Published on MAPNews (https://www.mapnews.ma/am)

Accueil > ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⴳ ⵕⵕⴱⴰⵟ ⵜⵉⵡⵓⵔⵉⵡⵉⵏ ⵏ ⵓⵙⵓⴼⵖ ⵏ ⵓⵙⵉⵏⴰⴳ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵓⵜⵜⴳ ⵏ ⵉⵎⴰⵎⵏ ⴷ ⵉⵎⵓⵕⵛⵉⴷⵉⵏ ⴷ ⵜⵉⵎⵓⵕⵛⵉⴷⵉⵢⵏ
  1. Accueil
  2. Activités royales

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⴳ ⵕⵕⴱⴰⵟ ⵜⵉⵡⵓⵔⵉⵡⵉⵏ ⵏ ⵓⵙⵓⴼⵖ ⵏ ⵓⵙⵉⵏⴰⴳ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵓⵜⵜⴳ ⵏ ⵉⵎⴰⵎⵏ ⴷ ⵉⵎⵓⵕⵛⵉⴷⵉⵏ ⴷ ⵜⵉⵎⵓⵕⵛⵉⴷⵉⵢⵏ

12 ⵎⴰⵢⵢⵓ 2014 Version Imprimable
ⵕⵕⴱⴰⵟ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵓⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⵕⵕⴱⴰⵟ, ⵜⵉⵡⵓⵔⵉⵡⵉⵏ ⵏ ⵓⵙⵓⴼⵖ ⵏ ⵓⵙⵉⵏⴰⴳ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵓⵜⵜⴳ ⵏ ⵉⵎⴰⵎⵏ ⴷ ⵉⵎⵓⵕⵛⵉⴷⵉⵏ ⴷ ⵜⵉⵎⵓⵕⵛⵉⴷⵉⵢⵏ.

ⴰⵙⵉⵏⴰⴳ ⴰⴷ, ⵍⵍⵉ ⵢⵙⵎⴰⵏⵏ 140 ⵓⵎⵍⵢⵓⵏ ⵏ ⴷⴷⵔⵀⵎ, ⵔⴰⴷ ⵉⵙⵏⵓⴱⴳ ⵟⵟⵍⴱⴰ ⵉⵎⵖⵔⴰⴱⵉⵢⵏ ⴷ ⵡⵉⵍⵍⵉ ⵢⵓⵛⴽⴰⵏ ⵙⴳ ⵜⵎⵉⵣⴰⵔ ⵉⵄⵕⴰⴱⵏ ⴷ ⵉⴼⵔⵉⵇⵉⵢⵏ, ⵉⴽⵛⵎ ⴳ ⵓⵙⴰⵜⵉ ⵏ ⵓⵙⵙⵕⵚⴰ ⵏ ⵢⴰⵜ ⵜⵙⵟⵕⴰⵜⵉⵊⵉⵜ ⵍⵍⵉ ⵢⵔⴰⵏ ⴰⴷ ⵉⵙⵙⵍⵎⴷ ⵉ ⵜⵉⵙⵓⵜⵉⵏ ⵏ ⵉⵎⴰⵎⵏ ⴷ ⵉⵎⵓⵕⵛⵉⴷⵉⵏ ⴷ ⵜⵉⵎⵓⵕⵛⵉⴷⵉⵢⵏ ⵉⵜⵉⴳⵏ ⵏ ⵍⵉⵙⵍⴰⵎ ⵏ ⵓⵎⵏⴰⴹ ⴰⴼⴰⴷ ⴰⴷ ⴼⵔⴳⵏ ⵍⵎⵖⵔⵉⴱ ⵙⴳ ⵜⴰⵟⴰⵔⵔⵓⴼ ⴷ ⴰⴷ ⵙⴷⵓⵙⵏ ⵜⵉⵣⵉ ⵏⵏⵙ ⵜⴰⵙⴳⴷⵜ.

ⴼ ⵖⵉⴽⴰⵏⵏ, ⵔⴰⴷ ⴹⴼⴰⵕⵏ ⵉⵖⴰⵡⴰⵙⵏ ⵏ ⵓⵙⵎⵓⵜⵜⴳ ⵍⵍⵉ ⵔⴰⴷ ⵉⴼⴽ ⵓⵙⵉⵏⴰⴳ ⴰⴷ ⵍⵄⴰⵇⵉⴷⴰ ⵍⴰⵛⵄⴰⵔⵉⵢⵢⴰ ⴷ ⵍⵎⴰⴷⵀⴰⴱ ⵍⵎⴰⵍⵉⴽⵉ ⴷ ⵚⵚⵓⴼⵢⵢⴰ ⵏ ⵙⵓⵏⵏⴰ, ⵎⴰⵢⴰⴷ ⵉⴳⴰⵏ ⵜⴰⵡⴰⴱⵉⵜ ⵏ ⵍⵉⵙⵍⴰⵎ ⵍⵍⵉ ⴷⵔⴰⵏ ⵎⵏⵏⴰⵡ ⵎⵏⵏⴰⵡ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵏ ⵜⴳⵓⵜ. 

ⵔⴰⴷ ⵉⵜⵜⵓⵙⴽⴰⵔ ⵓⵙⵉⵏⴰⴳ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵓⵜⵜⴳ ⵏ ⵉⵎⴰⵎⵏ ⴷ ⵉⵎⵓⵕⵛⵉⴷⵉⵏ ⴷ ⵜⵉⵎⵓⵕⵛⵉⴷⵉⵢⵏ ⴳ ⵢⴰⵏ ⵓⴱⴰⵔⴰⵣ ⵏ 28.687 ⴰⵎⵉⵜⵔⵓ ⴰⵎⴽⴽⵓⵥ, ⵔⴰⴷ ⵉⵟⵟⴼ ⵢⴰⵏ ⵉⴼⵔ ⴰⴱⵉⴷⴰⵖⵓⵊⵉ ⴷ ⴰⵎⵙⵙⵓⴳⵓⵔ, ⴷ ⵢⴰⵏ ⵉⴼⵔ ⵏ ⵜⵣⴷⵖⵜ ⴷ ⵏ ⵜⵙⵉⵔⵎⵜ, ⴷ ⵢⴰⵏ ⵉⴼⵔ ⴰⵏⴰⵎⵓⵏ ⴷ ⴰⵎⴰⵏⵓⵏ.

ⵔⴰⴷ ⵙⵓⵍ ⵉⵙⵎⵓⵜⵜⴳ ⵓⵙⵉⵏⴰⴳ ⴰⴷ ⵉⵎⴰⵎⵏ ⵢⵓⵛⴽⴰⵏ ⵙⴳ ⵜⵎⵉⵣⴰⵔ ⵉⵄⵕⴰⴱⵏ ⴷ ⵉⴼⵔⵉⵇⵉⵢⵏ (ⵜⵓⵏⵙ, ⵍⵉⴱⵢⴰ, ⵍⵎⴰⵍⴷⵉⴼ, ⵎⴰⵍⵉ, ⵍⴳⴰⴱⵓⵏ, ⴽⵓⵟ ⴷⵉⴼⵡⴰⵕ).
 

Dernière modification : 12 ⵎⴰⵢⵢⵓ 2014
Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B5%89%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%93%E2%B5%99%E2%B5%93%E2%B4%BC%E2%B5%96-%E2%B5%8F-%E2%B5%93%E2%B5%99%E2%B5%89%E2%B5%8F%E2%B4%B0%E2%B4%B3-%E2%B5%8F#comment-0