Published on MAPNews (https://www.mapnews.ma/am)

Accueil > ⵜⵕⵥⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⵎⵕⵕⴰⴽⵯⵛ ⵢⴰⵏ ⴰⵎⵎⴰⵙ ⵏ ⵜⵓⴽⵣⴰ ⵣⵉⴽⴽ ⵏ ⵉⴽⵯⵕⵥⵎⵉⵡⵏ ⵏ ⵜⴱⵓⴱⴱⴰⵜⵜ ⴷ ⵏ ⵓⵎⴳⴳⵯⵕⴹ ⵏ ⵕⵕⴰⵃⵉⵎ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵕⵥⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⵎⵕⵕⴰⴽⵯⵛ ⵢⴰⵏ ⴰⵎⵎⴰⵙ ⵏ ⵜⵓⴽⵣⴰ ⵣⵉⴽⴽ ⵏ ⵉⴽⵯⵕⵥⵎⵉⵡⵏ ⵏ ⵜⴱⵓⴱⴱⴰⵜⵜ ⴷ ⵏ ⵓⵎⴳⴳⵯⵕⴹ ⵏ ⵕⵕⴰⵃⵉⵎ

19 ⵎⴰⵢⵢⵓ 2014 Version Imprimable
ⵎⵕⵕⴰⴽⵯⵛ - ⵜⵕⵥⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵏ ⵓⵙⵎⴽⵍ ⵏ ⵉⴽⵯⵕⵥⵎⵉⵡⵏ, ⴰⵙⵙ ⵏ ⵓⵢⵏⴰⵙ ⴳ ⵎⵕⵕⴰⴽⵯⵛ, ⵢⴰⵏ ⴰⵎⵎⴰⵙ ⵏ ⵜⵓⴽⵣⴰ ⵣⵉⴽⴽ ⵏ ⵉⴽⵯⵕⵥⵎⵉⵡⵏ ⵏ ⵜⴱⵓⴱⴱⴰⵜⵜ ⴷ ⵏ ⵓⵎⴳⴳⵯⵕⴹ ⵏ ⵕⵕⴰⵃⵉⵎ.

ⵍⵍⵉⵖ ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵉⵣⵣⵓⵍ ⵜ ⵎⵓⵍⴰⵢ ⵃⴼⵉⴹ ⵍⵄⴰⵍⴰⵎⵉ, ⴰⵎⴰⵡⵙⴰⵙ ⵏ ⵓⵙⵖⵏⵣⵉ ⴷ ⵏ ⵜⵎⴳⵓⵔⵉ ⴷ ⵏ ⵓⵙⵙⴰⵔⵓ ⴷ ⵏ ⵜⴷⴰⵎⵙⴰ ⵜⴰⵎⵓⵟⵟⵓⵏⵜ, ⴷ ⵄⴱⴷⵙⵍⴰⵎ ⴱⴽⵕⴰⵜ, ⵍⵡⴰⵍⵉ ⵏ ⵜⵙⴳⴰ ⵏ ⵎⵕⵕⴰⴽⵯⵛ ⵜⴰⵏⵙⵉⴼⵜ ⵍⵃⴰⵡⵣ, ⴷ ⵃⵎⴰⴷ ⵜⵡⵉⵣⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵙⴳⴰ ⵏ ⵎⵕⵕⴰⴽⵯⵛ, ⴷ ⵎⵏⵏⴰⵡ ⵉⴳⵎⴰⵎⵏ ⵢⴰⴹⵏⵉⵏ.

ⴷⴼⴼⵉⵔ ⵍⵍⵉⵖ ⵜⴹⴼⵕ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵉⵙⵙⴼⵔⵓⵏ ⵅⴼ ⵜⵉⵚⴽⵉⵡⵉⵏ ⵏ ⵜⴷⵓⵙⵉ ⴷ ⵉⵎⵣⴷⴰⵖⵏ ⵉⵡⵜⵜⴰⵙⵏ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵜⵓⴽⵣⴰ ⵣⵉⴽⴽ ⵏ ⵉⴽⵯⵕⵥⵎⵉⵡⵏ ⵏ ⵜⴱⵓⴱⴱⴰⵜⵜ ⴷ ⵏ ⵓⵎⴳⴳⵯⵕⴹ ⵏ ⵕⵕⴰⵃⵉⵎ, ⵜⵕⵥⵎ ⴰⵎⵎⴰⵙ, ⵜⴱⴱⵉ ⴼ ⵖⵉⴽⴰⵏⵏ ⴰⴼⴰⵉⵍⵉ ⵏ ⵉⵏⵉⴳⵍ, ⵢⵓⵙ ⵓⴽⴰⵏ ⵓⴳⴷⵓⴷ ⵍⵍⵉ ⵢⵓⵛⴽⴰⵏ ⵙⴳ ⵜⵓⴷⴷⵓⵔⵜ ⵏ ⵍⵎⴰⵙⵉⵔⴰ ⵕⵕⵛⵛ. 

ⵜⵔⵣⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵜⵉⵏⴰⴼⵓⵜⵉⵏ ⵏ ⵓⵎⵎⴰⵙ, ⵎⴰⵢⴰⴷ ⵉⴳⴰⵏ ⵢⴰⵜ ⵜⵉⴷⴰⵍⵉⵏ ⵏ ⴰⵎⵛⴰⵡⴰⵕ ⵏ ⵓⴽⵯⵕⵥⵎⵉⵡ ⵏ ⵓⵎⴳⴳⵯⵕⴹ ⵏ ⵕⵕⴰⵃⵉⵎ, ⴷ ⵏ ⴰⵎⵛⴰⵡⴰⵕ ⴳ ⵜⴱⵓⴱⴱⴰⵜⵜⵉⵏ, ⴷ ⵏ ⵓⵏⴼⴰ ⵙ ⵜⴰⵖⵍⴰⵖⴰⵍⵜ, ⴷ ⵎⵏⵏⴰⵡ ⵢⴰⴹⵏⵉⵏ.

ⵉⵥⴹⴰⵕ ⵓⵎⵎⴰⵙ ⴰⴷ ⴰⴷ ⵉⴼⴽ 4.500 ⴰⵎⵛⴰⵡⴰⵕ ⴳ ⵓⵙⴳⴳⵯⴰⵙ ⵏ ⵜⵓⴽⵣⴰ ⵣⵉⴽⴽ ⵏ ⵉⴽⵯⵕⵥⵎⵉⵡⵏ ⵏ ⵜⴱⵓⴱⴱⴰⵜⵜ ⴷ ⵏ ⵓⵎⴳⴳⵯⵕⴹ ⵏ ⵕⵕⴰⵃⵉⵎ.

ⵢⵓⵎⵥ ⵓⵎⵎⴰⵙ ⴰⴷ ⵢⴰⵏ ⵓⵙⴰⵢⵔⴰⵔ ⵏ 700 ⴰⵎⵉⵜⵔⵓ ⴰⵎⴽⴽⵓⵥ, ⵉⵜⵓⵚⴽⴰ ⵙ 6,1 ⴰⵎⵍⵢⵓⵏ ⵏ ⴷⴷⵔⵀⵎ, ⵍⵍⵉ ⵥⵔⴼⵏ ⵜⵉⵎⵔⵙⵍⵜ ⵏ ⵍⵡⴰⵍⵉⴷ ⴱⵏ ⵟⴰⵍⴰⵍ, ⴷ ⵜⴰⴼⵏⵉⵇⵜ ⵜⴰⵏⴰⵎⵓⵔⵜ ⵏ ⵉⵏⴳⵎⴰⵎⵏ ⵏ ⴰⵖⴹⴰⴼ ⴰⵏⴰⵎⵓⵏ (ⴽⵏⵓⴱⵙ) ⴷ ⵜⵉⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵏ ⵓⵙⵎⴽⵍ ⵏ ⵉⴽⵯⵕⵥⵎⵉⵡⵏ.
 

Fichier attaché :
Icône paquet sar_la_princesse_lalla_salma_inaugure_a_marrakech_un_centre_de_detection_precoce_-_cancers_g3.zip
Dernière modification : 19 ⵎⴰⵢⵢⵓ 2014
Source URL: https://www.mapnews.ma/am/activites-princieres/%E2%B5%9C%E2%B5%95%E2%B5%A5%E2%B5%8E-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B4%B3-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%AF%E2%B5%9B-%E2%B5%A2%E2%B4%B0%E2%B5%8F-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%9C%E2%B5%93%E2%B4%BD%E2%B5%A3%E2%B4%B0#comment-0