ⴳ ⵓⵙⴰⵜⵉ ⵏ ⵜⵉⵇⵇⵏⴰⵏ ⵉⵅⴰⵜⴰⵔⵏ ⵉⵙⵎⴰⵏⵏ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ ⵜⴰⵎⵇⵔⴰⵏⵜ, ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵉⵟⵡⴰⵏ ⵎⴰⵙⵙⴰ ⴼⵢⵓⵏⴰ ⵡⵓⵍⴼ, ⵍⵍⵓⵕⴷ ⵄⵓⵎⴷⴰ ⵏ ⵍⵓⵏⴹⵓⵏ

17 ⵢⵓⵏⵢⵓ 2014 Version Imprimable

ⵕⵕⴱⴰⵟ - ⴳ ⵓⵙⴰⵜⵉ ⵏ ⵜⵉⵇⵇⵏⴰⵏ ⵉⵅⴰⵜⴰⵔⵏ ⵍⵍⵉ ⵉⵙⵎⴰⵏⵏ ⴷⴰⵢⵎⴰⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ ⵜⴰⵎⵇⵔⴰⵏⵜ, ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵜⵉⵟⵡⴰⵏ, ⵎⴰⵙⵙⴰ ⴼⵢⵓⵏⴰ ⵡⵓⵍⴼ, ⵍⵍⵓⵕⴷ ⵄⵓⵎⴷⴰ ⵏ ⵍⵓⵏⴹⵓⵏ, ⵎⴰⵢⴰⴷ ⵢⵓⵛⴽⴰⵏ ⴰⴷ ⵜⴽⵙⵔ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⴳ ⵍⵎⵖⵔⵉⴱ, ⵎⴰⵢⴰⴷ ⵉⵎⵍⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ.

ⵍⵍⵓⵕⴷ ⵄⵓⵎⴷⴰ ⵜⴳⴰ ⴰⵎⵙⴽⴰⵔ ⴰⴷⵙⵍⴰⵏ ⵏ ⴰⵙⵉⵍⵉ ⴷ ⴰⵎⵙⵙⵉⵡⵍ ⵙ ⵢⵉⵙⵎ ⵏ ⵏ ⴽⵔⴰ ⵢⴳⴰⵜ ⵜⴰⵎⵙⵙⵏⵜⵉⵜ ⵉⵍⵍⴰⵏ ⴳ ⵜⵓⴷⴷⵓⵔⵜ ⵉⵜⵜⵓⵙⴰⵏⵏ ⵏ ⵍⵓⵏⴹⵓⵏ (ⴷ ⵙⵉⵜⵢ), ⵎⴰⵢⴰⴷ ⵉⴳⴰⵏ ⵜⵉⵎⵔⵙⵍⵏ ⵉⵥⵕⴼⴰⵏⵏ ⴷ ⵜⵉⵣⵣⵓⵍⵏ ⵍⵍⵉ ⴷⵉⵜ ⵉⵎⴰⵏⵏ, ⵎⴰⵢⴰⴷ ⵉⵏⵏⴰ ⵡⵙⵉⵡⴹ ⴰⴷ.

ⴳ ⵓⵣⵎⵣⵣⵓ ⵢⴰⴷ, ⴳⵔ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴽⵕⴰⴹ ⵏ ⵜⵉⵎⵢⴰⵇⵇⴰⵏⵏ ⵙⴳⵎⴹⵏ ⴳⵔ « ⵍⵓⵏⴹⵓⵏ ⵙⵜⵓⴽ ⵉⴽⵙⵛⵉⵏⵊ » ⴷ ⵜⴱⵓⵔⵙⵜ ⵏ ⴹⴹⴰⵕⵍⴱⵉⴹⴰ, ⵉⵔⵏⵓ ⵢⵏⵏⴰ ⵡⵙⵉⵡⴹ.

ⵃⴰⴹⵕⵏ ⵉ ⵜⵉⴳⵉⵡⵔⵜ ⴰⴷ, ⴳ ⵜⴰⴼⵓⵍⵜ ⵜⴰⴱⵕⵉⵟⴰⵏⵉⵜ, ⵎⴰⵙⵙ ⴽⵍⴰⵢⴼ ⴰⵍⴷⵉⵔⵜⵏ, ⴰⵎⵙⵇⴰⴷ ⵏ ⴱⵕⵉⵟⴰⵏⵢⴰ ⵜⴰⵎⵇⵔⴰⵏⵜ ⴳ ⵕⵕⴱⴰⵜ, ⴷ ⵜⴰⴼⵓⵍⵜ ⵜⴰⵎⵖⵔⵉⴱⵉⵜ, ⵎⴰⵙⵙ ⵎⵓⵃⵎⵎⴷ ⴱⵓⵙⵄⵉⴷ, ⴰⵎⴰⵡⵙⴰⵙ ⵏ ⵜⴷⴰⵎⵙⴰ ⴷ ⴰⵥⵕⴼ, ⴷ ⵍⴰⵍⵍⴰ ⵊⵓⵎⴰⵍⴰ ⵄⴰⵍⴰⵡⵉ, ⴰⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵍⵓⵏⴹⵓⵏ.

Dernière modification : 17 ⵢⵓⵏⵢⵓ 2014

Source URL: https://www.mapnews.ma/am/activites-royales/%E2%B4%B3-%E2%B5%93%E2%B5%99%E2%B4%B0%E2%B5%9C%E2%B5%89-%E2%B5%8F-%E2%B5%9C%E2%B5%89%E2%B5%87%E2%B5%87%E2%B5%8F%E2%B4%B0%E2%B5%8F-%E2%B5%89%E2%B5%85%E2%B4%B0%E2%B5%9C%E2%B4%B0%E2%B5%94%E2%B5%8F-%E2%B5%89%E2%B5%99%E2%B5%8E%E2%B4%B0%E2%B5%8F%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B4%B1%E2%B5%95%E2%B5%89%E2%B5%9F%E2%B4%B0%E2%B5%8F%E2%B5%A2%E2%B4%B0-%E2%B5%9C%E2%B4%B0%E2%B5%8E%E2%B5%87%E2%B5%94%E2%B4%B0%E2%B5%8F%E2%B5%9C-%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94#comment-0