Published on MAPNews (https://www.mapnews.ma/am)

Accueil > ⴰⵔⵣⴰⴼ ⴰⴳⵍⴷⴰⵏ : ⵜⴰⵎⴷⵉⵏⵜ ⵏ ⵜⵓⵏⵏⵓⵏⵜ ⵖ ⵟⴰⵏⵊⴰ ⵖⵎⴽⵍⵍⵉ ⵜⵔⴰ
  1. Accueil
  2. Activités royales

ⴰⵔⵣⴰⴼ ⴰⴳⵍⴷⴰⵏ : ⵜⴰⵎⴷⵉⵏⵜ ⵏ ⵜⵓⵏⵏⵓⵏⵜ ⵖ ⵟⴰⵏⵊⴰ ⵖⵎⴽⵍⵍⵉ ⵜⵔⴰ

24 ⵎⴰⵕⵚ 2014 Version Imprimable
ⵟⴰⵏⵊⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⵖ ⵜⵓⴷⴷⵓⵔⵜ ⵏ ⵣⵢⴰⵜⵏ ⵖ ⵟⴰⵏⵊⴰ, ⵢⴰⵏ ⵓⵙⵏⵜⵉ ⵏ ⵓⵙⵓⴼⵖ ⵏ ⵢⴰⵜⵜⵎⴷⵉⵏⵜ ⵏ ⵜⵓⵏⵏⵓⵏⵜ ⵖⵎⴽⵍⵍⵉ ⴳⴰⵏⵜ ⵜⵉⵏ ⵓⵎⴰⴹⴰⵍ, ⵍⵍⵉ ⵢⵉⴳⴰⵏ ⵢⴰⵜ ⵜⵉⵔⵎⵜ ⵖ ⴰⵓⵖⴰⵡⴰⵙ ⴰⵎⵇⵕⴰⵏ ⵏ ⵟⴰⵏⵊⴰ-ⵎⵉⵜⵔⵓⴱⵓⵍ.

ⵉⴼⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵎⴰⵢⴰⴷ ⴰⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵓⵙⵓⴼⵖ ⵏ ⵢⴰⵏ ⵓⴷⴷⵉⵙ ⵏ ⵜⵜⵉⵏⵉⵙ ⴷ ⵢⴰⵏ ⵍⴱⵉⵙⵉⵏ ⵓⵍⴰⵎⴱⵉ ⴷ ⵢⴰⵏ ⵓⴱⴰⵔⴰⵣ ⵏ ⵜⴰⵡⵊⵊⴰ ⵏ ⵓⴹⴰⵕ, ⵢⴰⵜ ⵖ ⵉⵔⴼⴷⵉⵙⵏ ⵏ ⵜⵎⴷⵉⵏⵜ ⵏ ⵜⵓⵏⵏⵓⵏⵜ ⵍⵍⵉ ⵔⴰⴷ ⵉⵉⵜⵓⵙⴽⴰⵔ ⵉⴳⴳⵉ ⵏ 74 ⵏ ⵓⵀⴽⵟⴰⵕ ⴷ ⵍⵍⵉ ⵖ ⵔⴰⴷ ⵉⵍⵉⵏ ⵜ ⵎⵏⵏⴰⵡ ⵜ ⵜⴷⴰⵍⵉⵡⵉⵏ.

ⴰⵙⵏⵜⵉ ⵢⴰ ⴷ ⵍⵍⵉ ⵢⵉⵡⵉⵏ ⴰⵙⵙⴰⵔⵓ ⵏ 600 ⵏ ⵓⵎⵍⵢⵓⵏ ⵏ ⴷⴷⵔⵀⵎ ⴰⵔ ⵉⵎⵎⴰⵍ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵉⴼ ⴰⵜⵉⴳ ⵉⴳⴳⵓⵜⵏ ⵉ ⵜⴷⵉⵏⴰⵎⵉⵜ ⵏ ⵜⴳⵎⵉ ⵖ ⵜⵙⴳⴰ ⵢⴰⴷ ⵙ ⵜⵖⴰⵔⴰⵙⵜ ⵏ ⵜⵓⵏⵏⵓⵏⵜ.

ⵖ ⵓⵎⵏⵉⴷ ⴰⴷ, ⵔⴰⴷ ⵢⵉⵍⵉ ⵖ ⵟⴰⵏⵊⴰ ⴰⵙⵙⵓⴼⵖ ⵏ ⵙⵎⵎⵓⵙ ⵏ ⵉⴱⴰⵔⴰⵣⵏ ⵏ ⵜⴰⵡⵊⵊⴰ ⵏ ⵓⴹⴰⵕ ⴷ ⵙⵎⵎⵓⵙ ⵏ ⵉⴱⴰⵔⴰⵣⵏ ⵏ ⵜⴰⵡⵊⵊⴰ ⵏ ⵓⴹⴰⵕ ⵎⵥⵥⵉⵏ ⵙ ⵢⴰⵏ ⵡⴰⵜⵉⴳ ⵏ 19,5 ⵏ ⵓⵎⵍⵢⵓⵏ ⵏ ⴷⴷⵔⵀⵎ ⵖ ⵜⵓⴷⴷⵓⵔⵉⵏ ⵏ ⴱⵉⵔ ⵛⵉⴼⴰ ⴷ ⵍⵎⵔⵙ ⴷ ⴱⵏⵉ ⵜⵓⵣⵉⵏ ⴷ ⵍⵎⴰⵊⴷ ⴷ ⵎⵙⵏⴰⵏⴰ ⴷ ⵍⵅⵔⴱ ⵎⵛⵍⴰⵡⴰ ⴷ ⵟⴰⵏⵊⴰ ⵍⴱⴰⵍⵢⴰ ⴷ ⵙⴰⵏⵢⴰⵜ ⵊⴷⵉⴷⴰ ⴷ ⵙⴰⵏⵢⴰⵜ ⵍⵃⵕⴰⵕⵛ.

ⵉⵙⵏⵜⴰ ⵢⴰⴷ ⴰⵔ ⵙⵓⴷⵙⵏ ⴰⵖⴰⵡⴰⵙ ⵏ ⴳⵔ (2013-2017) ⵟⴰⵏⵊⴰ-ⵎⵉⵜⵔⵓⴱⵓⵍ ⴷⴰⵔⵙⵏ ⵢⴰⵜ ⵜⵜⴰⵏⵏⴰⵢⵜ ⵜⴰⵎⴰⵢⵏⵓⵜ ⵍⵍⵉ ⵎⵓ ⵉⴳⴰ ⴰⵡⵜⵜⴰⵙ ⴰⴷ ⵜⵙⴼⴰⵍⴽⵉ ⵜⵓⴷⵔⵜ ⵏ ⵉⵎⵣⴷⴰⵖⵏ ⵏ ⵜⵎⴷⵉⵏⵜ ⴰⴷ.

Dernière modification : 24 ⵎⴰⵕⵚ 2014
Source URL: https://www.mapnews.ma/am/activites-royales/%E2%B4%B0%E2%B5%94%E2%B5%A3%E2%B4%B0%E2%B4%BC-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%9C%E2%B4%B0%E2%B5%8E%E2%B4%B7%E2%B5%89%E2%B5%8F%E2%B5%9C-%E2%B5%8F-%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C-%E2%B5%96-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%96%E2%B5%8E%E2%B4%BD%E2%B5%8D%E2%B5%8D%E2%B5%89-%E2%B5%9C%E2%B5%94%E2%B4%B0#comment-0