Published on MAPNews (https://www.mapnews.ma/am)

Accueil > ⵢⵓⵊⵊⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵓⵏⵙ ⵜⴰⵎⴰⵥⵓⵏⵜ
  1. Accueil
  2. Activités royales

ⵢⵓⵊⵊⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵓⵏⵙ ⵜⴰⵎⴰⵥⵓⵏⵜ

09 ⵢⵓⵏⵢⵓ 2014 Version Imprimable
ⵜⵓⵏⵙ ⵜⴰⵎⴰⵥⵓⵏⵜ - ⵢⵓⵊⵊⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵏⵜ ⵎⵓⵍⴰⵢ ⵍⵃⴰⵙⴰⵏ, ⴳ ⵜⵣⴷⵡⵉⵜ ⵏ ⵓⵢⵏⴰⵙ, ⵜⵓⵏⵙ ⵜⴰⵎⴰⵥⵓⵏⵜ, ⴷⴼⴼⵉⵔ ⵏ ⵢⴰⵏ ⴰⵔⵣⴰⴼ ⴰⵎⴰⴷⴷⵓⴷ ⵉ ⵜⴳⴷⵓⴷⴰⵏⵜ ⵜⴰⵜⵓⵏⵙⵉⵜ, ⵙ ⵜⵖⵓⵔⵉ ⵏ ⵓⵏⵙⵙⵉⵅⴼ ⵎⵓⵏⵚⵉⴼ ⵍⵎⵕⵥⵓⵇⵉ.

ⴰⵎⵎⴰⵙ ⵏ ⵓⵣⴰⴳⵯⵣ ⵏ ⵜⵓⵏⵙ ⵇⵕⵟⴰⵊ, ⵉⵣⵣⵓⵍ ⵓⵏⵙⵙⵉⵅⴼ ⵏ ⵓⵡⴰⵏⴽ ⵏ ⵜⵓⵏⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵣⵣⵓⵍⵏ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵉⴳⵎⴰⵎⵏ ⵏ ⵜⵏⴱⴰⴹⵜ ⵜⴰⵜⵓⵏⵙⵉⵜ, ⴷ ⵉⵎⵛⵛⵉⵡⵕⵏ ⵏ ⵓⵏⵙⵙⵉⵅⴼ ⴰⵜⵓⵏⵙⵉ, ⴷ ⵍⵎⵓⴼⵜⵉ ⵏ ⵜⴳⴷⵓⴷⴰⵏⵜ ⵏ ⵜⵓⵏⵙ, ⴷ ⵉⵏⵎⵖⵓⵔⵏ ⵢⴰⴹⵏⵉⵏ.

ⵣⵣⵓⵍⵏ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⵜⵓⵏⵙ, ⵎⵓⵃⵎⵎⴷ ⴼⵕⵊ ⴷⴷⴽⴽⴰⵍⵉ, ⴷ ⵉⴳⵎⴰⵎⵏ ⵏ ⵜⵎⵓⵔⴰⵢⵜ ⵜⴰⵎⵖⵔⵉⴱⵉⵜ, ⵓⵍⴰ ⵢⵙⵎⴷⵢⴰⵏ ⵏ ⵜⴳⵔⴰⵡⵜ ⵜⴰⵎⵖⵔⵉⴱⵉⵜ ⵉⵣⴷⵖⵏ ⴳ ⵜⵓⵏⵙ ⴷ ⵎⵏⵏⴰⵡ ⵉⵏⵎⵖⵓⵔⵏ ⵢⴰⴹⵏⵉⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⵙⵙⵣⵔⵉⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵏⵙⵙⵉⵅⴼ ⴰⵜⵓⵏⵙⵉ ⵢⴰⵏ ⴰⴳⵔⴰⵡ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⵜⵓⵏⵙⵉⵏ ⵍⵍⵉ ⵢⴰⵜⵏ ⴼⴽⴰⵏ ⴰⵣⵓⵍ.

ⴰⵎⵎⴰⵙ ⵏ ⵓⵔⵣⴰⴼ ⴰⴷ, ⵉⵎⴰⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵢⴰⵜ ⵜⵎⵓⵔⴰⵢⵜ ⵉⵎⵙⴷⴷⵓⵔⵏ ⵍⵍⵉ ⴳⵉⵜ ⵉⵍⵍⴰⵏ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⵟⴰⵢⵢⵉⴱ ⵍⴼⴰⵙⵙⵉ ⵍⴼⵉⵀⵔⵉ ⴷ ⴼⵓⴰⴷ ⵄⵍⵉ ⵍⵀⵉⵎⵎⴰ ⴷ ⵄⴱⴷⵍⵍⵟⵉⴼ ⵎⵏⵓⵏⵉ, ⴷ ⵎⵏⵏⴰⵡ ⵏ ⵉⵎⴰⵡⴰⵙⵏ ⴷ ⵉⵏⵎⵖⵓⵔⵏ ⵢⴰⴹⵏⵉⵏ.
 

Dernière modification : 09 ⵢⵓⵏⵢⵓ 2014
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%8A%E2%B5%8A%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B5%93%E2%B5%8F%E2%B5%99-%E2%B5%9C%E2%B4%B0%E2%B5%8E%E2%B4%B0%E2%B5%A5%E2%B5%93%E2%B5%8F%E2%B5%9C#comment-0