ⵟⴰⵏⵊⴰ: ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵉⵙⵏⵜⴰ ⵏ ⵉⵄⵔⵔⵉⵎⵏ ⴷ ⵜⵎⵖⴰⵔⵜ

24 ⵎⴰⵕⵚ 2014 Version Imprimable

ⵟⴰⵏⵊⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ ⵎⵏⵏⴰⵡ ⵏ ⵉⵙⵏⵜⴰ ⵏ ⵉⵄⵔⵔⵉⵎⵏ ⴷ ⵜⵎⵖⴰⵔⵜ ⴰⵙⵙ ⵏ ⵓⵙⴰⵎⴰⵙ ⵖ ⵟⴰⵏⵊⴰ, ⵍⵍⵉ ⵎⵓ ⵉⴳⴰ ⴰⵡⵜⵜⴰⵙ ⴰⴷ ⴰⵡⵙⵏ ⵖ ⵜⴳⵎⵉ ⵏ ⵜⵎⴷⵉⵏⵜ ⴰⴷ ⴷ ⵜⵏⴽⵔⴰ ⵙ ⵜⵖⵔⵉ ⵏ ⵉⵄⵔⵔⵉⵎⵏ ⴷ ⵓⵙⵙⵓⴼⵖ ⵏ ⵜⵓⵡⵔⵉⵡⵉⵏ.

ⵉⵙⵏⵜⴰ ⵢⴰⴷ ⵍⵍⵉ ⵔⴰⴷ ⵉⵜⵜⵓⵙⴽⴰⵔ ⵖ ⵓⵙⴰⵜⵉ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ (ⵉⵏⴷⵀ) ⵙ 59 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⵉⵍⵍⴰ ⴳⵉⵙⵏ ⵓⵙⵙⵓⴼⵖ ⵏ ⵙⴰ ⵏ ⵡⴰⵎⵎⴰⵙⵏ ⴷ ⵓⵙⵓⴷⵙ ⵏ ⵜⵙⵓⴳⵔⵉⵡⵉⵏ ⵏ ⵉⵄⵔⵔⵉⵎⵏ ⴷ ⵙⴹⵉⵙ ⵏ ⵓⵙⵎⵓⵜⵜⴳ ⴷ ⵓⵙⵓⴷⵙ ⵏ ⵜⵙⵓⴳⵔⵉⵡⵉⵏ ⵏ ⵜⵎⵖⴰⵔⵉⵏ ⴷ ⵢⴰⵏ ⵡⴰⵎⵎⴰⵙ ⵏ ⵜⵏⴽⵔⴰ ⵙ ⵉⵎⵓⵙⵙⵓⵜⵏ ⵙⴽⴰⵔⵏⵉⵏ ⵉⴷⵔⵉⵎⵏ.

ⴰⵎⵎⴰⵙⵏ ⵏ ⵓⵙⵎⵓⵜⵜⴳ ⵏ ⵉⵄⵔⵔⵉⵎⵏ ⵔⴰⴷ ⵜⵜⵓⵙⴽⴰⵔⵏ ⵖ ⵜⵓⴷⴷⵓⵔⵉⵏ ⵏ ⵍⵎⵔⵙ, ⵍⵃⵊⵔ, ⵍⴰⵙⴼⵔ, ⴱⵉⵔ ⴰⵃⵔⵊⵓⵏ, ⴽⵓⵎⴱⵍⵉⴽⵙ ⵃⵙⵙⴰⵏⵉ, ⵎⵙⵏⴰⵏⴰ, ⵔⵔⵃⵔⴰⵃ, ⴱⵔⴰⵏⵙ.

ⵔⴰⴷ ⵜⵜⵓⵙⴽⴰⵔⵏ ⵡⴰⵎⵎⴰⵙⵏ ⵏ ⵓⵙⵎⵓⵜⵜⴳ ⵏ ⵜⵎⵖⴰⵔⵉⵏ ⴰⵎⵎⴰⵙ ⵏ ⵜⵓⴷⴷⵓⵔⵉⵏ ⵏ ⵎⵖⵓⵖⴰ, ⴹⵀⵕ ⵍⴳⵏⴼⵓⴷ, ⴰⵛⵏⵏⴰⴷ, ⵟⴰⵏⵊⴰ ⵍⴱⴰⵍⵢⴰ, ⵕⵕⵃⵕⴰⵃ ⴷ ⴷⵔⴰⴷⴱ.

ⵔⴰⴷ ⵉⵜⵜⵓⵙⴽⴰⵔ ⵡⴰⵎⵎⴰⵙ ⵏ ⵜⵏⴽⵔⴰ ⵙ ⵉⵎⵓⵙⵙⵓⵜⵏ ⵙⴽⴰⵔⵏⵉⵏ ⵉⴷⵔⵉⵎⵏ ⵖ ⵜⵓⴷⴷⵓⵔⵜ ⵏ ⵍⵎⵔⵙ, ⵔⴰⴷ ⵢⴰⵡⵙ ⵉⵎ ⵎⵉⴷⴷⵏ ⵏⵏⵙ ⴰⴷ ⵙⵙⵏ ⴰⴷ ⵙⴼⵓⵢⵓⵖⵏ ⵜⴰⵡⵔⵉⵡⵉⵏ ⵏⵏⵙⵏ ⵙ ⵜⵖⴰⵔⴰⵙⵜ ⵏ ⵜⵙⴱⴱⴰⴱⵜ.

Dernière modification : 24 ⵎⴰⵕⵚ 2014

Source URL: https://www.mapnews.ma/am/activites-royales/%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B4%B0-%E2%B5%8F-%E2%B5%89%E2%B5%84%E2%B5%94%E2%B5%94%E2%B5%89%E2%B5%8E%E2%B5%8F-%E2%B4%B7-%E2%B5%9C%E2%B5%8E%E2%B5%96%E2%B4%B0%E2%B5%94%E2%B5%9C-0#comment-0