ⵜⴰⵎⵏⴰⴹⵜ ⵏ ⵟⴰⵏⵊⴰ ⵜⵉⵟⵡⴰⵏ : ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵡⵓⵔⵉⵡⵉⵏ ⵏ ⵓⵙⵓⴼⵖ ⵏ ⵓⴳⴳⵓⴳ ⵏ ⵍⵅⵔⵔⵓⴱ, ⵙ ⵢⴰⵏ ⵓⵙⵙⴰⵔⵓ ⴰⵖⵣⵓⵔⴰⵏ ⵏ 1,6 ⵓⵎⵍⵢⴰⵕ ⵏ ⴷⴷⵔⵀⵎ

11 ⵉⴱⵔⵉⵔ 2014 Version Imprimable

ⵟⴰⵏⵊⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ, ⵜⵉⵡⵓⵔⵉⵡⵉⵏ ⵏ ⵓⵙⵓⴼⵖ ⵏ ⵓⴳⴳⵓⴳ ⵏ ⵍⵅⵔⵔⵓⴱ, ⵙ ⵢⴰⵏ ⵓⵙⵙⴰⵔⵓ ⴰⵖⵣⵓⵔⴰⵏ ⵏ 1,6 ⵓⵎⵍⵢⴰⵕ ⵏ ⴷⴷⵔⵀⵎ, ⵎⴰⵢⴰⴷ ⵢⵓⵛⴽⴰⵏ ⴰⴼⴰⴷ ⴰⴷ ⵉⵙⴷⵓⵙ ⵜⴰⵎⵙⴰⴷⵓⵔⵜ ⵙ ⴰⵎⴰⵏ ⵉⵜⵜⵓⵙⵡⴰⵏ ⴷ ⵉⵎⴳⵓⵔⴰⵏ ⴳ ⵜⵎⵏⴰⴹⵜ ⵏ ⵟⴰⵏⵊⴰ ⵜⵉⵟⵡⴰⵏ.

ⵉⵍⵍⴰ ⵓⴳⴳⵓⴳ ⴰⴷ ⵜⴰⵎⴰ ⵏ ⵓⵙⵙⵉⴼ ⵏ ⵍⵅⵔⵔⵓⴱ, ⵍⵍⵉ ⵢⵍⵍⴰⵏ ⴰⵎⵎⴰⵙ ⵏ 45 ⵓⴽⵉⵍⵓⵎⵉⵟⵕ ⵅⴼ ⵉⴼⴼⵓⵙ ⵏ ⵟⴰⵏⵊⴰ ⴷ ⵙ 22 ⵓⴽⵉⵍⵓⵎⵉⵟⵕ ⴳ ⵍⵇⴱⵍⵜ ⵏ ⵍⵎⴷⵉⵏⵜ ⵏ ⴰⵚⵉⵍⴰ. ⵉⵔⴰ ⴰⴷ ⵉⵙⵎⴰⵜⴰ ⴰⴷⴰⴼ ⵏ ⴰⵎⴰⵏ ⵉⵜⵜⵓⵙⵡⴰⵏ, ⴷ ⵜⵎⵔⵏⵉⵡⵜ ⵏ ⵜⵉⴼⴰⴷⴰⵏ ⵏ ⵜⵓⴷⵔⵜ ⴷ ⵏ ⵜⴷⵓⵙⵉ ⵏ ⵉⵏⵎⵓⵔⵉⵏ ⵏ ⵜⵎⵏⴰⴹⵜ, ⴷ ⵓⵙⴱⴷⴷⵉ ⵏ ⵓⵥⵍⴰⵢ ⵏ ⵉⵎⵣⴷⴰⵖⵏ ⵉⴷⵖⵔⴰⵏⵏ, ⴷ ⵜⵉⴳⵎⵉ ⵏ ⵜⵎⴰⵍⵍⴰⵢⵜ ⵜⴰⵡⵏⴹⴰⵏⵜ.

ⵉⵥⴹⴰⵕ ⵓⴳⴳⵓⴳ ⴰⴷ ⵢⴰⵙⵙⵉ 185 ⵓⵎⵍⵢⵓⵏ ⵏ ⵓⵎⵉⵟⵕ ⵎⵓⴽⵄⵄⴰⴱ, ⴷ ⵔⴰⴷ ⵙⵓⵍ ⵉⵙⵍⵍⵓⴳⵏⴰ ⴽⵔⴰ ⵏ 40 ⵓⵎⵍⵢⵓⵏ ⵏ ⵓⵎⵉⵟⵕ ⵎⵓⴽⵄⵄⴰⴱ. ⵉⵥⵕⴼ ⵓⵡⴰⵏⴽ ⵏ ⵍⵉⵎⴰⵕⴰⵜ ⵉⵄⵕⴰⴱⵏ ⵉⵎⵓⵏⵏ ⴷ ⵜⴰⵎⵙⴰⵙⵜⵍⵜ ⵜⴰⵎⴰⵜⴰⵢⵜ ⵏ ⵓⵡⴰⵏⴽ ⵜⵉⵡⵓⵔⵉⵡⵉⵏ ⵏ ⵜⵓⵚⴽⴰ ⵏ ⵓⴳⴳⵓⴳ ⴰⴷ.

ⴳ ⵓⵙⴰⵜⵉ ⵢⴰⴷ ⵏⵉⵜ, ⵔⴰⴷ ⵉⵜⵜⵓⵙⴽⴰⵔ ⵢⴰⵏ ⵓⵖⴰⵡⴰⵙ ⵏ ⵓⵙⵎⵙⴰⵙⴰ ⵏ ⵓⵎⴷⴰ ⵏ ⵓⵙⵙⴰⵉⴼ ⵏ ⵍⵅⵔⵔⵓⴱ, ⵙ ⵢⴰⵜ ⵜⵎⵙⴰⵙⵜⵍⵜ ⵏ 22,4 ⵏ ⵓⵎⵍⵢⵓⵏ ⵏ ⴷⴷⵔⵀⵎ.

ⵔⴰⴷ ⵙⵓⵍ ⵢⵉⵍⵉ ⵢⴰⵏ ⵓⵖⴰⵡⴰⵙ ⵏ ⵓⵙⴷⵓⵙ ⵏ ⵜⵎⵙⴰⴷⵓⵔⵜ ⵙ ⴰⵎⴰⵏ ⵉⵜⵜⵓⵙⵡⴰⵏ ⴳ ⵜⵎⴷⵉⵏⵜ ⵏ ⵟⴰⵏⵊⴰ ⴷ ⴳ ⵉⵎⵎⴰⵙⵏ ⵏ ⵉⴹⵡⵡⴰⵕⵏ ⵍⵍⵉ ⵢⵍⵍⴰⵏ ⵜⴰⵎⴰ ⵏⵏⵜⵏ, ⵔⴰⴷ ⴷ ⵉⵙⴽⵔ ⵓⵙⵇⵇⵉⵎ ⴰⵏⴰⵎⵓⵔ ⵏ ⵓⵥⴰⵕⵓⵕ ⴷ ⵏ ⴰⵎⴰⵏ ⵉⵜⵜⵓⵙⵡⴰⵏ ⵙ ⵢⴰⵏ ⵓⵙⵙⴰⵔⵓ ⵏ 1,350 ⵓⵎⵍⵢⴰⵕ ⵏ ⴷⴷⵔⵀⵎ, ⵔⴰⴷ ⴳⵉⵜ ⵙⵙⴱⵖⵔⵏ ⵓⴳⴳⵯⴰⵔ ⵏ 1.700.000 ⵓⴼⴳⴰⵏ ⴳ ⵓⵎⵏⵉⴷ ⵏ 2030.

Dernière modification : 11 ⵉⴱⵔⵉⵔ 2014

Source URL: https://www.mapnews.ma/am/activites-royales/%E2%B5%9C%E2%B4%B0%E2%B5%8E%E2%B5%8F%E2%B4%B0%E2%B4%B9%E2%B5%9C-%E2%B5%8F-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%9C%E2%B5%89%E2%B5%9F%E2%B5%A1%E2%B4%B0%E2%B5%8F-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B5%89%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%93%E2%B5%99%E2%B5%93%E2%B4%BC%E2%B5%96-%E2%B5%8F-%E2%B5%93%E2%B4%B3%E2%B4%B3%E2%B5%93%E2%B4%B3-%E2%B5%8F-%E2%B5%8D%E2%B5%85%E2%B5%94%E2%B5%94%E2%B5%93%E2%B4%B1#comment-0