍⴰⵢ ⵙⵎⴰⵄⵉⵍ , ⴰⵙⵙ ⵏ ⵓⵙⵉⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⵣⵡⴰⵔⵓⵜ ⵏ ⵕⵎⴹⴰⵏ, ⵍⵍⵉ ⵢⵏⵏⴰ ⵡⵎⴰⵡⵙⴰⵙ ⵏ ⵍⴰⵡⵇⴰⴼ ⴷ ⵜⵉⵎⵙⴰⵔⵉⵏ ⵜⵉⵙⵍⴰⵎⵉⵢⵏ ⵃⵎⴰⴷ ⵜⴰⵡⴼⵉⵇ, ⵅⴼ ⵜⵎⵔⵏⵓⵜ «ⴰⵔⴰⵢ ⵏ ⴰⵙⴳⴷ ⴷ ⵉⵇⵛⵓⵛⵏ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ».

ⵉⴱⴷⴰ ⵎⴰⵙⵙ ⵜⴰⵡⴼⵉⵇ ⵜⴰⵎⵙⵙⵉⵔⴷⵜ ⴰⴷ ⵍⵍⵉⵖ ⵉⵙⵙⴽⵜⵉ ⵉⵙ ⴱⴷⴷⴰ ⵉⴹⴼⴰⵕ ⵓⵏⴳⵔⴰⵡ ⴰⵙⵔⵜⴰⵏ ⴰⵎⵎⴰⵙ ⵏ ⵓⵎⵣⵔⵓⵢ ⵓⵙⵍⵉⵎ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵔⵎⵎⵓⵙ ⵏ ⴰⵙⵓⴼⵓ ⵏ ⵍⴰⵎⵉⵔ ⵏ ⵉⵎⵓⵎⵏⵏ, ⵎⴰⵢⴰⴷ ⵉⴳⴰⵏ ⴰⵏⴼⵔⴰⴳ ⵏ ⵜⴰⴼⵍⵙⵜ ⴷ ⴰⵙⴳⴷ.

ⴷⴼⴼⵉⵔ ⵍⵍⵉⵖ ⵉⵎⵍⴰ ⵉⵏⴰⵎⴽⵏ ⵏ ⵜⴳⵓⵔⵉ «ⴰⵙⴳⴷ », ⵉⵏⵏⴰ ⵉⵙ ⵍⵍⴰⵏⵜ ⵎⵏⵏⴰⵡ ⵏ ⵜⵉⵍⵖⴰⵏ ⵏ ⵓⵔⴰⵢ ⵏ ⵓⵙⴳⴷ, ⵣⵓⵏⴷ ⴰⵔⴰⵢ ⵏ ⵙⵙⵍⴰⵎⵜ ⵜⴰⴼⴳⴳⴰⵏⵜ ⴷ ⵏ ⵜⵉⴼⵏⵉⵇⵉⵏ ⴷ ⵏ ⵉⵣⵔⴼⴰⵏ, ⵉⵔⵏⵓ ⵢⵏⵏⴰ ⵎⴰⵙⵙ ⵜⴰⵡⴼⵉⵇ ⵉⵙ ⵜⵃⵟⵟⴰ ⵜⵉⵎⵔⵙⵍⵜ ⵏⵍⴰⵎⵉⵔ ⵏ ⵉⵎⵓⵎⵏⵏ ⵉⵣⵔⴼⴰⵏ ⴰⴷ. 

ⵉⴼⴽⴰ ⴼ ⵖⵉⴽⴰⵏⵏ ⴰⵎⴷⵢⴰ ⵏ ⴰⵎⵣⴰⵖ ⴰⵎⵓⵔⴰⵏ ⴷ ⴰⵃⵟⵟⵓ ⵏ ⵜⵓⴷⵔⵜ ⵏ ⵉⵏⴼⵍⴰⵙⵏ ⵙⴳ ⵉⵎⵉⵣⵉ, ⵙ ⵢⴰⵏ ⵓⵏⴳⵔⴰⵡ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ.

ⵓⵔ ⵉⵍⵍⵉ ⴽⵔⴰ ⵡⴷⵖⴰⵔ ⵉ ⴰⴱⵔⵙⵉⵡⴷ ⴰⵎⵎⴰⵙ ⵏ ⵓⵙⴳⴷ, ⵎⴰⵢⴰⴷ ⴰⴷ ⵉⵏⵏⴰ ⵡⵎⴰⵡⵙⴰⵙ, ⵎⴰⵢⴰⴷ ⵉⵔⵏⵓⵏ ⵉⵏⵏⴰⵏ ⵉⵙ ⵉⵙⵎⵔⵙ ⴰⵔⵎⵎⵓⵙ ⵏ « ⵙⵙⴰⵍⴰⴼⵢⵢⴰ » ⵙ ⵢⴰⵜ ⵜⴱⵔⵉⴷⵜ ⵉⵅⵛⵏⵏ ⵉⵔⴰⵏ ⴰⴷ ⵉⵙⴽⵉⵟⵟⵉ ⵜⵓⵚⴽⴰ ⵍⵍⵉ ⵙⴽⵔⵏ ⵉⵎⵓⵙⵍⵎⵏ ⵙ ⵜⵓⴳⴳⴰⵣⵏ ⵏⵏⵙⵏ ⵏ ⵓⴼⴰⵙⵔ.

ⵍⵍⵉⵖ ⵜⵎⵎⴰ ⵜⵎⵙⵙⵉⵔⴷⵜ, ⵉⴼⴽⴰ ⵡⵎⴰⵡⵙⴰⵙ ⵏ ⵍⴰⵡⵇⴰⴼ ⴷ ⵜⵉⵎⵙⴰⵔⵉⵏ ⵜⵉⵙⵍⴰⵎⵉⵢⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵜ ⵜⵓⵏⵖⵉⵍⵜ ⵏ ⵍⵇⵓⵕⴰⵏ ⵍⵄⴰⴹⵉⵎ (ⵍⵎⵓⵙⵃⴰⴼ ⵍⵎⵓⵃⴰⵎⵎⴰⴷⵉ) ⵉⵟⵟⵓⴹⴰⵏ ⴳ ⴰⵣⴳⵏ ⵏ ⵍⵃⵉⵣⴱ ⴰⵎⵎⴰⵙ ⵏ ⴽⵔⴰ ⵢⴳⴰⵜ ⵜⵙⵏⴰ. 

ⴷⴼⴼⵉⵔ ⵏ ⵖⵉⴽⴰⵏⵏ, ⵉⵣⵓⵍ ⴱⴰⴱ ⵏ ⵡⴰⴷⴷⵓⵔ ⵎⵏⵏⴰⵡ ⵏ ⵍⵄⵓⵍⴰⵎⴰ ⴷ ⵉⵙⵍⵎⴰⴷⵏ ⵏ ⵓⵙⴳⴷ ⵉⴳⵔⴰⵖⵍⴰⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⵉⴼⴽⴰ ⵡⵎⴰⵡⵙⴰⵙ ⵏ ⵍⴰⵡⵇⴰⴼ ⴷ ⵜⵉⵎⵙⴰⵔⵉⵏ ⵜⵉⵙⵍⴰⵎⵉⵢⵏ, ⵎⴰⵙⵙ ⵃⵎⴰⴷ ⵜⴰⵡⴼⵉⵇ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵢⴰⵏ ⵓⵣⵎⵎⴻⵎ ⵏ ⵍⵇⵓⵕⴰⵏ « ⵍⵎⵓⵚⵃⴰⴼ ⵍⵎⵓⵃⵎⵎⴰⴷⵉ » ⵍⵍⵉ ⵢⵖⵔⴰ ⴷⴼⴼⵉⵔ ⵏ ⵜⵉⵖⵔⵉ ⵏ ⵡⴰⵕⴰⵛ ⴷⴼⴼⵉⵔ ⵏ ⵏⴰⴼⵉⵄ, ⵎⵓⵃⵎⵎⴷ ⵙⴰⵢⵢⵉⴷ ⵏ ⵜⵎⴷⵉⵏⵜ ⵏ ⴹⴹⴰⵕⵍⴱⵉⴹⴰ ⴰⵎⵎⴰⵙ ⵏ ⵜⵇⴰⵕⵉⴹⵜ ⵜⵓⴷⴷⵉⵣⵜ ⴷ ⵉⵎⴱⵉ3. 

Dernière modification : 01 ⵢⵓⵍⵢⵓⵣ 2014
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B5%99%E2%B5%89%E2%B5%8F%E2%B4%B0%E2%B5%99-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F#comment-0