ⴳ ⵓⵙⴰⵜⵉ ⵏ ⴰⴹⴼⴼⵓⵕ ⵏ ⵜⵉⵎⵔⵏⵉⵡⵉⵏ ⴳ ⵍⵉⴱⵢⴰ, ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⴰⵍⴰⵖⵉ ⴰⵜⵉⵍⵉⴼⵓⵏⵉ ⵙⴳ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⴰⵎⴰⵜⴰⵢ ⴰⵍⵉⴱⵉ

05 ⵢⵓⵏⵢⵓ 2014 Version Imprimable

ⵕⵕⴱⴰⵟ - ⴳ ⵓⵙⴰⵜⵉ ⵏ ⴰⴹⴼⴼⵓⵕ ⵏ ⵜⵉⵎⵔⵏⵉⵡⵉⵏ ⴳ ⵍⵉⴱⵢⴰ, ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⴰⴽⵡⴰⵙ ⵙⴳ ⵜⴰⵣⴷⵓⵖⵜ ⵏⵏⵙ ⴳ ⵜⵓⵏⵙ, ⵢⴰⵏ ⴰⵍⴰⵖⵉ ⴰⵜⵉⵍⵉⴼⵓⵏⵉ ⵙⴳ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⴰⵎⴰⵜⴰⵢ ⴰⵍⵉⴱⵉ, ⵎⴰⵙⵙ ⵏⵓⵔⵉ ⴰⴱⵓⵙⴰⵀⵎⴰⵢⵏ, ⵎⴰⵢⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ.

ⴰⵎⵎⴰⵙ ⵏ ⵓⵍⴰⵖⵉ ⵢⴰⴷ, ⵉⵙⵏⵖⵎⵙ ⵎⴰⵙⵙ ⴰⴱⵓⵙⴰⵀⵎⴰⵢⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵎⵔⵏⵉⵡⵉⵏ ⵉⴳⴳⵯⵔⴰⵏ ⵍⵍⵉ ⵜⵙⵙⵏ ⵍⵉⴱⵢⴰ, ⴷ ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵖⵍⵉⴼⵜ ⵏⵏⵙ ⵉⵙ ⵉⵥⴹⴰⵕ ⴰⴳⴷⵓⴷ ⴰⵍⵉⴱⵉ ⴰⴷ ⵉⵣⵔⵉ ⵜⵉⴼⴰⴷⴰⵏ ⵉⵛⵇⵇⴰⵏ ⵍⵍⵉ ⵜⵙⵙⵏ ⵜⵎⴰⵣⵉⵔⵜ ⵏ ⵍⵉⴱⵢⴰ, ⵎⴰⵢⴰⴷ ⵉⵏⵏⴰ ⵡⵙⵉⵡⴹ.

ⵉⴹⴰⵍⴱ ⵎⴰⵙⵙ ⴰⴱⵓⵙⴰⵀⵎⴰⵢⵏ ⴰⵙⵏⴰⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵉⵎⵓⵔⵙ ⵉⵔⵉⵎ ⴰⵍⵉⴱⵉ.

ⴳ ⵓⵣⵎⵣⵣⵓ ⵢⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⴱⴱⵉ, ⵉⵙ ⵉⵟⵟⴰⴼ ⵓⴳⴷⵓⴷ ⴰⵍⵉⴱⵉ ⴰⵏⵏⴰⵍ ⵏ ⵓⴳⵍⵍⵉⴷ ⴷ ⵏ ⵜⵏⴱⴰⴹⵜ ⴷ ⵏ ⵓⴳⴷⵓⴷ ⵏ ⵍⵎⵖⵔⵉⴱ, ⴷ ⵉⵎⵍⴰ ⴷⴰⵖ ⵜⴰⵎⵙⴷⴷⵓⵔⵜ ⴰⴷ ⵉⵃⵟⵟⵓ ⴰⴳⵣⵣⵓⵎ ⴰⵏⴰⵎⵓⵔ ⴷ ⴰⵎⵓⵔⴰⵏ ⵏ ⵍⵉⴱⵢⴰ.

ⵉⵏⵏⴰ ⴼ ⵖⵉⴽⴰⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵉⴳⴰ ⵡⵎⵙⴰⵡⴰⵍ ⴰⵏⴰⵎⵓⵔ ⵉⵙⵎⴰⵏⵏ ⴽⵓⵍⵍⵓ ⵢⴼⵔⴷⵉⵙⵏ ⵏ ⵓⴳⴷⵓⴷ ⴰⵍⵉⴱⵉ, ⴰⵖⴰⵔⴰⵙ ⵉⵥⴹⴰⵕⵏ ⴰⴷ ⵉⵙⵙⵍⴽⵎ ⵙ ⵜⵉⴽⵍⵉ ⵢⴰⴷ, ⵉⵔⵏⵓ ⵢⵏⵏⴰ ⵡⵙⵉⵡⴹ.

Dernière modification : 05 ⵢⵓⵏⵢⵓ 2014

Source URL: https://www.mapnews.ma/am/activites-royales/%E2%B4%B3-%E2%B5%93%E2%B5%99%E2%B4%B0%E2%B5%9C%E2%B5%89-%E2%B5%8F-%E2%B4%B0%E2%B4%B9%E2%B4%BC%E2%B4%BC%E2%B5%93%E2%B5%95-%E2%B5%8F-%E2%B5%9C%E2%B5%89%E2%B5%8E%E2%B5%94%E2%B5%8F%E2%B5%89%E2%B5%A1%E2%B5%89%E2%B5%8F-%E2%B4%B3-%E2%B5%8D%E2%B5%89%E2%B4%B1%E2%B5%A2%E2%B4%B0-%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B4%B0%E2%B5%8D%E2%B4%B0%E2%B5%96%E2%B5%89#comment-0