ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵖ ⴹⴹⴰⵕⵍⴱⵉⴹⴰ ⴰⵏⴼⵍⵓⵙ ⵏ ⵓⵡⵏⴰⴽ ⴰⵎⴰⵔⵉⴽⴰⵏⵉ ⵊⵓⵏ ⴽⵉⵔⵉ

04 ⵉⴱⵔⵉⵔ 2014 Version Imprimable

ⴹⴹⴰⵕⵍⴱⵉⴹⴰ - ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵙⵙ ⵏ ⵓⵙⵉⵎⵡⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ ⴰⵏⴼⵍⵓⵙ ⵏ ⵓⵡⵏⴰⴽ ⵏ ⵎⴰⵔⵉⴽⴰⵏ ⵎⴰⵙⵙ ⵊⵓⵏ ⴽⵉⵔⵉ, ⵎⴰⵢⴰⴷ ⴰⵙ ⵉⵏⵏⴰ ⴰⵙⵙ ⵏ ⵓⵙⵉⵎⵡⴰⵙ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ.

ⴰⵔ ⵉⵙⴽⴰⵔ ⵎⴰⵙⵙ ⵊⵓⵏ ⴽⵉⵔⵉ ⵢⴰⵏ ⵓⵔⵣⴰⴼ ⴰⵎⴰⴷⴷⵓⴷ ⵉ ⵍⵎⵖⵔⵉⴱ, ⵙⵍⴰⵡⴰⵏ ⴰⴽⴽⵯ ⴰⴼⴰⴷ ⴰⴷ ⵉⵙⵙⵉⵅⴼ ⵜⵙⵙⵓⵜⵍⵜ ⵜⵉⵙⵙ2 ⵏ ⵓⵎⵙⴰⵡⴰⵏ ⴰⵙⵜⵔⴰⵜⵉⵊⵉ ⴳⵔ ⵍⵎⵖⵔⵉⴱ ⴷ ⵎⴰⵔⵉⴽⴰⵏ, ⵜⵍⵍⴰ ⵓⵍⴰ ⵖ ⵓⵙⴰⵜⵉ ⵏ ⵓⵔⵣⴰⴼ ⵉⴳⴳⵯⵔⴰⵏ ⵍⵍⵉ ⵢⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵎⴰⵔⵉⴽⴰⵏ ⴷ ⵍⵍⵉⵖ ⵉⵕⵥⵎ ⵎⵏⵏⴰⵡ ⵏ ⵉⵙⵏⵜⴰ ⴷ ⵓⵏⵙⵙⵉⵅⴼ ⴱⴰⵕⴰⴽ ⵓⴱⴰⵎⴰ.

ⵖ ⵜⴳⵉⵡⵔⵜ ⴰⴷ, ⵉⵙⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵣⴷⴰⵢ ⵏⵏⵙ ⵙ ⵓⵎⵢⴰⵡⴰⵙ ⴰⵙⵜⵔⴰⵜⵉⵊⵉ, ⵜⴰⵢⴰⴼⵓⵜ ⵏ ⵉⵎⵢⴰⵙⵙⴰⵜⵏ ⵉⵇⴱⵓⵕⵏ ⴷ ⵓⵡⵏⴰⴽⵏ ⵉⵎⵓⵏⵏ ⵍⵍⵉ ⵢⵉⵥⴹⴰⵕⵏ ⴰⴷ ⵉⵎⵢⵓⵔⵏ ⴰⵙⵓⵔⵙ ⴰⴷ ⴰⵏⵎⵏⴰⴹ ⴷ ⴰⴳⵔⴰⵖⵍⴰⵏ .ⴰⵎⴰⵢⵏⵓ.

ⵖ ⵜⵙⴳⴰ ⴰⴹⵏⵉⵏ, ⵉⵏⵏⴰ ⵓⵏⴼⵍⵓⵙ ⵏ ⵓⵡⵏⴰⴽ ⴰⵎⴰⵔⵉⴽⴰⵏⵉ ⵎⴰⵙⵙ ⵊⵓⵏ ⴽⵉⵔⵉ ⵎⴰⵙ ⵢⵓⵎⵥ ⵓⵏⵙⵙⵉⵅⴼ ⴰⵎⴰⵔⵉⴽⴰⵏⵉ ⴱⴰⵕⴰⴽ ⵓⴱⴰⵎⴰ ⵖ ⵓⵙⵓⴷⵙ ⵏ ⵓⵎⵢⴰⵡⴰⵙ ⴰⵙⵜⵔⴰⵜⵉⵊⵉ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ.

ⵖ ⵓⵣⵎⵓⵣⵣⵓ ⵢⴰⴷ, ⵉⴼⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ, ⵢⴰⵜ ⵜⵏⵜⴰⵎⵜ ⵍⵍⵉⵖ ⵍⵍⴰⵏ ⵎⵏⵏⴰⵡ ⵏ ⵜⴳⴰⵡⵉⵏ ⵅⵛⵏⵏⵉⵏ ⵍⵍⵉ ⵜⵙⴽⵔ ⵉⵙⵔⴰⵢⵉⵍ ⵖ ⵜⵎⴷⵉⵏⵜ ⵏ ⵍⵇⵓⴷⵙ ⴰⵛⵛⴰⵔⵉⴼ ⴷ ⵍⵍⵉ ⵢⵉⵔⴰⵏ ⴰⴷ ⵉⵙⴱⴰⴷⵍ ⵜⴰⵎⴰⵜⴰⵔⵉⵏ ⵏⵏⵙ ⵜⴰⴷⵍⵙⴰⵏⵜ ⵉⵥⵍⵉⵏ.

Dernière modification : 04 ⵉⴱⵔⵉⵔ 2014

Source URL: https://www.mapnews.ma/am/activites-royales/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%96-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B4%B0%E2%B5%8F%E2%B4%BC%E2%B5%8D%E2%B5%93%E2%B5%99-%E2%B5%8F-%E2%B5%93%E2%B5%A1%E2%B5%8F%E2%B4%B0%E2%B4%BD-%E2%B4%B0%E2%B5%8E%E2%B4%B0%E2%B5%94%E2%B5%89%E2%B4%BD%E2%B4%B0%E2%B5%8F%E2%B5%89-%E2%B5%8A%E2%B5%93%E2%B5%8F-%E2%B4%BD%E2%B5%89%E2%B5%94%E2%B5%89#comment-0