Published on MAPNews (https://www.mapnews.ma/am)

Accueil > ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵙ ⵜⵓⵏⵙ
  1. Accueil
  2. Activités royales

ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵙ ⵜⵓⵏⵙ

30 ⵎⴰⵢⵢⵓ 2014 Version Imprimable
ⵜⵓⵏⵙ - ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵙ ⵜⴰⵎⵓⵏⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴳ ⵜⴰⵣⴷⵡⵉⵜ ⵏ ⴰⵙⵙ ⵏ ⵓⵙⵉⵎⵡⴰⵙ ⵙ ⵜⵓⵏⵙ, ⵅⴼ ⴰⴷ ⴳⵉⵜ ⵉⵙⴽⵔ ⵢⴰⵏ ⵓⵔⵣⴰⴼ ⴰⵎⴰⴷⴷⵓⴷ ⵉ ⵜⴰⴳⴷⵓⴷⴰⵏⵜ ⵙ ⵜⵖⵓⵔⵉ ⵏ ⵓⵏⵙⵙⵉⵅⴼ ⵎⵓⵃⵎⵎⴷ ⵎⵓⵏⵚⵉⴼ ⵎⴰⵕⵥⵓⵇⵉ.

ⵍⵍⵉⵖ ⵉⴳⴳⵯⵣ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙⴳ ⵜⴰⵢⵍⴰⵍⵜ ⵏ ⵜⵓⵏⵙ ⵇⴰⵕⵟⴰⵊ, ⵉⵙⵏⵓⴱⴱⴳ ⵜ ⵓⵏⵙⵙⵉⵅⴼ ⵎⵕⵥⵓⵇⵉ.

ⴹⴼⴼⵉⵔ ⵏ ⵖⵉⴽⴰⵏⵏ, ⴷⴷⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵏⵙⵙⵉⵅⴼ ⴰⵜⵓⵏⵙⵉ ⵙ ⵜⴰⴷⴰⴱⵓⵜ ⵏ ⴰⴷⴷⵓⵔ ⴰⴼⴰⴷ ⴰⴷ ⵣⵓⵍⵏ ⵉⴽⵍⵓⵏ ⵉⵏⴰⵎⵓⵔⵏ ⵙⵙⴼⵍⴷⵏ ⵉⵣⵍⵉⵏ ⵉⵏⴰⵎⵓⵔⵏ ⵏ ⵙⵉⵏ ⵜⵎⵉⵣⴰⵔ, ⴷⴰⵜ ⴰⴷ ⵙⵙⵣⵔⵉⵏ ⵢⴰⵏ ⴰⴳⵔⴰⵡ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⵜⵓⵏⵙⵉⵏ ⵍⵍⵉ ⵢⴰⵜⴼⵏ ⴼⴽⴰⵏ ⴰⵣⵓⵍ, ⵢⵓⵙ ⵍⵎⴷⴼⵄ 21 ⵜⴽⵍⵉⵜ ⵙ ⴰⵣⵓⵍ ⵏ ⴰⵡⴹ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴳⵎⴰⵎⵏ ⵏ ⵜⵏⴱⴰⴹⵜ ⵜⴰⵜⵓⵏⵉⵙⵉⵜ, ⴷ ⵉⵎⵛⵛⵉⵡⵕⵏ ⵏ ⴰⵏⵙⵙⵉⵅⴼ ⴰⵜⵓⵏⵙⵉ ⵍⵎⵕⵥⵓⵇⵉ, ⴷ ⵉⴳⵎⴰⵎⵏ ⵏ ⵜⴰⴼⴳⴳⴰ ⵜⴰⴷⵉⴱⵍⵓⵎⴰⵙⵉⵜ ⵜⴰⵄⵕⴰⴱⵜ ⴷ ⵜⴰⴼⵕⵉⵇⵉⵜ ⵉⵍⵍⴰⵏ ⴳ ⵜⵓⵏⵙ, ⴷ ⵍⵎⵓⴼⵜⵉ ⵏ ⵜⴰⴳⴷⵓⴷⴰⵏⵜ, ⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⵜⵓⵏⵙ, ⵎⵓⵃⵎⵎⴷ ⴼⴰⵕⴰⵊ ⴷⴽⴽⵯⴰⵍⵉ, ⴷ ⵉⴳⵎⴰⵎⵏ ⵏ ⴰⴽⴰⴱⴰⵕ ⴰⴷⵉⴱⵍⵓⵎⴰⵙⵉ ⴰⵎⵖⵔⵉⴱⵉ, ⴷ ⵉⵙⵎⴷⵢⴰⵏ ⵏ ⵜⴳⵔⴰⵡⵜ ⵜⴰⵎⵖⵔⵉⴱⵉⵜ ⵉⵣⴷⵖⵏ ⴳ ⵜⵓⵏⵙ ⴷ ⵎⵏⵏⴰⵡ ⵏ ⵉⵏⵎⵖⵓⵔⵏ ⵢⴰⴹⵏⵉⵏ.

ⴷⴼⴼⵉⵔ ⵏ ⵖⵉⴽⵏⵏ, ⵣⵓⵍⵏ ⴰⵏⵙⵙⵉⵅⴼ ⴰⵜⵓⵏⵙⵉ ⵉⴳⵎⴰⵎⵏ ⵏ ⴰⴽⴰⴱⴰⵕ ⴰⵎⴰⴷⴷⵓⴷ ⵉⵎⴰⵏⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴷⴼⴼⵉⵔ ⵍⵍⵉⵖ ⵉⵙⵙⵏⴼⴰ ⵉⵎⵉⴽⴽ ⴳ ⵜⴰⴷⴰⵍⴰ ⵏ ⴰⴷⴷⵓⵔ ⵏ ⴰⵣⴰⴳⵯⵣ, ⵉⴽⵎⵓⵔ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵙ ⴰⵎⴷⵓⵔⵔⵓ ⵍⵍⵉ ⵢⵎⴰⵏⵏ ⴳ ⴱⵕⵕⴰ ⵏ ⴰⵣⴰⴳⵯⵣ ⴷ ⵉⵣⵓⵍ ⵙ ⵉⴼⴰⵙⵙⵏ ⵏⵏⵙ ⵉⴳⵎⴰⵎⵏ ⵏ ⵜⴳⵔⴰⵡⵜ ⵜⴰⵎⵖⵔⵉⴱⵉⵜ ⵉⵍⵍⴰⵏ ⴳ ⵜⵓⵏⵙ, ⵍⵍⵉ ⵢⵓⵙⵉⵏ ⵜⵉⴼⵔⵉⵙⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵙⵖⵓⵢⵢⵏ ⴰⴷ ⵉⵃⴼⴹ ⵕⴱⴱⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴰⵎⵎⴰⵙ ⵏ ⴰⵔⵣⴰⴼ ⴰⴷ, ⵉⵎⴰⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⴰⴽⴰⴱⴰⵕ ⵉⵎⵙⴷⴷⵓⵔⵏ ⴳ ⵎⴰⵏ ⵍⵍⴰⵏ ⵎⵏⵏⴰⵡ ⵏ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵉⵎⴰⵡⵙⴰⵙⵏ ⴷ ⵉⵎⵙⵜⴳⴳⴰⵔⵏ ⵉⴷⵎⵙⴰⵏ ⵉⵙⵎⴷⵢⴰⵏ ⵉⴳⵔⵏ ⴰⴳⴷⵓⴷⴰⵏ ⴷ ⵓⵙⵍⵉⴳ ⴷ ⵎⵏⵏⴰⵡ ⵏ ⵉⵏⵎⵖⵓⵔⵏ ⵉⵖⵔⵉⵎⵏ ⴷ ⵉⵄⵚⴽⵕⵉⵢⵏ.
 

Dernière modification : 30 ⵎⴰⵢⵢⵓ 2014
Source URL: https://www.mapnews.ma/am/activites-royales/%E2%B5%89%E2%B5%8D%E2%B4%BD%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%99-%E2%B5%9C%E2%B5%93%E2%B5%8F%E2%B5%99#comment-0