Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴰⴼⵓⴳⵍⴰ ⵜⴰⵎⴰⴷⴷⵓⴷⵜ ⵏ ⵜⴰⵥⵕⵉⴳⵜ ⵜⵉⵙⵙ ⵎⵔⴰⵡ ⵏ ⵍⵎⵓⵙⵎ ⵏ ⵟⴰⵏⵟⴰⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴰⴼⵓⴳⵍⴰ ⵜⴰⵎⴰⴷⴷⵓⴷⵜ ⵏ ⵜⴰⵥⵕⵉⴳⵜ ⵜⵉⵙⵙ ⵎⵔⴰⵡ ⵏ ⵍⵎⵓⵙⵎ ⵏ ⵟⴰⵏⵟⴰⵏ

07 ⵢⵓⵏⵢⵓ 2014 Version Imprimable
ⵟⴰⵏⵟⴰⵏ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵙⵉⴹⵢⴰⵙ, ⵜⴰⴼⵓⴳⵍⴰ ⵜⴰⵎⴰⴷⴷⵓⴷⵜ ⵏ ⵜⴰⵥⵕⵉⴳⵜ ⵜⵉⵙⵙ ⵎⵔⴰⵡ ⵏ ⵍⵎⵓⵙⵎ ⵏ ⵟⴰⵏⵟⴰⵏ, ⵎⴰⵢⴰⴷ ⵉⵙⵏⵎⴰⵍⴰⵏ ⵙⴳ 4 ⴰⵔ 9 ⵢⵓⵏⵢⵓ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳⵔ ⵜⴰⵎⵔⵏⵓⵜ « ⴰⵢⴷⴰ ⴰⴷⵍⵙⴰⵏ ⵓⵔ ⵉⵎⴰⵜⵜⵉⵡⵏ ⴷ ⵜⵉⵍⴰⵍⵜ ⵏⵏⵙ ⵅⴼ ⵜⵉⴳⵎⵉ ⴷ ⴰⴷⴰⵙ ⴳⵔ ⵉⴳⴷⵓⴷⵏ ».

ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵡⴰⴷⴷⵓⵔ ⵛⵛⵉⵅ ⵃⵎⴷⴰⵏ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ, ⴰⵙⵎⴷⵢⴰⵏ ⵏ ⵓⵏⴱⴱⴰⴹ ⵏ ⴰⴱⵓⴹⴰⴱⵉ ⴳ ⵜⵙⴳⴰ ⵏ ⵜⴰⴳⵓⵜ, ⵉⵔⵣⴼ ⵜⴰⵅⴰⵎⵜ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ, ⵎⴰⵢⴰⴷ ⵉⴳⴰⵏ ⴰⵍⴰⵖ ⵏ ⵡⴰⴷⴷⵓⵔ ⴳ ⵜⵡⴰⵍⴰ ⵢⴰⴷ, ⵉⴹⴼⴰⵕ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵖⵉⵏⵏⴰ ⵢⴰⵏ ⴰⴼⵕⵕⵊ ⵏ ⵜⵔⴰⴱⴱⵓⵜ ⵏ ⴰⴱⵓⴹⴰⴱⵉ ⵏ ⵜⵉⵥⵓⵕⴰ ⵏ ⴰⴼⵕⵕⵊ.

ⵉⵣⵔⴼ ⵙⵓⵍ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴳ ⵜⴰⵅⴰⵎⵜ ⴰⵏⵏ ⵎⵏⵏⴰⵡ ⵏ ⵉⵙⴼⵙⵔⵏ ⵍⵍⵉ ⵢⵓⵛⴽⴰⵏ ⵙⴳ ⵍⵉⵎⴰⵕⴰⵜ, ⴷⴰⵜ ⴰⴷ ⵉⴷⴷⵓ, ⵏⵜⵜⴰⵏ ⴷ ⴱⴰⴱ ⵏ ⵡⴰⴷⴷⵓⵔ ⵛⵛⵉⵅ ⵃⵎⴷⴰⵏ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ, ⵙ ⵎⵏⵏⴰⵡ ⵏ ⵜⵉⵅⴰⵎⵉⵏ ⵉⵙⴳⵓⵎⴰⵏⵏ, ⴷⴰⵜ ⴰⴷ ⵉⵥⵕ ⵢⴰⵏ ⴰⴼⵕⵕⵊ ⵏ ⴰⵥⴰⵡⴰⵏ ⵏ ⵍⵃⵙⵙⴰⵏⵢⵢⴰ « ⵎⵏⴰⵜ ⵄⵉⵛⴰⵜⴰ ».

ⴷⴼⴼⵉⵔ ⵏ ⵖⵉⴽⴰⵏⵏ, ⵉⴷⴷⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵡⴰⴷⴷⵓⵔ ⵛⵛⵉⵅ ⵃⵎⴷⴰⵏ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ, ⵙ ⵜⴰⵅⴰⵎⵜ ⵜⴰⵎⴰⴷⴷⵓⴷⵜ ⴳ ⵎⴰⵏⵉ ⵉⴼⴽⴰ ⵡⵏⵙⵙⵉⵅⴼ ⵏ ⵜⵉⵎⵔⵙⵍⵜ ⵏ ⵍⵎⵓⵙⵎ ⵏ ⵟⴰⵏⵟⴰⵏ (ⴰⵎⵓⴳⴳⵯⴰⵔ) ⴷ ⴰⵎⵙⵇⴰⴷ ⵏ ⵍⵎⵖⵔⵉⴱ ⴳ ⵚⴱⴰⵏⵢⴰ, ⵎⴰⵙⵙ ⴼⴰⴹⵉⵍ ⴱⵏⵢⴰⵄⵉⵛ, ⵢⴰⵏ ⵉⵏⴰⵡ, ⵉⵜⴰⴱⵄⴰ ⵜ ⵎⵓⵃⵎⵎⴷ ⵅⴰⵍⴰⴼ ⵍⵎⵣⵔⴰⵡⵉ, ⴰⵎⵛⵛⵉⵡⵕ ⵏ ⵓⵎⴽⴽⵓⵙⵓ ⵏ ⴰⴱⵓⴹⴰⴱⵉ, ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵎⵓⵃⵎⵎⴷ ⴱⵏⵣⴰⵢⴷ ⴰⵍ ⵏⴰⵀⵢⴰⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⵉⵥⵕⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵡⴰⴷⴷⵓⵔ ⵛⵛⵉⵅ ⵃⵎⴷⴰⵏ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ, ⵢⴰⵏ ⴰⵙⵎⴷⵢⴰ ⵏ ⵜⴰⵎⵖⵔⴰ ⵜⴰⵚⵃⵕⴰⵡⵉⵜ ⴷ ⵢⴰⵏ ⴰⴼⵕⵕⵊ ⴰⵎⵖⵔⵉⴱⵉ ⵉⵎⴰⵔⴰⵜⵉ ⵍⵍⵉ ⵜⴼⴽⴰ ⵜⵔⴰⴱⴱⵓⵜ ⵏ ⴰⴱⵓⴹⴰⴱⵉ ⵏ ⵜⵉⵥⵓⵕⴰ ⵏ ⴰⴼⵕⵕⵊ ⴷ ⵜⵔⴰⴱⴱⵓⵜ ⵏ ⴱⴰⴱ ⵚⵚⵃⵕⴰ ⵏ ⴰⵥⴰⵡⴰⵏ ⴰⵃⵙⵙⴰⵏⵉ, ⴷⴰⵜ ⴰⴷ ⵉⵙⵙⵉⵅⴼ ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵜⵉⵙⵎⵖⵓⵔⵉⵏ.

ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵉ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵃⵎⴷⴰⵏ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ ⵜⴰⵙⵎⵖⵓⵔⵜ ⵏ ⵓⴽⵙⵙⴰⴱ ⵓⵎⵓⴼⴰⵢ.

ⴷⴼⴼⵉⵔ ⵏ ⵖⵉⴽⴰⵏⵏ, ⵢⵉⵡⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, « ⴷⴷⵉⵔⵄ ⵏ ⵜⵜⴻⵜⵡⵉⵊ » ⵍⵍⵉ ⵢⴰⵜ ⵉⴼⴽⴰ ⵡⴳⵔⴰⵡ ⵏ ⵉⵎⵏⵉⴳⵏ ⴰⵎⵉⵔⵉⴽⴰⵏⵉⵏ.

ⵍⵍⵉⵖ ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵙ ⵜⴰⴼⵓⴳⵍⴰ ⵜⴰⵎⴰⴷⴷⵓⴷⵜ, ⵉⵙⵙⵣⵔⵉ ⵢⴰⵏ ⵓⴳⵔⴰⵡ ⵏ ⵜⴰⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵜ ⵉⵣⵣⵓⵍⵏ, ⴷⴰⵜ ⴰⴷ ⵉ ⵉⵣⵣⵓⵍ ⵓⵎⴰⵡⵙⴰⵙ ⵏ ⵜⵏⴼⵍⴰⵃⵜ ⴷ ⵏ ⵜⴰⴳⵎⵔⵜ ⵜⴰⵢⵍⴰⵏⵜ, ⴷ ⵓⵎⴰⵡⵙⴰⵙ ⵏ ⵜⵎⴰⵍⵍⴰⵢⵜ, ⴷ ⵓⵎⴰⵡⵙⴰⵙ ⵏ ⵜⴰⴷⵍⵙⴰ, ⴷ ⵓⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵎⴰⵡⵙⴰⵙ ⵏ ⵓⴳⵏⵙⵓ, ⴷ ⵎⵏⵏⴰⵡ ⵉⴳⵎⴰⵎⵏ ⵢⴰⴹⵏⵉⵏ.

Fichier attaché :
Icône image sar_le_prince_moulay_rachid_preside_ceremonie_officielle_du_moussem_de_tantan_-_g1_0.jpg
Dernière modification : 07 ⵢⵓⵏⵢⵓ 2014
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%9C%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7%E2%B5%9C-%E2%B5%8F-%E2%B5%9C%E2%B4%B0%E2%B5%A5%E2%B5%95%E2%B5%89%E2%B4%B3%E2%B5%9C-%E2%B5%9C%E2%B5%89%E2%B5%99%E2%B5%99#comment-0