ⵟⴰⵏⵊⴰ- ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵉⵙⵏⵜⴰ ⵏ ⵓⵙⵎⴰⵢⵏⵓ ⵏ ⵡⴰⵢⴷⴰ ⴰⴰⵎⵣⵔⵓⵢ ⵏ ⵜⴷⵍⵙⴰ ⵏ ⵜⵎⴷⵉⵏⵜ

26 ⵎⴰⵕⵚ 2014 Version Imprimable

ⵟⴰⵏⵊⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⵖ ⵕⵕⴱⴰⵟ ⵉⵙⵏⵜⴰ ⴳⴰⵏⵉⵏ ⵉⵎⵙⴷⴷⴰⵔ ⵍⵍⵉ ⵔⴰⴷ ⵉⵙⵎⴰⵢⵏⵓ ⴰⵢⴷⴰ ⴰⵎⵣⵔⵓⵢ ⵏ ⵜⵎⴷⵉⵏⵜ ⵏ ⵟⴰⵏⵊⴰ ⴷ ⵓⵎⵙⴼⵔⵓ ⴷ ⵓⵎⵣⵔⵓⵢ ⵏⵏⵙ ⴰⴷⵍⵙⴰⵏ ⵉⴳⴳⵓⵜⵏ ⵉⵖⵓⴷⴰⵏ.

ⵉⴱⴷⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵡⵔⵉⵡⵉⵏ ⵏ ⵜⵓⵚⴽⴰ ⵏ ⵢⴰⵏ ⵓⴷⴷⵉⵙ ⵏ ⵜⵥⵓⵕⵉⵡⵉⵏ ⴷ ⵜⴷⵍⵙⵉⵡⵉⵏ ⵓⵍⴰ ⵙⵓⵍ ⴰⵙⵎⴰⵢⵏⵓ ⵏ ⵉⴼⵔⴰⵏ ⵏ ⵀⵉⵕⴰⵇⵍ ⴷ ⵡⵉⵏ ⵓⵔⵜⵉⵡ ⵏ ⴱⵉⵔⴷⵉⴽⴰⵔⵉⵙ ⵔⵎⵉⵍⴰⵜ ⵙ ⵢⴰⵏ ⵡⴰⵜⵉⴳ ⵏ 130 ⵏ ⵓⵎⵍⵢⵓⵏ ⵏ ⴷⴷⵔⵀⵎ.

ⴰⵔ ⵎⵎⴰⵍⵏ ⵉⵙⵏⵜ ⴰⵢⴰⴷ ⵍⵍⵉ ⵢⵉⴳⴰⵏ ⵖ ⵓⵖⴰⵡⴰⵙ ⴰⵎⵇⵕⴰⵏ ⵟⴰⵏⵊⴰ-ⵎⵉⵜⵔⵓⴱⵓⵍ ⴰⴱⵖⵓⵔ ⵉⵥⵍⵉⵏ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵡⵃⵟⵟⵓ ⵏ ⵡⴰⵢⴷⴰ ⵏ ⵓⵎⵣⵔⵓⵢ ⵏ ⵜⵙⴳⴰ ⵢⴰⴷ.

ⵔⴰⴷ ⵉⵜⵜⵓⵙⴽⴰⵔ ⵓⴷⴷⵉⵙ ⵏ ⵜⵥⵓⵕⵉⵡⵉⵏ ⴷ ⵜⴷⵍⵙⵉⵡⵉⵏ ⵖ ⵡⴰⵙⵓⴽ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙ ⵢⴰⵏ ⵓⵙⵙⴰⵔⵓ ⵏ 100 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⴰⵙⵏⵉ ⵏ ⵓⵙⵎⴰⵢⵏⵓ ⵏ ⵉⴼⵔⴰⵏ ⵏ ⵀⵉⵔⴰⵇⵍ ⵔⴰⴷ ⵉⵜⵜⵓⵙⴽⴰⵔ ⵙ 10 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⵔⴰⴷ ⵉⵜⵜⵓⵙⴽⴰⵔ ⵡⵉⵏ ⵓⵔⵜⵉⵡ ⵏ ⵜⴱⵓⵜⴰⵏⵉⵜ ⴷ ⵜⵣⵓⵍⵓⵊⵉⵜ ⵙ 20 ⵏ ⵓⵎⵍⵢⵓⵏ ⵏ ⴷⴷⵔⵀⵎ.

Dernière modification : 26 ⵎⴰⵕⵚ 2014

Source URL: https://www.mapnews.ma/am/activites-royales/%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B4%B0-%E2%B5%8F-%E2%B5%93%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%8F-%E2%B5%A1%E2%B4%B0%E2%B5%A2%E2%B4%B7%E2%B4%B0-%E2%B4%B0%E2%B4%B0%E2%B5%8E%E2%B5%A3%E2%B5%94%E2%B5%93%E2%B5%A2-%E2%B5%8F-%E2%B5%9C%E2%B4%B7%E2%B5%8D%E2%B5%99%E2%B4%B0-%E2%B5%8F#comment-0