ⵜⵔⵣⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⴰⴱⵉⴷⵊⴰⵏ ⴰⵎⵎⴰⵙ ⵏ ⵓⵙⵏⵓⴱⴳ ⵏ ⵉⴼⵔⵅⴰⵏ ⴳ ⴰⵙⵓⵔⵙ ⵉⵛⵇⵇⴰⵏ

15 ⵎⴰⵕⵚ 2014 Version Imprimable

ⴰⴱⵉⴷⵊⴰⵏ - ⵜⵙⴽⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵏ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵏ ⵓⵙⵎⴽⵍ ⵏ ⵉⴽⵯⵕⵣⵎⵉⵡⵏ, ⵜⴰⵎⵖⵔⴰⵜ ⵏ ⵓⴷⴷⵓⵔ ⵏ ⵜⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵏ ⵉⴼⵔⵅⴰⵏ ⵏ ⵉⴼⵔⵉⵇⵢⴰ, ⵜⴰⵎⵖⴰⵔⵜ ⵏ ⵓⵏⵙⵙⵉⵅⴼ ⵏ ⴽⵓⵟ ⴷⵉⴼⵡⴰⵕ, ⵎⴰⵙⵙⴰ ⴹⵓⵎⵉⵏⵉⴽ ⵡⴰⵟⴰⵕⴰ, ⴰⵙⵙ ⵏ ⵓⵙⵉⴹⵢⴰⵙ ⴳ ⴰⴱⵉⴷⵊⴰⵏ, ⵢⴰⵏ ⵓⵔⵣⴰⴼ ⵉ « ⵍⴰⴽⴰⵣ ⴷⵉ ⵣⵓⵏⴼⵓⵏ », ⵎⴰⵢⴰⴷ ⵓⴳⴰⵏ ⵢⴰⵏ ⵓⵎⵎⴰⵙ ⵏ ⵓⵙⵏⵓⴱⴳ ⵏ ⵉⴼⵔⵅⴰⵏ ⵏ ⵜⴰⵙⵓⴽⵜ, ⴷ ⵏ ⵉⴳⵉⴳⵍⵏ ⴷ ⵏ ⵉⵏⴳⵉⵙⵏ ⵏ ⵜⵉⴽⵕⴹⵉ.

ⴷⴼⴼⵉⵔ ⵍⵍⵉ ⵜ ⵙⵏⵓⴱⴳⵏ ⵜⵎⴰⵡⵙⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ, ⵎⴰⵙⵙⴰ ⴽⴰⵏⴷⵢⴰ ⴽⴰⵎⴰⵕⴰ, ⴷ ⵜⵎⴰⵡⵙⴰⵙⵜ ⵏ ⵓⵎⵢⴰⵡⴰⴹ, ⵎⴰⵙⵙ ⴰⴼⵓⵙⵢⴰⵜⴰ ⴱⴰⵎⴱⴰ ⵍⴰⵎⵉⵏ, ⵜⴹⴼⴰⵕ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴽⵔⴰ ⵏ ⵉⵙⵙⴼⵔⵓⵏ ⵅⴼ ⵜⵉⵏⴰⴼⵓⵜⵉⵏ ⵍⵍⵉ ⵡⵉⵍⵍⵉ ⵢⵜⵜⵓⵛⴽⴰⵏ ⵙ ⵓⵎⵎⴰⵙ ⴰⴷ, ⵜⵔⵣⴼ ⵙⵓⵍ ⵜⵉⵏⴰⴼⵓⵜⵉⵏ ⵏ ⵓⵙⴳⵏⴰⴼ ⴰⴷ.

ⴰⵎⵎⴰⵙ ⵏ ⵢⴰⵏ ⵉⵏⴰⵡ, ⵜⵙⴰⵡⵍ ⵜⵏⵎⵀⴰⵍⵜ ⵜⴰⵏⴰⵎⵓⵔⵜ ⵏ ⵜⵉⵎⵔⵙⵍⵜ ⵏ ⵉⴼⵔⵅⴰⵏ ⵏ ⵉⴼⵔⵉⵇⵢⴰ, ⵎⴰⵙⵙⴰ ⵏⴰⴷⵉⵏ ⵚⴰⵏⴳⴰⵔⵉ, ⵅⴼ ⵉⵎⵓⵙⵙⵓⵏ ⵏ ⵓⵎⵎⴰⵙ ⵍⵍⵉ ⵢⵙⵏⵓⴱⴳⵏ 56 ⵓⵎⵥⵥⵢⴰⵏ (26 ⵜⴼⵔⵓⵅⵜ ⴷ 30 ⵓⴼⵔⵓⵅ). ⵉⵔⴰ ⵡⵎⵎⴰⵙ ⴰⴷ ⴰⴷ ⵉⵙⴼⵍⵙ ⴰⵙⴽⵛⵎ ⵏ ⵉⵎⵥⵥⵢⴰⵏⵏ ⴰⴷ ⴳ ⵜⵓⴷⵔⵜ ⵜⴰⵙⴽⵔⴰⵡⴰⵏⵜ ⵅⴼ ⵓⵙⵖⵓⵔⵉ ⴷ ⵓⵙⵎⵓⵜⵜⴳ.

ⵉⵥⴹⴰⵕ ⵓⵎⵎⴰⵙ ⴰⴷ ⴰⴷ ⵢⴰⵙⵙⵉ 100 ⵓⴼⴳⴰⵏ, ⵜⵓⴼⵜ ⵏⵏⵙⵏ ⴳⴰⵏ ⵉⴼⵔⵅⴰⵏ ⵉⵣⴷⵖⵏ ⴳ ⵜⴰⵙⵓⴽⵜ.

Fichier attaché :

sar_la_princesse_lalla_salma_visite_a_abidjan_le_centre_d_accueil_des_enfants_en_situation_difficile___-_g1.jpg

Dernière modification : 15 ⵎⴰⵕⵚ 2014

Source URL: https://www.mapnews.ma/am/activites-princieres/%E2%B5%9C%E2%B5%94%E2%B5%A3%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B4%B3-%E2%B4%B0%E2%B4%B1%E2%B5%89%E2%B4%B7%E2%B5%8A%E2%B4%B0%E2%B5%8F-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%93%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%8F#comment-0