ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵏⴰⵡ ⵉ ⵢⵉⵎⴷⵔⴰⵡⵏ ⵏ ⵜⵙⵎⵓⵏⵉ ⵜⴰⵎⵇⵕⴰⵏⵜ ⵜⴰⵄⵕⴰⴱⵜ ⵍⵍⵉ ⵢⵉⵍⵍⴰⵏ ⵖ ⵍⴽⵡⵉⵜ

25 ⵎⴰⵕⵚ 2014 Version Imprimable

ⵍⴽⵓⵡⵉⵜ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵏ ⵉⵏⴰⵡ ⴰⵙⵙ ⵏ ⵙⵉⵏⴰⵙ ⵉ ⵢⵉⵎⴷⵔⴰⵡⵏ ⵏ ⵜⵙⵎⵓⵏⵉ ⵜⴰⵄⵕⴰⴱⵜ ⵜⵉⵙⵙ 25 ⵍⵍⵉ ⵢⵉⵍⵍⴰⵏ ⵖ 25 ⴷ 26 ⵎⴰⵕⵚ ⵖ ⵍⴽⵡⵉⵜ.

ⵉⵏⴰⵡ ⴰⴷ ⵉⵖⵔ ⴰⵜ ⵎⴰⵙⵙ ⵄⴱⴷⵍⵉⵍⴰⵀ ⴱⵏⴽⵉⵔⴰⵏ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵖ ⵢⴰⵏ ⵓⵙⵓⵔⵙ ⵏ ⵓⵙⵏⴼⵍ ⴰⴷⵖⵔⴰⵏ ⴷ ⴰⴳⵔⴰⵖⵍⴰⵏ ⵉⵖⵉⵡⵍⵏ, ⵜⵓⴼⴰ ⵜⵎⵙⴰⵔⵜ ⵜⴰⴼⴰⵍⴰⵚⵟⵉⵏⵉⵜ ⵜⵉⴳⵎⵉ ⵉⴳⴳⵓⵜⵏ ⵙⵍⴰⵡⴰⵏ ⴰⴽⴽⵯ ⵍⵍⵉ ⵖ ⵙⵙⵏⵏ ⵉⵎⵜⵜⴰ ⵉⵎⵓⵏⵏ ⵙ ⵓⵡⵏⴰⴽ ⵏ ⴼⵉⵍⵉⵙⵟⵉⵏ, ⵍⵍⵉ ⵢⵉⴳⴰⵏ ⵖⵉⵍⴰ ⴰⵡⵏⴰⴽ ⵉⵎⵏⵥⵉ ⵓⵔ ⵉⴳⴰⵏ ⴰⴳⵯⵎⴰⵎ.

ⵖ ⵜⵙⴳⴰ ⵢⴰⴷ, ⵉⵙ ⵜⴳⴰ ⵜⵙⵏⵜⴰⵢⵜ ⵏ ⵜⵏⴰⴳⵔⵉⵜ ⵜⴰⵄⵕⴰⴱⵜ ⵢⴰⵏ ⵓⵙⵏⵜⵉ ⵉⵥⵉⵍⵏ ⵅⴼ ⵓⵚⵕⵚⴰ ⵏ ⵢⴰⵜ ⵜⵏⴳⵔⵉⵜ ⵜⴰⵎⴰⵜⴰⵢⵜ ⵖ ⵜⵙⴳⴰ ⵢⴰⴷ ⴷ ⴰⴽⴽⵯ ⴰⵎⴰⴹⴰⵍ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵜⵅⵛⵏ ⴱⴰⵀⵔⴰ ⵜⴰⵙⵙⴰⵙⵜ ⵏ ⵙⵓⵔⵢⴰ, ⵜⴰⵎⵓⵔⵜ ⴰⴷ ⵍⵍⵉ ⵢⵉⵙⵙⵏ ⵢⴰⵜ ⵜⵡⴰⵖⵉⵜ ⵜⴰⵏⴼⴳⴰⵏⵜ ⵍⵍⵉ ⵢⵉⵀⵎⵎⴰⵏ ⴰⴽⴽⵯ ⵉⵎⵓⵙⵍⵎⵏ ⵉⵏⵏⴰ ⵖ ⵍⵍⴰⵏ ⴷ ⵜⴰⴳⵔⴰⵡⵜ ⵜⴰⴳⵔⴰⵖⵍⴰⵏⵜ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⴷ ⵉⵇⵇⴰⵏ ⴰⴷ ⵙⵓⴷⵙⵏ ⵜ ⵜⵎⵓⵔⴰ ⴰⴼⵔⴰⴽ ⵏⵙⵏ ⴷ ⵜⵥⵥⵉⴹⵕⵉⵡⵉⵏ ⵏⵏⵙⵏ ⵜ ⴷ ⵜⵖⵍⵉⴼⵉⵏ ⵖ ⵉⵅⴼⵡⴰⵏ ⵏⵏⵙⵏ ⵜ ⴰⴼⴰⴷ ⴰⴷ ⵍⴽⵎⵏ ⵜⵓⵜⵜⵔⴰⵢⵉⵏ ⵏ ⵉⴳⴷⵓⴷⵏ ⵏⵏⵙⵏ ⵜ.

Dernière modification : 25 ⵎⴰⵕⵚ 2014

Source URL: https://www.mapnews.ma/am/discours-messages-sm-le-roi/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B5%89-%E2%B5%A2%E2%B5%89%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B5%8F-%E2%B5%9C%E2%B5%99%E2%B5%8E%E2%B5%93%E2%B5%8F%E2%B5%89-%E2%B5%9C%E2%B4%B0%E2%B5%8E%E2%B5%87%E2%B5%95%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B5%84%E2%B5%95%E2%B4%B0%E2%B4%B1%E2%B5%9C#comment-0