ⵖⵉⴽ ⵍⵍⵉ ⵢⵔⴰ ⵡⵎⵏⵏⵉ 132 ⵏ ⵓⴷⵓⵙⵜⵓⵔ, ⵜⵟⵟⴰⴼ ⵜⵖⵜⵙ ⵜⵙⵏⴱⴹⴰⵢⵜ ⵜⴰⴷⵙⵜⴰⵔⵜ ⵎⵏⵏⴰⵡ ⵏ ⵜⵙⵓⴳⵔⵉⵏ, ⵙⵍⴰⵡⴰⵏ ⴰⴽⴽⵯ ⵜⵉⵍⵍⵓⴳⵏⴰ ⵏ ⵓⵙⵜⴰⵢ ⵏ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⴷ ⵜⵉⵎⵀⵍⵉⵏ ⵏ ⵍⵉⵙⵜⵉⴼⵜⴰ, ⴷ ⵉⵍⴳⵎⴰⵏ ⵉⵙⵏⵎⴰⵍⴰⵏ ⴷⴰⵜ ⴰⴷ ⴰⵎⵥⵏ, ⴷ ⵉⵙⵙⵍⴳⵏⵏ ⵏ ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵏ ⴰⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴷ ⵜⵥⴷⴰⵕ ⴰⴷ ⵜⵖⵜⵙ ⴳ ⵉⵍⴳⵎⴰⵏ ⴷ ⵉⵙⵓⵖⵏ ⵉⴳⵔⴰⵖⵍⴰⵏ ⴷⴰⵜ ⴰⴷ ⵜⵏ ⵉⵙⴳⵎⴹ ⵓⴳⴳⵍⵉⴷ ⵏⵖⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏⵖⴷ ⵓⵏⵙⵙⵉⵅⴼ ⵏ ⴰⵙⵇⵇⵉⵎ ⵏ ⵉⵎⵓⵔⴰ ⵏⵖⴷ ⵓⵏⵙⵙⵉⵅⴼ ⵏ ⴰⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏⵖⴷ ⵙⵉⵏ ⵡⴰⴳⵏⴰⵔⵏ ⴰⴳⵎⴰⵎ ⵏ ⴰⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏⵖⴷ ⵍⵅⵓⵎⵓⵙ ⵏ ⴰⵙⵇⵇⵉⵎ ⵏ ⵉⵎⵓⵔⴰ.
ⵣⵓⵛⵛⵍⵜ ⵜⵉⵖⵜⴰⵙⵉⵏ ⵏ ⵜⵙⵏⴱⴹⴰⵢⵜ ⵜⴰⴷⵙⵜⴰⵔⵜ. ⵜⵟⵟⴰⴼ ⵜⵉⵖⵜⴰⵙⵉⵏ ⴰⴷ ⵙⵉⵏ ⴷ ⵎⵔⴰⵡ ⵏ ⵉⴳⵎⴰⵎⵏ ⵉⵜⵜⵓⵙⵜⴰⵢⵏ ⵅⴼ ⵢⴰⵏ ⴰⵣⵎⵣ ⵏ ⵜⵥⴰ ⵏ ⵉⵙⴳⴳⵯⴰⵙⵏ, ⵚⴹⵉⵚ ⴳ ⵉⵜⵙⵏ ⵉⵙⵜⵉⵜⵏ ⵓⴳⵍⵍⵉⴷ, ⵉⵍⵍⴰ ⴳ ⵉⵜⵙⵏ ⵢⴰⵏ ⵉⵙⵓⵎⵔ ⵜ ⵓⵏⴼⵍⵓⵙ ⴰⵎⴰⵜⴰⵢ ⵏ ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵍⵄⵓⵍⴰⵎⴰ.
ⵔⴰⴷ ⵜⴰⵛⴽ ⵜⴰⵙⵏⴱⴹⴰⵢⵜ ⵜⴰⴷⵙⵜⴰⵔⵜ ⴷⴼⴼⵉⵔ ⵍⵍⵉⵖ ⵢⴰⵎⵥ ⵓⵙⵇⵇⵉⵎ ⵏ ⵉⵎⵓⵔⴰ ⴳ 22 ⵉⵏⵏⴰⵢⵔ ⵉⵣⵔⵉⵏ ⴷ ⴰⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ 30 ⵉⴱⵔⵉⵔ ⵉⵣⵔⵉⵏ ⴰⵍⴳⴰⵎ ⴰⵎⵙⵓⴷⵙ ⵏⵏⵙ.
ⴳ ⵓⵣⵎⵣⵣⵓ ⵏ ⵓⵔⵥⵥⵓⵎ ⴰⴷ, ⵉⴼⴽⴰ ⵡⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴷⵙⵜⴰⵔ, ⵎⵓⵃⵎⵎⴷ ⴰⵛⵔⴳⵉ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⴰⵔⵔⴰ ⵙ ⵜⵓⵜⵍⴰⵢⵜ ⵜⵄⵕⴰⴱⵜ ⵎⵓ ⵢⵙⵎ « ⴰⵎⴰⵡⴰⵍ ⵏ ⵉⵔⵎⵏ ⵉⴷⵙⵜⴰⵔⵏ ».
ⴷⴼⴼⵉⵔ ⵏ ⵖⵉⴽⴰⵏⵏ, ⵢⵓⵎⵥ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵜ ⵜⴰⵡⵍⴰⴼⵜ ⵏ ⴰⴽⵜⵜⴰⵢ ⴷ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ.