ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵣⴰⴳⵯⵣ ⴰⵎⴰⵢⵏⵓ ⵏ ⴱⵏⵉ ⵎⵍⵍⴰⵍ ⵙ ⴰⵜⵉⴳ ⴰⵖⵣⵓⵔⴰⵏ ⵏ 195,5 ⴰⵎⵍⵢⵓⵏ ⵏ ⴷⴷⵔⵀⵎ

16 ⵎⴰⵢⵢⵓ 2014 Version Imprimable

ⵜⴰⴳⵔⴰⵡⵜ ⵏ ⵡⵍⴰⴷ ⵢⵄⵉⵛ (ⵜⴰⵙⴳⴰ ⵏ ⴱⵏⵉ ⵎⵍⵍⴰⵍ) - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ, ⴰⵣⴰⴳⵯⵣ ⴰⵎⴰⵢⵏⵓ ⵏ ⴱⵏⵉ ⵎⵍⵍⴰⵍ ⵙ ⴰⵜⵉⴳ ⴰⵖⵣⵓⵔⴰⵏ ⵏ 195,5 ⴰⵎⵍⵢⵓⵏ ⵏ ⴷⴷⵔⵀⵎ.

ⴰⵙⵏⵜⵉ ⵢⴰⴷ, ⵎⴰⵢⴰⴷ ⵢⵓⵛⴽⴰⵏ ⴷⴼⴼⵉⵔ ⵏ ⵢⴰⵜ ⵜⵎⵢⴰⵇⵇⴰⵏⵜ ⵉⵙⴳⵎⴹⵏ ⴳ 01 ⵉⴱⵔⵉⵔ 2008 ⴷⴰⵜ ⵏ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵍⵍⴰ ⴰⵎⵎⴰⵙ ⵏ ⵜⴰⵎ ⵉⴽⵉⵍⵓⵎⵉⵟⵕⵏ ⴳ ⵉⵥⵥⵍⵎⴹ ⵏ ⵍⵇⴱⵍⵜ ⵏ ⵎⴷⵉⵏⵜ ⴱⵏⵉ ⵎⵍⵍⴰⵍ.

ⴰⵎⵎⴰⵙ ⵏ ⵓⵙⵏⵜⵉ ⵢⴰⴷ, ⵎⴰⵢⴰⴷ ⵙⴽⵔⵏ ⴰⵙⵉⵔⴰ ⴰⵏⴰⵎⵓⵔ ⵏ ⵉⵣⴰⴳⵯⵣⵏ (128 ⴰⵎⵍⵢⵓⵏ ⵏ ⴷⴷⵔⵀⵎ) ⴷ ⴰⵙⵇⵇⵉⵎ ⵏ ⵜⵙⴳⴰ ⵏ ⵜⴰⴷⵍⴰ ⴰⵥⵉⵍⴰⵍ (67,5 ⴰⵎⵍⵢⵓⵏ ⵏ ⴷⴷⵔⵀⵎ), ⵜⵓⵚⴽⴰ ⵢⴰⵏ ⵓⵙⵔⵙⵉⵡ ⵏ ⵓⵣⴰⴳⵯⵣ, ⴷ ⵢⴰⵜ ⵜⵍⴱⵓⵕⵊⵜ ⵏ ⵜⵉⴹⴰⴼ, ⵓⵍⴰ ⵜⵉⵙⵖⵉⵢⵜ ⵏ ⵓⵖⴰⵔⴰⵙ ⵏ ⵓⴳⴳⵯⵣ, ⴷ ⵎⵏⵏⴰⵡ ⵏ ⵜⵉⵡⵓⵔⵉⵡⵉⵏ ⵢⴰⴹⵏⵉⵏ.

ⵉⵟⵟⴰⴼ ⵓⵙⵔⵙⵉⵡ ⵏ ⵓⵣⴰⴳⵯⵣ ⴰⴷ ⵢⴰⵜ ⵜⵥⵥⵉⴹⵕⴰ 150.000 ⵏ ⵉⵎⵙⵙⵓⴷⵓⵏ ⴳ ⵓⵙⴳⴳⵯⴰⵙ (1.500 ⴰⵎⵉⵜⵔⵓ ⴰⵎⴽⴽⵓⵥ) ⴷ ⵉⵟⵟⴰⴼ ⵉⵎⴰⵡⴰⵏ ⴰⵜⵉⴽⵏⵓⵍⵓⵊⵉⵢⵏ ⵉⵅⴰⵜⴰⵔⵏ ⵉⵔⴰⵔⵏ ⵉ ⵉⵙⵓⵖⵏⵏ ⵉⴳⵔⴰⵖⵍⴰⵏⵉⵏ ⴳ ⵜⵏⴼⵔⵓⵜ ⴷ ⵜⵖⴰⵔⴰ.

ⴰⵙⵎⵙⴰⵙⴰ ⵏ ⵓⵣⴰⴳⵯⵣ ⵏ ⴱⵏⵉ ⵎⵍⵍⴰⵍ ⵢⵓⵎⵥ ⵢⴰⵏ ⵓⵙⴰⵢⵔⴰⵔ ⴰⵖⵣⵓⵔⴰⵏ ⵏ 170 ⴰⵀⵉⴽⵜⴰⵕ ⴷ ⵉⴽⵛⵎ ⴰⵎⵎⴰⵙ ⵏ ⵜⵙⵟⵕⴰⵜⵉⵊⵉⵜ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵉⵣⴰⴳⵯⵣⵏ ⵍⵍⵉ ⵢⵔⴰⵏ ⴰⴷ ⵉⵙⵎⴰⵜⴰ ⵡⵣⵔⴰⴽ ⵙ ⵉⵙⴱⴷⴰⴷⵏ ⵉⴳⵔⴰⵖⵍⴰⵏ.

Dernière modification : 16 ⵎⴰⵢⵢⵓ 2014

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%A3%E2%B4%B0%E2%B4%B3%E2%B5%AF%E2%B5%A3-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%8F-%E2%B4%B1%E2%B5%8F%E2%B5%89-%E2%B5%8E%E2%B5%8D%E2%B5%8D%E2%B4%B0%E2%B5%8D-%E2%B5%99-%E2%B4%B0%E2%B5%9C%E2%B5%89%E2%B4%B3-%E2%B4%B0%E2%B5%96%E2%B5%A3%E2%B5%93%E2%B5%94%E2%B4%B0%E2%B5%8F-%E2%B5%8F-1955-%E2%B4%B0%E2%B5%8E%E2%B5%8D%E2%B5%A2%E2%B5%93%E2%B5%8F-%E2%B5%8F#comment-0