ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵙⵉⵏ ⵉⵙⵏⵜⵉⵏ ⴰⵎⴰⵢⵏⵓⵏ ⵉⴷⵓⵙⵉⵏ ⴷ ⵉⵏⴰⵎⵓⵏⵏ ⴳ ⵜⵎⴷⵉⵏⵉⵏ ⵏ ⵍⴼⵏⵉⴷⵇ ⴷ ⵜⵉⵟⵡⴰⵏ

15 ⵉⴱⵔⵉⵔ 2014 Version Imprimable

ⵜⵉⵟⵡⴰⵏ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ, ⵙⵉⵏ ⵉⵙⵏⵜⵉⵏ ⴰⵎⴰⵢⵏⵓⵏ ⵉⴷⵓⵙⵉⵏ ⴷ ⵉⵏⴰⵎⵓⵏⵏ ⴳ ⵜⵎⴷⵉⵏⵉⵏ ⵏ ⵍⴼⵏⵉⴷⵇ ⴷ ⵜⵉⵟⵡⴰⵏ.

ⴼ ⵖⵉⴽⴰⵏⵏ, ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵢⴰⵏ ⵓⴷⴷⵉⵙ ⵉⴷⵓⵙⵉⵏ ⴷ ⵉⵏⴰⵎⵓⵏⵏ ⴳ ⵍⴼⵏⵉⴷⵇ, ⴷ ⵢⴰⵏ ⴰⵎⵎⴰⵙ ⴰⵏⵎⵏⴰⴹ ⵏ ⵜⵙⵏⵉⵊⵊⵉⵜ ⵜⴰⴽⵎⴰⵎⵜ ⴷ ⵏ ⵓⵃⵕⵕⵛ ⴳ ⵜⵉⵟⵡⴰⵏ, ⵍⵍⵉ ⵔⴰⴷ ⵜⵜⵓⵙⴽⴰⵔⵏ ⵙ 30 ⵓⵎⵍⵢⵓⵏ ⵏ ⴷⴷⵔⵀⵎ.

ⴰⴷⴷⵉⵙ ⵉⴷⵓⵙⵉⵏ ⴷ ⵉⵏⴰⵎⵓⵏⵏ ⵏ ⵍⴼⵏⵉⴷⵇ (18 ⵓⵎⵍⵢⵓⵏ ⵏ ⴷⴷⵔⵀⵎ) ⵢⵓⵎⵥ 1.250 ⴰⵎⵉⵜⵔⵓ ⴰⵎⴽⴽⵓⵥ ⴷ ⵉⵟⵟⴰⴼ ⵢⴰⵏ ⵓⵎⵎⴰⵙ ⵉⵙⴰⴼⴰⵔⵏ ⴰⵖⵔⵎⴰⵏ, ⴷ ⵢⴰⵏ ⵓⵎⵎⴰⵙ ⵏ ⵓⴽⴰⵣ ⴷ ⵏ ⵓⵙⵎⴽⵍ ⵏ ⵜⴰⵎⵓⴹⵉⵏⵜ ⵏ ⵙⵙⵓⵍⵍ ⴷ ⵏ ⵓⵏⴼⵓⵙ, ⴷ ⵢⴰⵏ ⵢⴰⵜ ⵜⵣⵣⵔⴰⵢⵜ ⵜⴰⵖⵎⵙⴰⵏⵜ, ⴷ ⵢⴰⵜ ⵜⵣⵇⵇⴰ ⵏ ⵓⵙⵎⵓⵜⵜⴳ ⴷ ⵎⵏⵏⴰⵡ ⵏ ⵜⵉⵏⴰⴼⵓⵜⵉⵏ ⵢⴰⴹⵏⵉⵏ.

ⴰⵎⵎⴰ ⵡⵎⵎⴰⵙ ⴰⵏⵎⵏⴰⴹ ⵏ ⵏ ⵜⵙⵏⵉⵊⵊⵉⵜ ⵜⴰⴽⵎⴰⵎⵜ ⴷ ⵏ ⵓⵃⵕⵕⵛ ⵏ ⵜⵉⵟⵡⴰⵏ ⵍⵍⵉ ⵢⵜⵜⵓⵙⴽⴰⵔⵏ ⵙ12 ⵎⵉⵍⵢⵓⵏ ⵏ ⴷⴷⵔⵀⵎ, ⵉⴳⴰ ⵜⴰⵢⴰⴼⵓⵜ ⵏ ⵢⴰⵜ ⵜⵎⴷⵔⴰⵡⵜ ⴳⵔ ⵜⴰⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⵉⴳⵎⵉ ⵜⵓⴼⴳⴰⵏⵜ ⴷ ⵜⵎⴰⵡⴰⵙⵜ ⵏ ⵜⴷⵓⵙⵉ. ⵔⴰⴷ ⵉⴼⴽ ⵉⵊⵎⵉⵍⵏ ⵏ ⵓⴽⴰⵣ ⴷ ⵏ ⵓⵙⴰⵙⴼⵔ ⵉ ⵜⵜⴰⵛⴰⵡⵡⵓⵀⴰⵜ (ⵉ ⵢⴼⵔⵅⴰⵏ ⴷ ⵉⵎⵜⵔⵓⴳⵏ), ⴷ ⵏ ⵓⵃⵕⵕⵛ, ⴷ ⵎⵏⵏⴰⵡ ⵏ ⵉⵊⵎⵉⵍⵏ ⵢⴰⴹⵏⵉⵏ.

ⵔⴰⴷ ⵉⵙⵙⴱⵖⵔ ⵓⵙⵏⵜⵉ ⵢⴰⴷ ⵉⵎⵣⴷⴰⵖⵏ ⵏ ⵜⵎⴷⵉⵏⵉⵏ ⵏ ⵜⵉⵟⵡⴰⵏ, ⴷ ⵛⴼⵛⴰⵡⵏ, ⴷ ⵡⴰⵣⵣⴰⵏ, ⴷ ⵍⵎⴹⵢⵇ, ⴷ ⵍⴼⵏⵉⴷⵇ.

Dernière modification : 15 ⵉⴱⵔⵉⵔ 2014

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%99%E2%B5%89%E2%B5%8F-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%8F-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%8F-%E2%B5%89%E2%B4%B7%E2%B5%93%E2%B5%99%E2%B5%89%E2%B5%8F-%E2%B4%B7-%E2%B5%89%E2%B5%8F%E2%B4%B0%E2%B5%8E%E2%B5%93%E2%B5%8F%E2%B5%8F-%E2%B4%B3-%E2%B5%9C%E2%B5%8E%E2%B4%B7%E2%B5%89%E2%B5%8F%E2%B5%89%E2%B5%8F-%E2%B5%8F-%E2%B5%8D%E2%B4%BC%E2%B5%8F%E2%B5%89%E2%B4%B7%E2%B5%87-%E2%B4%B7#comment-0