Published on MAPNews (https://www.mapnews.ma/am)

Accueil > ⵉⵕⵥⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵏⵜⵉⵏ ⵉⵏⴰⵎⵓⵏⵏ ⵉⵎⴰⵢⵏⵓⵏ
  1. Accueil
  2. Activités royales

ⵉⵕⵥⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵏⵜⵉⵏ ⵉⵏⴰⵎⵓⵏⵏ ⵉⵎⴰⵢⵏⵓⵏ

05 ⵉⴱⵔⵉⵔ 2014 Version Imprimable
ⴹⴹⴰⵕⵍⴱⵉⴹⴰ - ⵉⵕⵥⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⴹⵢⴰⵙ ⴳ ⴹⴹⴰⵕⵍⴱⵉⴹⴰ,ⵉⵙⵏⵜⵉⵏ ⵉⵏⴰⵎⵓⵏⵏ ⵉⵎⴰⵢⵏⵓⵏ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵜⵉⵙⵖⵉⵢⵜ ⵏ ⵜⵎⴷⵉⵏⵜ ⵜⴰⵇⴱⵓⵔⵜ ⵏ ⴹⴹⴰⵕⵍⴱⵉⴹⴰ.

ⵉⵕⵥⵎ ⴱ ⵖⵉⴽⴰⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵎⵎⴰⵙ ⵏ ⵜⴰⴷⵓⵙⵉ « ⴱⵓⵚⵎⴰⵕⴰ » ⴷ ⵜⴷⴷⴰⵔⵜ ⵏ ⵜⴰⴷⵍⵙⴰ « ⴱⵡⵉⵏⴰⴼⵉⵏⵜⵓⵔⴰ », ⴷ ⵢⴰⵏ ⵓⵙⴰⵢⵔⴰⵔ ⵏ ⵓⵎⴰⴳⵔ ⵏ ⵜⵉⵙⵓⵜⵉⵏ, ⵍⵍⵉ ⵢⵜⵜⴰⵡⵙⴽⴰⵔⵏ ⴳ ⵓⵙⴰⵜⵉ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⵉⴳⵎⵉ ⵜⵓⴼⴳⴰⵏⵜ ⵙ ⵢⴰⵏ ⵓⵙⵙⴰⵔⵓ ⴰⵖⵣⵓⵔⴰⵏ ⵏ 33 ⵓⵎⵍⵢⵓⵏ ⵏ ⴷⴷⵔⵀⵎ.

ⴰⵎⵎⴰ ⵡⵎⵎⴰⵙ ⵏ ⵜⴷⵓⵙⵉ « ⴱⵓⵚⵎⴰⵕⴰ », ⵉⵟⵟⴰⴼ ⵢⴰⵏ ⵓⵙⴽⵙⵍ ⵕⴰⵎⵉⴷ, ⴷ ⵉⴳⵣⵣⵓⵎⵏ ⵏ ⵜⵙⵏⵉⵊⵊⵉⵜ ⵜⴰⵎⴰⵜⴰⵢⵜ, ⴷ ⵏ ⵜⴷⵓⵙⵉ « ⵉⵎⵎⴰⵜⵏ ⵉⴼⵔⵅⴰⵏ ». ⵔⴰⴷ ⵉⴼⴽ ⵓⵎⵎⴰⵙ ⴰⴷ ⵉⵎⵛⴰⵡⴰⵕⵏ ⴳ ⵜⵉⵎⵓⴹⵉⵏⵉⵏ ⵉⵛⵇⵇⴰⵏ (ⵙⴽⴽⴰⵔ, ⵓⴷⵓⵣ ⵏ ⵉⴷⴰⵎⵎⵏ) ⴷ ⴰⴽⴰⵣ ⵏ ⵓⵇⵕⵥⵎⵉⵡ ⴷ ⵓⵔⴰⵢ ⵏ ⵓⵙⵎⵔⵙ ⵏ ⵉⵙⴷⵓⵀⴷⵓⵜⵏ.

ⵜⴰⵎⵥⵥⴰⵍⵓⵜ ⵏ ⵉⵔⵓⵎⵉⵢⵏ « ⴱⵡⵉⵏⴰⴼⵉⵏⵜⵓⵔⴰ» ⵜⴳⴰ ⵢⴰⵜ ⵜⵓⵚⴽⴰ ⴰⵎⵣⵔⴰⵢ ⵏ ⵜⵎⴷⵉⵏⵜ ⵜⴰⵇⴱⵓⵔⵜ, ⵜⴳⴰ ⵖⵉⵍ ⴰⴷ ⵢⴰⵜ ⵜⵉⴳⵎⵎⵉ ⵏ ⵜⴷⵍⵙⴰ ⵍⵍⵉ ⵢⵙⵏⵓⴱⴳⵏ ⵜⴰⵣⵇⵇⴰ ⵏ ⵓⴼⵙⴰⵔ, ⴷ ⵜⴰⵣⵇⵇⴰ ⵏ ⵜⵖⵔⵉ ⵏ ⵎⵉⴷⴷⵏ ⵉⵎⵄⴹⵓⵕⵏ, ⴷ ⵜⴰⵙⴷⵍⵉⵙⵜ, ⴷ ⵢⴰⵏ ⵓⵙⴰⵢⵔⴰⵔ ⵏ ⵉⴼⵔⵅⴰⵏ ⴷ ⵢⴰⵜ ⵜⴰⵣⵇⵇⴰ ⵎⵓ ⵜⵓⴳⵜ ⵏ ⵡⴰⵎⵎⴰⴽⵏ ⵏ ⵓⵙⵏⵖⵎⵙ, ⵎⵉⵍⵜⵉⵎⵉⴷⵢⴰ.

ⴰⵙⴰⵢⵔⴰⵔ ⵏ ⵓⵎⴰⴳⵔ ⵏ ⵜⴰⵙⵓⵜⵉⵏ ⵉⵟⵟⴰⴼ ⵢⴰⵏ ⵓⵙⴰⵢⵔⴰⵔ ⵏ « ⴰⵏⴰⴱⵉⴽ » ⵏ ⵓⵎⵓⵏ ⴷ ⵏ ⵉⵙⵉⴷⴼ ⴰⵙⵎⵓⵏ ⴰⵣⵣⵓⵍⴰⵏ ⵏ ⵉⵄⵔⵔⵉⵎⵏ ⴷ ⵏ ⵜⵎⵖⴰⵔⵉⵏ, ⴷ ⵜⵉⵙⴰⵡⵔⵉⵏ, ⵢⴰⵜ ⵜⵣⵇⵇⴰ ⵉⵎⵢⴰⵏⴰⵡⵏ, ⴷ ⵢⴰⵏ ⵓⵙⴰⵢⵔⴰⵔ ⵏ ⵎⴷⴷⵏ ⵓⵙⵙⵔⵏ, ⴷ ⵢⴰⵜ ⵜⵣⵇⵇⴰ ⵏ ⵜⵓⵏⵏⵓⵏⵜ ⴷ ⵏ ⵜⵉⵥⵓⵕⵉⵡⵉⵏ ⵏ ⵜⵏⵉⵖⵜ, ⵓⵍⴰ ⵎⵏⵏⴰⵡ ⵏ ⵜⵉⵔⵉⵡⵉⵏ ⵢⴰⴹⵏⵉⵏ.
 

Dernière modification : 05 ⵉⴱⵔⵉⵔ 2014
Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8D-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%8F-%E2%B5%89%E2%B5%8F%E2%B4%B0%E2%B5%8E%E2%B5%93%E2%B5%8F%E2%B5%8F-%E2%B5%89%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%8F#comment-0