ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵖⴰⵡⴰⵙ ⵏ ⵜⴳⵎⵉ ⵜⴰⴷⴰⵎⵙⴰⵏⵜ ⴷ ⵜⴰⵖⵔⵎⴰⵏⵜ ⵏ ⵜⵎⴷⵉⵏⵜ ⵏ ⵜⵉⵟⵡⴰⵏ (2014-2018)

12 ⵉⴱⵔⵉⵔ 2014 Version Imprimable

ⵜⵉⵟⵡⴰⵏ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⴹⵢⴰⵙ ⵖ ⵜⵉⵟⵡⴰⵏ, ⵢⴰⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⴷⴰⵎⵙⴰⵏⵜ ⴷ ⵜⴰⵖⵔⵎⴰⵏⵜ (2014-2018), ⵍⵍⵉ ⵢⵉⵡⵉⵏ ⵢⴰⵏ ⵡⴰⵜⵉⴳ ⵏ ⴽⵔⴰ ⵏ 5,5 ⵏ ⵓⵎⵍⵢⴰⵕ ⵏ ⴷⴷⵔⵀⵎ.

ⴰⵖⴰⵡⴰⵙ ⴰⴷ ⵉⵍⵍⴰ ⴳⵉⵙ ⵓⵙⵓⴷⵙ ⵏ ⵉⴱⵔⵉⴷⵏ ⵣⵓⴷ ⵡⴰⵍⵍⵉ ⵢⵉⵣⴷⵉⵏ ⵜⵉⵟⵡⴰⵏ ⴷ ⵛⴼⵛⴰⵡⵏ, ⴰⵙⵎⴰⵢⵏⵓ ⵏ ⵓⵥⵟⵟⴰ ⵏ ⵜⵉⴼⴰⵡⵜ ⵜⴰⴳⴷⵓⴷⴰⵏⵜ ⵓⵍⴰ ⵡⵉⵏ ⵏ ⵓⵙⵉⵣⴷⴳ ⵏ ⵡⴰⵎⴰⵏ ⴷ ⵡⵉⵏ ⴹⴹⵡ ⵏ ⵜⴳⵔⴰⵡⵉⵏ ⵜⵉⵖⵔⵎⴰⵏⵉⵏ ⵏ ⵜⴰⵎⴰ ⵏⵏⵙ ⴷ ⵜⵉⵏ ⵍⵎⴹⵢⵇ.ⵔⴰⴷ ⴳⵉⵙ ⵢⵉⵍⵉ ⵓⵍⴰ ⵜⵓⵚⴽⴰ ⵏ ⵉⴷⵖⴰⵔⵏ ⵉⴳⴷⵓⴷⴰⵏⵏ.

ⵖ ⵉⴳⵔ ⴰⴷⵎⵙⴰⵏ, ⵉⵍⵍⴰ ⴳⵉⵙ ⵓⵚⵕⵚⴰ ⵏ ⵜⵙⴳⴰ ⵜⴰⵎⴳⵓⵔⴰⵏⵜ ⴷ ⵓⵙⵙⵓⴼⵖ ⵏ ⵜⴰⵙⴳⴰ ⵏ ⵜⵏⵉⴹⵉ ⴷ ⵓⵙⵎⴰⵢⵏⵓ ⵏ ⵓⴳⴰⴷⴰⵣ ⵉⵇⵔⵔⴱⵏ ⴷ ⵜⵓⵚⴽⴰ ⵏ ⵉⵎⵜⵜⵉⵡⵏ ⵣⵓⴷ ⵍⴱⴰⵟⵄⵉⵕ ⴷ ⵉⴳⴰⴷⴰⵣⵏ ⵏ ⵉⵙⵍⵎⴰⵏ ⴷ ⵉⵛⴰⴽⴰⵏ ⴷ ⵍⴽⵙⵉⴱⵜ.

ⵖ ⵉⴳⵔ ⵏ ⵓⵏⴰⵎⵓⵏ ⴷ ⵜⴷⵍⵙⴰ, ⴰⵖⴰⵡⴰⵙ ⴰⴷ ⵉⵍⵍⴰ ⴳⵉⵙ ⵓⵙⵙⵓⴼⵖ ⵏ ⵢⴰⵏ ⵓⴷⵖⴰⵔ ⵏ ⵜⵓⵏⵏⵓⵏⵜ ⴰⵎⵇⵕⴰⵏ ⴷ ⵢⴰⵜ ⵜⴷⴰⵍⴰ ⵏ ⵜⵓⵏⵏⵓⵏⵜ ⵓⵍⴰ ⵉⵙⵏⵜⴰ ⴰⴹⵏⵉⵏ. ⵉⵍⵍⴰ ⴳⵉⵙ ⵓⵍⴰ ⵓⵙⵙⵓⴼⵖ ⵏ ⵢⴰⵏ ⵓⵎⵣⴳⵓⵏ ⴰⵏⴰⵎⵓⵔ ⴷ ⵢⴰⵜ ⵜⴰⵙⴷⵍⵙⴰⵏⵜ ⴷ ⵢⴰⵜ ⵜⵉⵏⵎⵍ ⵏ ⵍⵎⵓⵙⵉⵇⴰ ⴷ ⵓⵙⵎⴰⵢⵏⵓ ⵏ ⵡⴰⵢⴷⴰ ⴰⴷⵍⵙⴰⵏ ⵏ ⵜⵎⴷⵉⵏⵜ.

Dernière modification : 12 ⵉⴱⵔⵉⵔ 2014

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%9C%E2%B4%B3%E2%B5%8E%E2%B5%89-%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0%E2%B5%8F%E2%B5%9C-%E2%B4%B7-%E2%B5%9C%E2%B4%B0%E2%B5%96%E2%B5%94%E2%B5%8E%E2%B4%B0%E2%B5%8F%E2%B5%9C-%E2%B5%8F-%E2%B5%9C%E2%B5%8E%E2%B4%B7%E2%B5%89%E2%B5%8F%E2%B5%9C-%E2%B5%8F-%E2%B5%9C%E2%B5%89%E2%B5%9F%E2%B5%A1%E2%B4%B0%E2%B5%8F-2014#comment-0