Published on MAPNews (https://www.mapnews.ma/am)

Accueil > ⵜⴰⴽⵓⵙⵜ ⵜⵉⵙⵙ 41 ⵏ ⵃⴰⵙⴰⵏ ⵡⵉⵙⵙ ⵙⵉⵏ/ ⵜⴰⴽⵓⵙⵜ ⵜⵉⵙⵙ 20 ⵏ ⵍⴰⵍⵍⴰ ⵎⵔⵢⵎ : ⴰⵢⵜ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵙⵙⵉⵅⴼⵏ ⴳ ⵓⴳⴰⴷⵉⵔ ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵉⵜⵉⴳⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⴰⴽⵓⵙⵜ ⵜⵉⵙⵙ 41 ⵏ ⵃⴰⵙⴰⵏ ⵡⵉⵙⵙ ⵙⵉⵏ/ ⵜⴰⴽⵓⵙⵜ ⵜⵉⵙⵙ 20 ⵏ ⵍⴰⵍⵍⴰ ⵎⵔⵢⵎ : ⴰⵢⵜ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵙⵙⵉⵅⴼⵏ ⴳ ⵓⴳⴰⴷⵉⵔ ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵉⵜⵉⴳⵏ

16 ⵎⴰⵕⵚ 2014 Version Imprimable
ⴰⴳⴰⴷⵉⵔ - ⵙⵙⵉⵅⴼⵏ ⴰⵢⵜ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⴰⵙⵙ ⵏ ⵓⵙⴰⵎⴰⵙ ⴳ ⵍⴳⵓⵍⴼ ⵏ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵓⴳⴰⴷⵉⵔ, ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵉⵜⵉⴳⵏ ⵉ ⵡⵉⵍⵍⵉ ⵍⵍⵉ ⵢⵏⵏⵔⴰⵏ ⴳ ⵜⴽⵓⵙⵜ ⵜⵉⵙⵙ 41 ⵏ ⵃⴰⵙⴰⵏ ⵡⵉⵙⵙ ⵙⵉⵏ ⴷ ⵜⴽⵓⵙⵜ ⵜⵉⵙⵙ 20 ⵏ ⵍⴰⵍⵍⴰ ⵎⵔⵢⵎ ⵏ ⵍⴳⵓⵍⴼ, ⵍⵍⵉ ⵙⵏⵎⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵙⴳ 10 ⴰⵔ 16 ⵎⴰⵕⵚ ⴳ ⵓⴳⴰⴷⵉⵔ.

ⵍⵍⵉⵖ ⵍⴽⵎⵏ ⵙ ⵍⴳⵓⵍⴼ ⵏ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ, ⵣⵣⵓⵍⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵏ ⵜⴽⵓⵙⵜ ⵏ ⵃⴰⵙⴰⵏ ⵡⵉⵙⵙ ⵙⵉⵏ ⵏ ⵍⴳⵓⵍⴼ, ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵎⵓⵃⵎⵎⴷ ⴱⵓⵙⵄⵉⴷ, ⵓⵎⴰⵡⵙⴰⵙ ⵏ ⵜⴷⴰⵎⵙⴰ ⴷ ⵏ ⵓⵥⵕⴼ, ⴷ ⵄⴰⵣⵉⵣ ⴰⵅⵏⵏⵓⵛ, ⵓⵎⴰⵡⵙⴰⵙ ⵏ ⵜⵏⴼⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ, ⴷ ⵎⵓⵃⵎⵎⴷ ⵓⵣⵣⵉⵏ, ⵓⵎⴰⵡⵙⴰⵙ ⵏ ⵜⵉⵄⵄⵓⵔⵎⴰ ⴷ ⵏ ⵜⵓⵏⵏⵓⵏⵜ, ⴷ ⵍⵃⵙⵏ ⵃⴷⴷⴰⴷ, ⵓⵎⴰⵡⵙⴰⵙ ⵏ ⵜⵎⴰⵍⵍⴰⵢⵜ, ⴷ ⴼⴰⵟⵉⵎⴰ ⵎⵕⵡⴰⵏ, ⵜⴰⵎⴰⵡⵙⴰⵙⵜ ⵏ ⵜⵉⵏⵉⴹⵉ ⴷ ⵏ ⵜⴰⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⴰⴱⴷⴰⴷⵜ.

ⵣⵣⵓⵍⵏ ⵙⵓⵍ ⴰⵢⵜ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵍⵊⵉⵏⵉⵕⴰⵍ ⴷⵓ ⴽⵓⵕ ⴷⴰⵕⵎⵉ ⵃⵓⵙⵏⵉ ⴱⵏⵙⵍⵉⵎⴰⵏ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵄⵍⴰⵎⴱⵉ ⴰⵎⵖⵔⵉⴱⵉ, ⴷ ⵎⵓⵃⵎⵎⴷ ⵍⵢⴰⵣⵉⴷ ⵣⵍⵍⵓ, ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⴰ ⴹⵕⵄⴰ, ⴷ ⵓⵏⴱⴱⴰⴹ ⵏ ⵍⵄⴰⵎⴰⵍⴰ ⵏ ⵓⴳⴰⴷⵉⵔ ⵉⴷⴰ ⵡⵜⴰⵏⴰⵏ ⴷ ⵎⵏⵏⴰⵡ ⵉⴳⵎⴰⵎⵏ ⵢⴰⴹⵏⵉⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⴷⴷⴰⵏ ⴰⵢⵜ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵙ ⵜⴷⴰⴱⵓⵜ ⵏ ⵓⴷⴷⵓⵔ ⴰⴼⴰⴷ ⴰⴷ ⵃⴰⴹⵕⵏ ⵉ ⵜⵎⴳⴳⴰⵔⵓⵜ ⵏ ⵓⵎⵃⵉⵣⵡⵔ ⵏ ⵜⴽⵓⵙⵜ ⵏ ⵃⴰⵙⴰⵏ ⵡⵉⵙⵙ ⵙⵉⵏ.

ⴷⴼⴼⵉⵔ ⵏ ⵜⵓⵙⵎⵉⵔⵜ ⵏ ⵡⵉⵍⵍⵉ ⵢⵏⵏⵔⴰⵏ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴰⴽⵓⵙⵜ ⵜⴰⵎⵇⵔⴰⵏⵜ ⵏ ⵃⴰⵙⴰⵏ ⵡⵉⵙⵙ ⵙⵉⵏ ⵉ ⵡⵚⴱⵍⵢⵓⵏⵉ ⴰⵍⵉⵅⴰⵏⴷⵔⵓ ⴽⴰⵏⵉⵥⴰⵕⵉⵚ, ⵎⴰⵢⴰⴷ ⵢⵉⵡⵉⵏ ⵜⵡⴰⵍⴰ ⵜⵉⵙⵙ 41 ⵏ ⵜⴽⵓⵙⵜ ⴰⴷ ⵙ 19 ⵜⵏⵇⵇⵉⴹⵜ ⴷⴼⴼⵉⵔ ⵏ ⵜⵉⵍⴰⵍⵜ ⵜⵉⵙⵙ 4.

ⵜⴼⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⴰⴽⵓⵙⵜ ⵍⵍⵉ ⵢⵓⵙⵉⵏ ⵉⵙⵎ ⵏⵏⵙ ⵉ ⵅⵜⴰⵏⵏ ⵍⵍⵉ ⵢⵉⵡⵉⵏ ⵜⴰⵡⴰⵍ ⵜⵉⵙⵙ 20, ⵜⴰⵏⴳⵍⵉⵣⵉⵜ ⵛⴰⵕⵍⵉ ⵀⴰⵍ.

ⴷⴼⴼⵉⵔ ⵏ ⵖⵉⴽⴰⵏⵏ, ⵉⵎⵥⵏ ⴰⵢⵜ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵢⴰⵜ ⵜⴰⵡⵍⴰⴼⵜ ⵜⴰⴽⵜⵜⴰⵢⵜ ⴷ ⵡⵉⵍⵍⵉ ⵢⵏⵏⵔⴰⵏ. 

Fichier attaché :
Icône image la_remise_des_prix_aux_vainqueurs_du_20eme_trophee_hassan__ii_et__la_coupe_lalla_meryem_de_golf_-_g.jpg
Dernière modification : 16 ⵎⴰⵕⵚ 2014
Source URL: https://www.mapnews.ma/am/activites-princieres/%E2%B5%9C%E2%B4%B0%E2%B4%BD%E2%B5%93%E2%B5%99%E2%B5%9C-%E2%B5%9C%E2%B5%89%E2%B5%99%E2%B5%99-41-%E2%B5%8F-%E2%B5%83%E2%B4%B0%E2%B5%99%E2%B4%B0%E2%B5%8F-%E2%B5%A1%E2%B5%89%E2%B5%99%E2%B5%99-%E2%B5%99%E2%B5%89%E2%B5%8F-%E2%B5%9C%E2%B4%B0%E2%B4%BD%E2%B5%93%E2%B5%99%E2%B5%9C-%E2%B5%9C%E2%B5%89%E2%B5%99%E2%B5%99-20-%E2%B5%8F-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%8E-%E2%B4%B0%E2%B5%A2%E2%B5%9C-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C#comment-0