Published on MAPNews (https://www.mapnews.ma/am)

Accueil > ⵜⴼⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵢⴰⵜ ⵜⵉⴽⴽⵉ ⵏ ⵉⵙⴰⴼⴰⵔⵏ ⵉ ⵜⵏⴰⴼⵓⵜ ⵏ ⵜⵏⴽⵓⵍⵓⵊⵉⵜ ⵏ ⵉⵎⵥⵥⵢⴰⵏⵏ ⴳ ⵓⵎⵎⴰⵙ ⴰⵎⵙⴳⵏⴰⴼ ⴰⵎⵙⴷⴰⵡ ⵏ ⵜⵔⵉⵛⴼⵉⵍ ⴳ ⴰⴱⵉⴷⵊⴰⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⴼⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵢⴰⵜ ⵜⵉⴽⴽⵉ ⵏ ⵉⵙⴰⴼⴰⵔⵏ ⵉ ⵜⵏⴰⴼⵓⵜ ⵏ ⵜⵏⴽⵓⵍⵓⵊⵉⵜ ⵏ ⵉⵎⵥⵥⵢⴰⵏⵏ ⴳ ⵓⵎⵎⴰⵙ ⴰⵎⵙⴳⵏⴰⴼ ⴰⵎⵙⴷⴰⵡ ⵏ ⵜⵔⵉⵛⴼⵉⵍ ⴳ ⴰⴱⵉⴷⵊⴰⵏ

15 ⵎⴰⵕⵚ 2014 Version Imprimable
ⴰⴱⵉⴷⵊⴰⵏ - ⵜⴼⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵏ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵏ ⵓⵙⵎⴽⵍ ⵏ ⵉⴽⵯⵕⵣⵎⵉⵡⵏ, ⵜⴰⵎⵖⵔⴰⵜ ⵏ ⵓⴷⴷⵓⵔ ⵏ ⵜⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵏ ⵉⴼⵔⵅⴰⵏ ⵏ ⵉⴼⵔⵉⵇⵢⴰ, ⵜⴰⵎⵖⴰⵔⵜ ⵏ ⵓⵏⵙⵙⵉⵅⴼ ⵏ ⴽⵓⵟ ⴷⵉⴼⵡⴰⵕ, ⵢⴰⵜ ⵜⵉⴽⴽⵉ ⵏ ⵉⵙⴰⴼⴰⵔⵏ ⵉ ⵜⵏⴰⴼⵓⵜ ⵏ ⵜⵏⴽⵓⵍⵓⵊⵉⵜ ⵏ ⵉⵎⵥⵥⵢⴰⵏⵏ ⴳ ⵓⵎⵎⴰⵙ ⴰⵎⵙⴳⵏⴰⴼ ⴰⵎⵙⴷⴰⵡ ⵏ ⵜⵔⵉⵛⴼⵉⵍ ⴳ ⴰⴱⵉⴷⵊⴰⵏ.

ⵍⵍⵉⵖ ⵜⵍⴽⵎ ⵍⴰⵍⵍ ⵏ ⵜⴰⵜⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵙ ⵓⵎⵎⴰⵙ ⴰⵎⵙⴳⵏⴰⴼ ⴰⵎⵙⴷⴰⵡ ⵏ ⵜⵔⵉⵛⴼⵉⵍ, ⵍⵍⵉ ⵢⵎⴰⵏⵏ ⴷ ⵜⵎⵖⴰⵔⵜ ⵜⴰⵎⵣⵡⴰⵔⵓⵜ ⵏ ⴽⵓⵟ ⴷⵉⴼⵡⴰⵕ, ⵉⵣⵣⵓⵍ ⵜ ⵓⵎⴰⵡⵙⴰⵙ ⵏ ⵜⴷⵓⵙⵉ ⴷ ⵏ ⴰⵙⴱⴷⴷⵉ ⵏ ⵙⵙⵉⴷⴰ, ⴹⵓⴽⵟⵓⵕ ⵕⴰⵢⵎⵓⵏⴹ ⴳⵓⴷⵓ ⴽⵓⴼⵉ, ⵓⵍⴰ ⵜⴼⴳⴳⴰ ⴰⵙⴰⴼⴰⵔ ⵏ ⵜⴰⵏⴰⴼⵓⵜ ⵏ ⵜⵏⴽⵓⵍⵓⵊⵉⵜ ⵏ ⵓⵎⵎⴰⵙ ⴰⵎⵙⴳⵏⴰⴼ ⴰⵎⵙⴷⴰⵡ ⵏ ⵜⵔⵉⵛⴼⵉⵍ.

ⴳ ⵓⵣⵎⵣⵣⵓ ⵢⴰⴷ, ⵜⵔⵣⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵎⴰⵢⴰⴷ ⵉⵎⴰⵏⵏ ⴷ ⵎⵖⴰⵔⵜ ⵜⴰⵎⵣⵡⴰⵔⵓⵜ ⵏ ⴽⵓⵟ ⴷⵉⴼⵡⴰⵕ, ⵉⵎⵥⵥⵢⴰⵏⵏ ⵍⵍⵉ ⵙⵎⴽⵍⵏ ⴳ ⵜⵏⴰⴼⵓⵜ ⴰⴷ. 

ⴰⵎⵎⴰⵙ ⵏ ⵜⵓⵜⵜⵉⵢⵜ ⴰⴷ, ⵜⵜⵓⴼⴽⴰⵏ ⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴽⵔⴰ ⵏ ⵉⵙⵙⴼⵔⵓⵏ ⵅⴼ ⵜⵉⵙⵖⵏⵉⵏ ⴷ ⵜⵉⵏⵎⴰⵔⵉⵏ ⵍⵍⵉ ⵢⵙⵙⵏ ⵓⵙⵎⴽⵍ ⵏ ⵉⵎⵥⵥⵢⴰⵏⵏ ⵉⵎⴰⴹⵓⵏⵏ ⵙ ⵓⴽⵯⵕⵣⵎⵉⵡ.

ⵍⵍⵉⵖ ⵉⵜⵎⵎⴰ ⵡⵔⵣⴰⴼ ⴰⴷ, ⵉⵏⵏⴰ ⵡⵏⵎⵀⴰⵍ ⴰⵎⵙⴽⴰⵔ ⵏ ⵜⵉⵎⵔⵙⵍⵜ ⵏ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵏ ⵓⵙⵎⴽⵍ ⵏ ⵉⴽⵯⵕⵣⵎⵉⵡⵏ, ⴹⵓⴽⵟⵓⵕ ⵕⴰⵛⵉⴷ ⴱⵇⵇⴰⵍⵉ, ⵉⵙ ⵜⵖⵜⵙ ⴰⴷ ⵜⵙⵏⴼⵍ ⵢⴰⵜ ⵜⵓⵚⴽⵉⵡⵜ ⵏ ⵓⵙⵏⵓⴱⴳ ⵏ ⵉⵎⵎⴰⵜⵏ ⴷ ⵉⴼⵔⵅⴰⵏ ⴳ ⵜⵏⴰⴼⵓⵜ ⵏ ⵜⵏⴽⵓⵍⵓⵊⵉⵜ ⵏ ⵚⵚⴱⵉⵟⴰⵕ ⵏ ⵉⵎⵎⴰⵜⵏ ⴷ ⵉⴼⵔⵅⴰⵏ ⵏ ⵜⴱⵉⵏⴳⵉⵔⴼⵉⵍ ⵏ ⵜⴱⵉⵏⴳⵉⵔⴼⵉⵍ.

ⵜⴽⵛⵎ ⵜⵉⴽⴽⵉ ⵢⴰⴷ ⴰⵎⵎⴰⵙ ⵏ ⵢⴰⵏ ⵓⵖⴰⵡⴰⵙ ⴰⵖⵣⵓⵔⴰⵏ ⵏ ⵜⴰⵎⵔⵏⵉⵡⵜ ⵏ ⵉⵊⵉⵊⵊⵉⵏ ⵏ ⵉⵎⵥⵥⵢⴰⵏⵏ ⵉⵎⴰⴹⵓⵏⵏ ⵙ ⵓⴽⵯⵕⵣⵎⵉⵡ ⴳ ⵎⵏⵏⴰⵡ ⵏ ⵜⵎⵉⵣⴰⵔ ⵏ ⵜⵙⴳⴰ ⵢⴰⴷ, ⴷⴼⴼⵉⵔ ⵏ ⵉⵙⵖⵍⴼⵏ ⵏ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵏ ⵎⵕⵕⴰⴽⵯⵛ ⵍⵍⵉ ⵢⴰⴷⵍⵍⵉ ⵜⵙⵏⵎⴰⵍⴰ ⵜⵉⵎⵔⵙⵍⵜ ⵏ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵏ ⵓⵙⵎⴽⵍ ⵏ ⵉⴽⵯⵕⵣⵎⵉⵡⵏ ⴳ ⵉⵏⵏⴰⵢⵔ 2012.
 

Fichier attaché :
Icône image -sar_la_princesse_lalla_salma_procede_a_la_remise_dun_lot_de_medicaments_g.jpg
Dernière modification : 15 ⵎⴰⵕⵚ 2014
Source URL: https://www.mapnews.ma/am/activites-princieres/%E2%B5%9C%E2%B4%BC%E2%B4%BD%E2%B4%B0-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B5%A2%E2%B4%B0%E2%B5%9C-%E2%B5%9C%E2%B5%89%E2%B4%BD%E2%B4%BD%E2%B5%89-%E2%B5%8F-%E2%B5%89%E2%B5%99%E2%B4%B0%E2%B4%BC%E2%B4%B0%E2%B5%94%E2%B5%8F-%E2%B5%89-%E2%B5%9C%E2%B5%8F%E2%B4%B0%E2%B4%BC%E2%B5%93%E2%B5%9C-%E2%B5%8F#comment-0