ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴳⵓⵔⵉ ⵉ ⵢⵉⵎⴷⵔⴰⵡⵏ ⵏ ⵓⵍⵎⵓⵇⵇⴰⵔ ⵉⴼⵔⵉⵇⵢⴰ-ⵜⴰⵎⵓⵏⵜ ⵜⴰⵡⵕⵓⴱⴱⵉⵜ ⵉⵍⵍⴰⵏ ⵖ ⴱⵔⵓⴽⵙⵉⵍ

03 ⵉⴱⵔⵉⵔ 2014 Version Imprimable

ⴱⵔⵓⴽⵙⵉⵍ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵜ ⵜⴳⵓⵔⵉ ⵉ ⵢⵉⵎⴷⵔⴰⵡⵏ ⵏ ⵓⵍⵎⵓⵇⵇⴰⵔ ⵉⴼⵔⵉⵇⵢⴰ-ⵜⴰⵎⵓⵏⵜ ⵜⴰⵡⵕⵓⴱⴱⵉⵜ ⵉⵍⵍⴰⵏ ⵖ ⴱⵔⵓⴽⵙⵉⵍ ⵉⵍⵍⴰⵏ ⵖ ⵓⴽⵕⴰⵙ ⴷ ⵓⴽⵡⴰⵙ ⴳ ⴱⵔⵓⴽⵙⵉⵍ.

ⵜⵓⵣⵉⵏⵜ ⴰⴷ ⵉⵖⵔⴰ ⵜⵜ ⵎⴰⵙⵙ ⵚⴰⵍⴰⵃⴷⴷⵉⵏ ⵎⵣⵡⴰⵔ, ⴰⵎⴰⵡⵙⴰⵙ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵜⵔⴰ ⵉⴼⵔⵉⵇⵢⴰ ⴰⴷ ⵜⴼⴼⵓⵖ ⴰⵎⵣⵔⵓⵢ ⵏⵏⵙ ⵜⵡⴰⵍⴰⵏⵏ ⵉⵎⴰⵍ ⵏⵏⵙ, ⵜⴳ ⴰⵜⵉⴳ ⵉ ⵢⵉⵅⴼ ⵏⵏⵙ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵓⵍⴰ ⵉⵙ ⴷ ⵉⵇⵇⴰⵏ ⴰⵙⵜ ⵜⴰⵡⵉ ⵉⴼⵔⵉⵇⵢⴰ ⵖ ⵜⵙⵓⴳⵔⵉⵡⵉⵏ ⵏⵏⵙ ⴳⴳⵓⵜⵏⵉⵏ ⴷ ⵉⵙⴰⴳⵯⵎ ⵏⵏⵙ ⵖⵓⴷⴰⵏⵉⵏ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⴷ ⴰⵏⴰⵎⴽ ⴰⴷ ⴰⴷ ⵉⵔⴰ ⴰⴷ ⵉⴼ ⵉ ⵜⵙⵜⵔⴰⵜⵉⵊⵉⵢⵜ ⵏⵏⵙ ⵜⴰⴼⵔⵉⵇⵉⵜ ⵣⵖ ⵍⵍⵉⵖ ⵉⵖⵍⵉ ⵙ ⵓⴷⴰⴱⵓ.

ⵉⵙⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵜⵉⵡⵉ ⵉⴼⵔⵉⵇⵢⴰ ⵖⵉⵍⴰ ⴰⵣⴳⵏ ⵏ ⵉⵙⵙⴰⵔⵓⵜⵏ ⵉⵏⴰⵎⵓⵔⵏ ⵏ ⴱⵕⵕⴰ, ⵜⴽⴽⴰⵜⵜⵉⵏ ⵜⵉⵡⵉ ⴰⵖⴰⵔ 17% ⵎⵔⴰⵡ ⵉⵙⴳⴳⵯⴰⵙⵏ ⴰⵢⴰⴷ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵓⵍⴰ ⵉⵙ ⴷ ⵉⵇⵇⴰⵏ ⴰⴷ ⵏⴽⵔⵏ ⵉⵡⵏⴰⴽⵏ ⵏ ⵉⴼⵔⵉⵇⵢⴰ ⴰⴼⴰⴷ ⴰⴷ ⴰⴼⵉⵏ ⵉⴼⵙⵙⴰⵢⵏ ⵉ ⵜⵎⵓⴽⵔⵉⵙⵉⵏ ⵏ ⵓⵣⵎⵣ ⴰⴷ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ ⵓⴱⵔⵙⵉⵡⴷ ⴷ ⵓⵥⵟⵟⴰ ⵏ ⵜⵙⴱⴱⴰⴱⵜ ⵖ ⵓⴼⴳⴰⵏ ⴷ ⵓⵙⵏⵜⵉ ⵏ ⵜⵣⵡⴰⴳⵜ.

ⵉⵙⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⵉⵙ ⵉⴳⴰ ⵍⵎⵖⵔⵉⴱ ⵖⵉⵍⴰⴷ ⵢⴰⵏ ⵜⵙⴳⴰ ⵏ ⵜⵣⵡⴰⴳⵜ ⵖ ⵉⴼⵔⵉⵇⵢⴰ ⴷ ⵎⴰⵙ ⵉⴹⴼⵕ ⵖⵉⵍⴰ ⵢⴰⵜ ⵜⵙⵔⵜⵉⵜ ⵏ ⵜⵣⵡⴰⴳⵜ ⴰⵛⴽⵓ ⵉⵜⵜⵓⵙⵙⴰⵏ ⵙ ⵜⵉⵏⵏⵓⴱⴳⴰ ⴷ ⵜⵡⵉⵣⵉ.

Dernière modification : 03 ⵉⴱⵔⵉⵔ 2014

Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B4%B3%E2%B5%93%E2%B5%94%E2%B5%89-%E2%B5%89-%E2%B5%A2%E2%B5%89%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B5%8F-%E2%B5%93%E2%B5%8D%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B5%89%E2%B4%BC%E2%B5%94%E2%B5%89%E2%B5%87%E2%B5%A2%E2%B4%B0-%E2%B5%9C%E2%B4%B0%E2%B5%8E%E2%B5%93%E2%B5%8F%E2%B5%9C-%E2%B5%9C%E2%B4%B0%E2%B5%A1%E2%B5%95%E2%B5%93%E2%B4%B1%E2%B4%B1%E2%B5%89%E2%B5%9C#comment-0