ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵖ ⵟⴰⵏⵊⴰ : ⵎⵏⵏⴰⵡ ⵏ ⵉⵙⵏⵜⴰ ⵏ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⵏ ⵓⵖⴰⵡⴰⵙ ⵏ ⵟⴰⵏⵊⴰ-ⵎⵉⵜⵔⵓⴱⵓⵍ

21 ⵎⴰⵕⵚ 2014 Version Imprimable

ⵟⴰⵏⵊⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⵖ ⵟⴰⵏⵊⴰ, ⵎⵏⵏⴰⵡ ⵏ ⵉⵙⵏⵜⴰ ⴳⴰⵏⵉⵏ ⵉⵎⵙⵜⴳⴳⴰⵔ, ⵡⵉⵏ ⵜⵓⵚⴽⵉⵡⵉⵏ ⵜⴰⵏⴰⴷⴷⴰⵡⵉⵏ, ⵍⵍⵉ ⵢⵉⵎⵎⴰⵍⵏ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵉⵙⴽⵔ ⵖⵟⴰⵏⵊⴰ ⵢⴰⵜ ⵜⵎⴷⵉⵏⵜ ⵜⴰⵎⵇⵕⴰⵏⵜ.

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵏⵜⵉ ⵏ ⵜⴽⵓⵕⵏⵉⵛⵜ ⵏ ⵙⵉⵏ ⵏ ⵉⴽⴰⴱⵏ ⴷ ⵢⴰⵏ ⵓⴱⵔⵉⴷ ⵏ ⵉⵣⴷⴷⴰⵔ ⵖ ⵜⵙⴳⴰ ⵏ ⵓⵖⴰⵔⴰⵙ ⴰⵎⵇⵕⴰⵏ ⵏ ⴼⴰⵕ -ⵜⴰⴳⴰⴷⴰⵔⵜ ⴱⵏⴷⵉⴱⴰⵏ- ⴱⵏⵉ ⵎⴳⴳⴰⴷⴰ ⴷ ⵉⵙⵏⵜⴰ ⴰⴹⵏⵉⵏ ⴳⵉⵙⵏ ⵢⴰⵏ ⵖ ⵜⴰⵙⴳⴰ ⵜⴰⵎⴳⵓⵔⴰⵏⵜ ⵏ ⵎⵖⵓⵖⴰ.

ⵉⵙⵏⵜⴰ ⵢⴰⴷ ⵍⵍⵉ ⵔⴰⴷ ⵢⴰⵡⵉ ⵉⵙⵙⴰⵔⵓⵜⵏ ⵏ 727 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⵉⵙⵏⵜⴰ ⵢⴰⴷ ⵍⵍⴰⵏ ⵖ ⵓⵖⴰⵡⴰⵙ ⵏ ⵟⴰⵏⵊⴰ-ⵎⵉⵜⵔⵓⴱⵓⵍ ⵍⵍⵉ ⵢⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵖ 26 ⵛⵓⵜⴰⵏⴱⵉⵔ ⵉⵣⵔⵉⵏ ⵍⵍⵉ ⵔⴰⴷ ⵉⵙⴷⵓⵙ ⵜⵉⴳⵎⵉ.

ⵜⵉⵔⵎⵜ ⵜⴰⵎⵣⵡⴰⵔⵓⵜ ⵔⴰⴷ ⵜⵜⵓⵙⴽⴰⵔ ⵖ ⵢⴰⵜ ⵜⵉⵣⵉ ⵏ ⴽⵕⴰⴹ ⵏ ⵉⵙⴳⴳⵯⴰⵙⵏ ⵔⴰⴷ ⴳⵉⵙ ⵢⵉⵍⵉ ⵓⵍⴰ ⵓⵙⵎⵙⴰⵙⴰ ⵏ ⵉⴱⵔⵉⴷⵏ ⴷ ⵉⴷⵖⵔⴰⵏ ⵉⵣⴳⵣⴰⵡⵏ ⴷ ⵓⵚⵕⵚⴰ ⵏ ⵢⴰⵏ ⵓⵥⵟⵟⴰ ⵏ ⵜⵉⴼⴰⵡⵜ ⵜⴰⴳⴷⵓⴷⴰⵏⵜ ⴷ ⵜⵓⵚⴽⴰ ⴷ ⵢⴰⵏ ⵍⴱⴰⵔⴽⵉⵏ ⵢⵓⵙⵉⵏ 1.300 ⵏ ⵜⵎⵙⵙⵓⴷⵓⵜ.

Dernière modification : 21 ⵎⴰⵕⵚ 2014

Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%96-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B4%B0-%E2%B5%8F-%E2%B5%9C%E2%B5%93%E2%B5%9A%E2%B4%BD%E2%B5%89%E2%B5%A1%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B4%B7%E2%B4%B7%E2%B4%B0%E2%B5%A1%E2%B5%9C-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%9F%E2%B4%B0%E2%B5%8F%E2%B5%8A%E2%B4%B0#comment-0