Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵏ ⵉⵎⵏⵙⵉ ⵍⵍⵉ ⵙⵏⵎⴰⵍⴰⵏ ⵜⵥⴰⵢⵕⵜ ⵜⴰⴷⵉⴱⵍⵓⵎⴰⵙⵉⵜ ⴷ ⵜⵉⵎⵔⵙⵍⵜ ⵜⴰⴷⵉⴱⵍⵓⵎⴰⵙⵉⵜ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵏ ⵉⵎⵏⵙⵉ ⵍⵍⵉ ⵙⵏⵎⴰⵍⴰⵏ ⵜⵥⴰⵢⵕⵜ ⵜⴰⴷⵉⴱⵍⵓⵎⴰⵙⵉⵜ ⴷ ⵜⵉⵎⵔⵙⵍⵜ ⵜⴰⴷⵉⴱⵍⵓⵎⴰⵙⵉⵜ

01 ⵎⴰⵢⵢⵓ 2014 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⴰⵙⵙ ⵏ ⵓⴽⵕⴰⵙ ⴳ ⵕⵕⴱⴰⵟ, ⵢⴰⵏ ⵉⵎⵏⵙⵉ ⵍⵍⵉ ⵙⵏⵎⴰⵍⴰⵏ ⵜⵥⴰⵢⵕⵜ ⵜⴰⴷⵉⴱⵍⵓⵎⴰⵙⵉⵜ ⴷ ⵜⵉⵎⵔⵙⵍⵜ ⵜⴰⴷⵉⴱⵍⵓⵎⴰⵙⵉⵜ ⴰⴼⴰⴷ ⴰⴷ ⵏⵏⴰⵍⵏ ⵉⵙⵏⵜⵉⵏ ⵏ ⵜⵡⵍⵍⵓⵖⵜ ⴳ ⵍⵎⵖⵔⵉⴱ.

ⴰⵎⵎⴰⵙ ⵏ ⵢⴰⵏ ⵉⵏⴰⵡ ⴳ ⵓⵣⵎⵣⵣⵓ ⵢⴰⴷ, ⵜⵙⵏⵉⵎⵎⵔ ⵜⵏⵙⵙⵉⵅⴼⵜ ⵏ ⵜⵥⴰⵢⵕⵜ ⵜⴰⴷⵉⴱⵍⵓⵎⴰⵙⵉⵜ ⵏ ⵕⵕⴱⴰⵟ, ⵜⴰⵎⵖⴰⵔⵜ ⵏ ⵓⵎⵙⵇⴰⴷ ⵏ ⵍⴽⴰⵎⵉⵕⵓⵏ ⴳ ⵕⵕⴱⴰⵟ, ⵎⴰⵙⵙⴰ ⵎⵓⵃⵎⵎⴰⴷⵓ ⵃⴰⴱⵉⴱⴰⵜⵓ, ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵅⴼ ⵜⵉⵍⵉⵜ ⵏⵏⵙ ⴳ ⵜⴼⵓⴳⵍⴰ ⵢⴰⴷ ⵍⵍⵉ ⵢⵎⵍⴰⵏ ⵜⵉⵔⴰⵜ ⵏ ⵍⴰⵍⵍ ⵏ ⵜⴻⵜⵜⵓⵢⵜ ⵜⴰⴳⵍⴷⴰⵏⵜ ⴷ ⵓⵙⵓⵖⵏ ⵏⵏⵙ ⴰⴼⴰⴷ ⴰⴷ ⵜⵎⵓⵏ ⴷ ⵜⴰⵥⴰⵢⵕⵜ ⵜⴰⴷⵉⴱⵍⵓⵎⴰⵙⵉⵜ ⴰⵎⵎⴰⵙ ⵏ ⵜⵉⴳⴰⵡⵜ ⵏⵏⵙ ⵍⵍⵉ ⵢⵔⴰⵏ ⴰⴷ ⵜⵏⵏⴰⵍ ⵜⵉⵎⵙⵎⵓⵏⵉⵏ ⵉⵡⵓⵔⵉⵏ ⴳ ⵉⴳⵔⵏ ⵏ ⵜⵎⵥⵉⵢⵜ ⴷ ⵏ ⵜⴰⵏⴽⵔⴰ ⵙ ⵜⵉⵍⴰⵍⵜ ⵏ ⵜⵎⵖⴰⵔⵉⵏ ⴷ ⵏ ⵉⴼⴳⴰⵏ ⵉⵍⵍⴰⵏ ⴳ ⵓⵙⵓⵔⵙ ⵏ ⵓⵥⵍⴰⴹ.

ⵙⴷⴷⵉⴷ ⵙⵓⵍ ⵜⵏⵙⵙⵉⵅⴼⵜ ⵏ ⵜⵥⴰⵢⵕⵜ ⵜⴰⴷⵉⴱⵍⵓⵎⴰⵙⵉⵜ ⴳ ⵕⵕⴱⴰⵟ ⴰⵍⴰⵢ ⵉⵅⴰⵜⴰⵔⵏ ⵍⵍⵉ ⵢⵙⵙⵏ ⵍⵎⵖⵔⵉⴱ ⴳ ⵓⵏⴷⴰⵀ ⵉⴼⵓⵍⴽⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵜⵎⵍⴰ ⴼ ⵖⵉⴽⴰⵏⵏ ⵉⵙⵏⵉⵎⵎⵔⵏ ⵏⵏⵙ ⵉ ⵡⴳⵍⵍⵉⴷ ⵅⴼ ⵓⵏⵏⴰⵍ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵜⵉⴳⴰⵡⵜ ⵏ ⵜⵥⴰⵢⵕⵜ ⵜⴰⴷⵉⴱⵍⵓⵎⴰⵙⵉⵜ.

ⵜⴻⵜⵎⵎⴰ ⵜⵎⴷⴷⵉⵜ ⴰⴷ ⵙ ⵢⴰⵏ ⵓⴼⵕⵕⵊ ⵏ ⵓⵥⴰⵡⴰⵏ. ⵍⵍⵉⵖ ⵢⴰⴷⵍⵍⵉ ⵜⵍⴽⵎ, ⵜⵙⵙⵣⵔⵉ ⵍⴰⵍⵍ ⵏ ⵜⴻⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵏ ⵜⵔⴰⴱⴱⵓⵜ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⴷⴷⵓⵔ, ⴷⴰⵜ ⴰⴷ ⵜⵣⵣⵓⵍ ⵜⵎⴰⵡⴰⵙⵜ ⵏ ⵜⴱⴷⴰⴷⵜ ⴷ ⵏ ⵜⵎⵖⴰⵔⵜ ⴷ ⵏ ⵜⵡⴰⵛⵓⵏⵜ ⴷ ⵏ ⵜⵉⴳⵎⵉ ⵜⴰⵏⴰⵎⵓⵏⵜ, ⴱⴰⵙⵉⵎⴰ ⵃⵇⵇⴰⵡⵉ, ⴷ ⵜⵎⴰⵡⴰⵙⵜ ⵜⴰⵎⴰⵔⵉⵜ ⴷⴰⵔ ⵓⵎⴰⵡⵙⴰⵙ ⵏ ⵜⵉⵎⵙⴰⵔⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ, ⵎⴱⴰⵕⴽⴰ ⴱⵓⵄⵉⴷⴰ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⵟ ⵙⵍⴰ ⵣⵎⵎⵓⵔ ⵣⵄⵉⵔ, ⴷ ⵓⵏⴱⴱⴰⴹ ⵏ ⵍⵄⴰⵎⴰⵍⴰ ⵏ ⵕⵕⴱⴰⵟ, ⵄⴱⴷⵍⵡⴰⴼⵉ ⵍⴼⵜⵉⵜ.
 

Fichier attaché :
Icône paquet sar_lalla_hasnaa_preside_diner_de_gala_g2.zip
Dernière modification : 01 ⵎⴰⵢⵢⵓ 2014
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B5%A2%E2%B4%B0%E2%B5%8F-%E2%B5%89%E2%B5%8E%E2%B5%8F%E2%B5%99%E2%B5%89-%E2%B5%8D%E2%B5%8D%E2%B5%89-%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0%E2%B5%8F-%E2%B5%9C%E2%B5%A5%E2%B4%B0%E2%B5%A2%E2%B5%95%E2%B5%9C#comment-0