ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵉⵙⵏⵜⵉⵏ ⵉⵎⴰⵢⵏⵓⵏ ⵏ « ⵉⵏⴷⵉⵢⴰⵛ

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵉⵙⵏⵜⵉⵏ ⵉⵎⴰⵢⵏⵓⵏ ⵏ « ⵉⵏⴷⵉⵢⴰⵛ » ⴳ ⴱⵏⵉ ⵎⵍⵍⴰⵍ

17 ⵎⴰⵢⵢⵓ 2014 Version Imprimable

ⴱⵏⵉ ⵎⵍⵍⴰⵍ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⴹⵢⴰⵙ ⴳ ⴱⵏⵉ ⵎⵍⵍⴰⵍ,ⵎⵏⵏⴰⵡ ⵏ ⵉⵙⵏⵜⵉⵏ ⵉⵎⴰⵢⵏⵓⵏ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⵉⴳⵎⵉ ⵜⴰⵏⴼⴳⴰⵏⵜ « ⵉⵏⴷⵉⵢⴰⵛ ».

ⵉⴳⴰ ⵍⵃⴰⵍ ⴰⵎⵎⴰⵙ ⴰⵏⴰⵎⵓⵏ ⴱⵓ ⵜⵓⴳⵜ ⵏ ⵜⵉⵡⵓⵔⵉⵡⵉⵏ « ⵍⵇⵓⴷⵙ », ⴷ ⴰⵎⵎⴰⵙ ⴰⵏⴰⵎⵓⵏ ⴰⴷⵍⵙⴰⵏ ⵍⴰⵍⵍⴰ ⵄⵉⵛⴰ, ⴷ ⵢⴰⵜ ⵜⴳⵎⵎⵉ ⵏ ⵎⴷⴷⵏ ⵓⵙⵙⵔⵏⵉⵏ ⴳ ⴱⵏⵉ ⵎⵍⵍⴰⵍ, ⴷ ⵢⴰⵏ ⴰⵎⵎⴰⵙ ⴰⵏⴰⵎⵓⵏ ⴱⵓ ⵜⵓⴳⵜ ⵏ ⵜⵉⵡⵓⵔⵉⵡⵉⵏ ⴳ ⵜⴳⵔⴰⵡⵜ ⵏ ⵍⵇⵚⴱⴰ ⵏ ⵜⴰⴷⵍⴰ, ⴷ ⵢⴰⵜ ⵜⴳⵎⵎⵉ ⵏ ⵉⵎⵎⴰ ⴳ ⵜⴳⵔⴰⵡⵜ ⵏ ⵍⵇⵚⵉⴱⴰ, ⴷ ⵢⴰⵜ ⵜⴳⵎⵎⵉ ⵏ ⵉⵏⵍⵎⴰⴷⵏ ⴳ ⵜⴳⵔⴰⵡⵜ ⵏ ⵡⵍⴰⴷ ⵢⵓⵙⴼ.

ⵜⵜⵓⵙⴽⴰⵔⵏ ⵉⵙⵏⵜⵉⵏ ⴰⴷ ⵙ ⵢⴰⵏ ⵓⵙⵙⴰⵔⵓ ⴰⵖⵣⵓⵔⴰⵏ ⵏ ⵍⴰⵃⵡⴰⵍ ⵏ 35,8 ⴰⵎⵍⵢⵓⵏ ⵏ ⴷⴷⵔⵀⵎ, ⵜⵍⴽⵎ ⵜⴷⵔⴰⵡⵜ ⵏ « ⵉⵏⴷⵉⵢⴰⵛ » 25,7 ⴰⵎⵍⵢⵓⵏ ⵏ ⴷⴷⵔⵀⵎ.

ⴳ ⵓⵣⵎⵣⵣⵓ ⵢⴰⴷ, ⵉⵔⵣⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵎⵎⴰⵙ ⴰⵏⴰⵎⵓⵏ ⴱⵓ ⵜⵓⴳⵜ ⵏ ⵜⵉⵡⵓⵔⵉⵡⵉⵏ « ⵍⵇⵓⴷⵙ », ⵎⴰⵢⴰⴷ ⵉⵙⵏⵎⴰⵍⴰⵏ ⴰⵎⵎⴰⵙ ⵏ ⵙⴰ ⵏ ⵉⴳⵊⴷⵉⵏ, ⵍⵍⴰⵏ ⴳ ⵉⵜⵙⵏ ⵡⵉⵏ ⵏ ⵉⴼⵔⵅⴰⵏ ⵉⵍⵍⴰⵏ ⴳ ⴰⵙⵓⵔⵙ ⵉⵛⵇⵇⴰⵏ, ⴷ ⵏ ⵉⴼⵔⵅⴰⵏ ⵉⵎⵄⴹⵓⵕⵏ ⵉⵜⵜⵓⵊⴰⵏⵏ, ⴷ ⴰⵙⴼⵔⴽ ⴰⵙⴰⴼⴰⵔ ⵏ ⵡⵉⵍⵍⵉ ⵓⵔ ⵉⵙⴼⴼⵉⵍⴷⵏ ⴷ ⵓⵔ ⵉⵙⴰⵡⴰⵍⵏ.

ⵜⵙⵙⵏ ⵜⵙⴳⴰ ⵏ ⴱⵏⵉ ⵎⵍⵍⴰⵍ, ⴳ ⵓⵣⵎⵣ ⵏ 2011-2014, ⴰⵙⵓⴼⵖ ⵏ 398 ⴰⵙⵏⵜⵉ ⵏ « ⵉⵏⴷⵉⵢⴰⵛ » ⵙ ⵢⴰⵏ ⵓⵙⵙⴰⵔⵓ ⴰⵖⵣⵓⵔⴰⵏ ⵏ 137 ⴰⵎⵍⵢⵓⵏ ⵏ ⴷⴷⵔⵀⵎ, ⵜⴷⵔⵓ ⴳⵉⵜⵏ « ⵉⵏⴷⵉⵢⴰⵛ » ⵙ 88,06 ⴰⵎⵍⵢⵓⵏ ⵏ ⴷⴷⵔⵀⵎ.

Dernière modification : 17 ⵎⴰⵢⵢⵓ 2014

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%8F-%E2%B5%89%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%8F-%E2%B5%8F-%C2%AB-%E2%B5%89%E2%B5%8F%E2%B4%B7%E2%B5%89%E2%B5%A2%E2%B4%B0%E2%B5%9B-%C2%BB-%E2%B4%B3-%E2%B4%B1%E2%B5%8F%E2%B5%89-%E2%B5%8E%E2%B5%8D%E2%B5%8D%E2%B4%B0%E2%B5%8D#comment-0