ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵙⵉⵅⴼ ⴳ ⵎⴰⵔⵜⵉⵍ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵎⵔⴰⵡ ⵏ ⵜⵉⵎⵢⴰⵇⵇⴰⵏⵉⵏ ⵏ ⵜⵉⴳⵎⵉ ⵏ ⵉⵙⵏⵜⵉⵏ ⵏ ⵓⵙⴳⵎⵉ ⵏ ⵉⵎⵓⴷⵔ ⵏ ⵜⴰⴽⵙⵙⴰⴱⵜ ⴳ ⵍⵎⵖⵔⵉⴱ

14 ⵉⴱⵔⵉⵔ 2014 Version Imprimable

ⵎⴰⵕⵜⵉⵎ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⵎⴰⵕⵜⵉⵍ, ⵜⴰⴼⵓⴳⵍⴰ ⵏ ⵓⵙⴳⵎⵉ ⵏ ⵎⵔⴰⵡ ⵏ ⵜⵉⵎⵢⴰⵇⵇⴰⵏⵉⵏ ⵏ ⵜⵉⴳⵎⵉ ⵏ ⵉⵙⵏⵜⵉⵏ ⵏ ⵓⵙⴳⵎⵉ ⵏ ⵉⵎⵓⴷⵔ ⵏ ⵜⴰⴽⵙⵙⴰⴱⵜ ⴳ ⵓⴳⴰⵔⵓ ⴰⵟⵍⴰⵏⵜⵉ ⴷ ⴳ ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ, ⵎⴰⵢⴰⴷ ⵉⵙⵎⴰⵏⵏ 1,3 ⵓⵎⵍⵢⴰⵕ ⵏ ⴷⴷⵔⵀⵎ.

ⴰⵙⴳⵎⴹ ⵏ ⵜⵉⵎⵢⴰⵇⵇⴰⵏⵉⵏ ⴰⴷ ⵉⴽⵛⵎ ⴳ ⵓⵙⴰⵜⵉ ⵏ ⵓⵙⵙⵕⵚⴰ ⵏ ⵜⵙⵟⵕⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵜⵉⴳⵎⵉ ⵏ ⵓⴳⵔ ⵏ ⵜⴳⵎⵔⵜ ⵜⴰⵢⵍⴰⵏⵜ « ⵀⴰⵍⵢⵓⵜⵉⵙ ». ⴼ ⵖⵉⴽⴰⵏⵏ, ⵔⴰⴷ ⵜⵜⵓⵙⴽⴰⵔⵏ ⵙⵍⴰⵡⴰⵏ ⴰⴽⴽⵯ ⵙⵎⵎⵓⵙⵙ ⵏ ⵜⵉⵙⵓⵏⴰ ⵏ ⵜⴽⵙⵙⴰⴱⵜ ⵏ ⵉⵊⵖⵓⵍⵏ ⴷ ⴽⴽⵓⵥ ⵏ ⵜⵉⵙⵓⵏⴰ ⵏ ⵜⴽⵙⵙⴰⴱⵜ ⵏ ⵉⵙⵍⵎⴰⵏ.

ⵉⵙⵏⵜⵉⵏ ⴰⴷ ⵔⴰⴷ ⴼⴽⵉⵏ 600 ⵉⵙⵡⵓⵔⵉⵏ ⵉⵙⵔⵉⴷⵏ, ⴷ ⵢⴰⵜ ⵜⴰⵢⴰⴼⵓⵜ ⵜⴰⵎⵓⵜⵜⵔⵜ ⵏ 23.000 ⵟⵟⵓⵏ ⵏ ⵉⵙⵍⵎⴰⵏ ⴽⵔⴰ ⵢⴳⴰⵜ ⵓⵙⴳⴳⵯⴰⵙ, ⴷ 1.540 ⵏ ⵟⵟⵓⵏ ⵏ ⵉⵊⵖⵓⵍⵏ ⴷ 70 ⵓⵎⵍⵢⵓⵏ ⵏ ⵉⵙⵍⵎⴰⵏ ⵉⵎⵥⵥⵉⵏⵉⵏ ⴷ 60 ⵓⵎⵍⵢⵓⵏ ⵏ ⵉⵊⵖⵓⵍⵏ ⵉⵎⵥⵥⵉⵏ.

ⴼ ⵖⵉⴽⴰⵏⵏ, ⵜⵔⴰ ⵜⵙⵟⵕⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵜⵉⴳⵎⵉ ⵏ ⵓⴳⵔ ⵏ ⵜⴳⵎⵔⵜ ⵜⴰⵢⵍⴰⵏⵜ « ⵀⴰⵍⵢⵓⵜⵉⵙ » ⴰⴷ ⵜⵙⵙⵍⴽⵎ ⵙ 21,9 ⵓⵎⵍⵢⴰⵕ ⵏ ⴷⴷⵔⵀⵎ ⴰⵢⴰⴼⵓ ⴰⴳⵯⵏⵙⴰⵏ ⴰⴳⴰⵔⵏⵡ ⵏ ⵉⴳⵔ ⴳ ⵉⵎⵏⵉⴷ 2020, ⴷ ⴰⴷ ⵉⵙⵢⴰⴼⴰ ⵍⴰⵃⵡⴰⵍ ⵏ 115.000 ⵓⵙⵡⵓⵔⵉ ⵓⵙⵔⵉⴷ, ⴷ ⴰⴷ ⵖⵍⵉⵏⵜ ⵉⵙⵉⴼⴰⴹ ⵏ ⵉⵢⴰⴼⵓⵏ ⵏ ⵉⵍⵍ ⴰⵔ 3,1 ⴳ ⵜⵉⴳⵎⵉⴹⵉ.

Dernière modification : 14 ⵉⴱⵔⵉⵔ 2014

Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B3-%E2%B5%8E%E2%B4%B0%E2%B5%94%E2%B5%9C%E2%B5%89%E2%B5%8D-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B4%B9-%E2%B5%8F-%E2%B5%8E%E2%B5%94%E2%B4%B0%E2%B5%A1-%E2%B5%8F-%E2%B5%9C%E2%B5%89%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%89%E2%B5%8F-%E2%B5%8F-%E2%B5%9C%E2%B5%89%E2%B4%B3%E2%B5%8E%E2%B5%89-%E2%B5%8F#comment-0