ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵏⴰⴼⵓⵜ ⵏ ⵓⵙⴷⵓⵢ ⴳ ⵓⵙⴳⵏⴰⴼ ⵏ ⴱⵏ ⵙⵉⵏⴰ ⴷⴼⴼⵉⵔ ⵏ ⵓⵙⵎⴰⵢⵏⵓ ⵏⵏⵙ

01 ⵎⴰⵢⵢⵓ 2014 Version Imprimable

ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵓⴷⴷⵓⵔ ⵏ ⵜⵎⵙⵎⵓⵏⵜ ⵏ ⵜⵉⴳⵎⵉ ⵜⴼⴳⴰⵏⵜ « ⵃⴰⵙⴰⵏⴰⵜ », ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵏⴰⴼⵓⵜ ⵏ ⵓⵙⴷⵓⵢ ⴳ ⵓⵙⴳⵏⴰⴼ ⵏ ⴱⵏ ⵙⵉⵏⴰ ⴷⴼⴼⵉⵔ ⵏ ⵓⵙⵎⴰⵢⵏⵓ ⵏⵏⵙ.

ⴳ ⵓⵣⵎⵣⵣⵓ ⵢⴰⴷ, ⵜⵙⴽⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵏ ⵓⵔⵣⴰⴼ ⵉ ⴽⵓⵍⵍⵓ ⵜⵉⵏⴰⴼⵓⵜⵉⵏ ⵉⴹⴼⴰⵕⵏ ⵉ ⵡⴳⵣⵣⵓⵎ ⵏ ⵉⵊⵉⵊⵊⵉⵜⵏ ⵉⵙⵙⵉⴷⵏ (ⵉⴳⵔ ⴰⵎⵙⴳⵏⴰⴼ ⵉⵟⵟⴰⴼⵏ ⵉⵎⵚⵕⵉⵢⵏ ⵏ ⵓⵙⴷⵓⵢ, ⴰⵏⵙⴰ ⵏ ⵉⵙⵔⵓⵙⵏ ⵉⵜⵉⵇⵏⵉⵢⵏ, ⴰⵎⵚⵕⵉ ⵏ ⵍⵄⴷⵡⴰ, ⵓⵍⴰ ⵢⴰⵏ ⵉⴳⵔ ⴰⵎⵙⵙⵓⴳⵓⵔ).

ⴰⵎⵎⴰⵙ ⵏ ⵜⴼⵓⴳⵍⴰ ⵢⴰⴷ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴰⵙⴳⵎⴹ ⵏ ⵙⵏⴰⵜ ⵏ ⵜⵉⵎⵢⴰⵇⵇⴰⵏⵉⵏ ⵏ ⵜⵎⴷⵔⴰⵡⵜ ⴳⵔ ⵜⵎⵙⵎⵓⵏⵜ ⵏ ⵜⵉⴳⵎⵉ ⵜⴰⴼⴳⴰⵏⵜ « ⵃⴰⵙⴰⵏⴰⵜ » ⴷ ⵜⵉⵎⵔⵙⵍⵜ ⵜⴰⴼⵏⵉⵇⵜ ⵏ ⵓⵙⵔⵔⵓⵙ ⴷ ⵏ ⵓⵙⵡⵓⴷⴷⵓ (ⵙⵉⴷⵉⵊⵉ) ⵓⵍⴰ ⴷ ⵕⵉⴹⴰⵍ.

ⵍⵍⵉⵖ ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⵙⵙⵣⵔⵉ ⵢⴰⵏ ⵓⴳⵔⴰⵡ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⵉⴷⴷⵓⵔⵏ, ⴷⴰⵜ ⴰⴷ ⵜ ⵉⵣⵓⵍ ⵓⵎⴰⵡⵙⴰⵙ ⵏ ⵜⴷⵓⵙⵉ ⵍⵃⵓⵙⵉⵏ ⵍⵡⵔⴷⵉ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⵟ ⵙⵍⴰ ⵣⵎⵎⵓⵔ ⵣⵄⵉⵔ, ⴷ ⵓⵏⴱⴱⴰⴹ ⵏ ⵍⵄⴰⵎⴰⵍⴰ ⵏ ⵕⵕⴱⴰⵟ, ⵄⴱⴷⵍⵡⴰⴼⵉ ⵍⴼⵜⵉⵜ ⴷ ⵉⴳⵎⴰⵎⵏ ⵢⴰⴹⵏⵉⵏ.

Fichier attaché :

rabat_-_sar_lalla_hasna_-_visite_d_hopital_-_g5_0.zip

Dernière modification : 01 ⵎⴰⵢⵢⵓ 2014

Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%9C%E2%B5%8F%E2%B4%B0%E2%B4%BC%E2%B5%93%E2%B5%9C-%E2%B5%8F#comment-0