Published on MAPNews (https://www.mapnews.ma/am)

Accueil > ⵜⴷⵔⵓ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⴰⴱⵉⴷⵊⴰⵏ ⴳ ⵢⴰⵏ ⵉⵎⵏⵙⵉ ⵏ ⵜⵉⵎⵔⵙⵍⵜ ⵏ ⵉⴼⵔⵅⴰⵏ ⵏ ⵉⴼⵔⵉⵇⵢⴰ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⴷⵔⵓ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⴰⴱⵉⴷⵊⴰⵏ ⴳ ⵢⴰⵏ ⵉⵎⵏⵙⵉ ⵏ ⵜⵉⵎⵔⵙⵍⵜ ⵏ ⵉⴼⵔⵅⴰⵏ ⵏ ⵉⴼⵔⵉⵇⵢⴰ

15 ⵎⴰⵕⵚ 2014 Version Imprimable
ⴰⴱⵉⴷⵊⴰⵏ - ⵜⴷⵔⵓ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵏ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵏ ⵓⵙⵎⴽⵍ ⵏ ⵉⴽⵯⵕⵣⵎⵉⵡⵏ, ⵜⴰⵎⵖⵔⴰⵜ ⵏ ⵓⴷⴷⵓⵔ ⵏ ⵜⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵏ ⵉⴼⵔⵅⴰⵏ ⵏ ⵉⴼⵔⵉⵇⵢⴰ, ⵜⴰⵎⵖⴰⵔⵜ ⵏ ⵓⵏⵙⵙⵉⵅⴼ ⵏ ⴽⵓⵟ ⴷⵉⴼⵡⴰⵕ, ⵎⴰⵙⵙⴰ ⴹⵓⵎⵉⵏⵉⴽ ⵡⴰⵟⴰⵕⴰ, ⴳ ⵉⵎⵏⵙⵉ ⵏ ⵓⵙⵉⵎⵡⴰⵙ ⴳ ⴰⴱⵉⴷⵊⴰⵏ, ⴳ ⵎⵏⵙⵉ ⵏ ⵜⵡⵍⵍⵓⵖⵜ ⴱⴰⵛ ⵙⵎⴰⵏ ⵉⵇⴰⵕⵉⴹⵏ ⴰⴼⴰⴷ ⴰⴷ ⵉⵙⵎⴰⵡⴰ ⵚⵚⴱⵉⵟⴰⵕ ⵏ ⵉⵎⵎⴰⵜⵏ ⴷ ⵉⴼⵔⵅⴰⵏ ⵏ ⵜⴱⵉⵏⴳⵉⵔⴼⵉⵍ.

ⵍⵍⵉⵖ ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⵣⵓⵍⵜ ⵜ ⵜⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵏ ⵉⴼⵔⵅⴰⵏ ⵏ ⵉⴼⵔⵉⵇⵢⴰ, ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴽⵓⵟ ⴷⵉⴼⵡⴰⵕ, ⵎⴰⵙⵙ ⵍⵃⴰⵙⴰⵏ ⵡⴰⵟⴰⵕⴰ, ⵓⵍⴰ ⵎⵏⵏⴰⵡ ⵏ ⵉⴳⵎⴰⵎⵏ ⵏ ⵜⵏⴱⴰⴹⵜ ⵜⵉⴼⵡⴰⵔⵉⵜ ⴷ ⵉⵏⵎⵖⵓⵔⵏ ⵢⴰⴹⵏⵉⵏ.

ⵍⵍⵉⵖ ⵜⵙⴰⵡⵍ ⴳ ⵓⵣⵎⵣⵣⵓ ⵢⴰⴷ, ⵜⴼⴽⴰ ⵜⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵏ ⵉⴼⵔⵅⴰⵏ ⵏ ⵉⴼⵔⵉⵇⵢⴰ ⵢⴰⵏ ⵓⵙⵎⵖⵔ ⴰⵎⵇⵔⴰⵏ ⵉ ⵜⵉⴳⴰⵡⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⵎⵍⴰ ⵙⵓⵍ ⵎⴰⵙⵙⴰ ⵡⴰⵟⴰⵕⴰ ⴰⴽⵓⵜⵜⵓ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵉⵙⵏⵉⵎⵎⵔ ⵓⵏⵙⵙⵉⵅⴼ ⵉⴼⵡⴰⵔⵉ, ⵎⴰⵙⵙ ⵍⵃⴰⵙⴰⵏ ⵡⴰⵟⴰⵕⴰ, ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵅⴼ ⵓⵏⵏⴰⵍ ⵍⵍⵉ ⵜⴼⴽⴰ ⵉ ⵜⵉⵎⵔⵙⵍⵜ ⵏ ⵉⴼⵔⵅⴰⵏ ⵏ ⵉⴼⵔⵉⵇⵢⴰ, ⴷ ⵉⴼⴽⴰ ⵓⵙⵎⵖⵔ ⵉⵎⵇⵔⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵉ ⵜⵉⴳⴰⵡⵜ ⵏⵏⵙ ⴳ ⵓⵎⵏⵥⴰⵡ ⵏ ⵉⴼⵔⵉⵇⵢⴰ.

ⵉⴳⴰ ⵢⵎⵏⵙⵉ ⵢⴰⴷ ⵡⵉⵙⵙ ⵙⵉⵏ ⴷⴼⴼⵉⵔ ⵏ ⵡⴰⵏ ⵍⵍⵉ ⵢⵙⵏⵎⴰⵍⴰⵏ ⴳ ⴱⵕⴰⵢⵕ 2012 ⴰⴼⴰⴷ ⴰⴷ ⵜⴷⵔⵓ ⴳ ⵢⴰⵏ ⵉⵎⵏⵙⵉ ⵏ ⵜⵡⵍⵍⵓⵖⵜ ⴱⴰⵛ ⵙⵎⴰⵏ ⵉⵇⴰⵕⵉⴹⵏ ⴰⴼⴰⴷ ⴰⴷ ⵉⵙⵎⴰⵡⴰ ⵚⵚⴱⵉⵟⴰⵕ ⵏ ⵉⵎⵎⴰⵜⵏ ⴷ ⵉⴼⵔⵅⴰⵏ ⵏ ⴱⵉⵏⴳⵉⵔⴼⵉⵍ.

ⵔⴰⴷ ⵉⴼⴽ ⵓⵙⴳⵏⴰⴼ ⴰⴷ 110 ⵜⵉⵙⵉ ⵉ ⵉⵎⵎⴰⵜⵏ ⴷ ⵉⴼⵔⵅⴰⵏ ⵏⵏⵙ ⴷ ⵢⴰⵏ ⵜⴰⵏⴰⴼⵓⵜ ⵜⴰⵜⵉⵇⵏⵉⵜ ⵏ ⵜⵙⵓⵜ ⵜⴰⵎⴳⴳⴰⵔⵓⵜ. ⵜⵉⵡⵓⵔⵉⵡⵉⵏ ⵏ ⵜⵓⵚⴽⴰ ⵏ ⵓⵙⴳⵏⴰⴼ ⵏ ⵉⵎⵎⴰⵜⵏ ⴷ ⵉⴼⵔⵅⴰⵏ ⵏ ⴱⵉⵏⴳⵉⵔⴼⵉⵍ, ⵍⵍⵉ ⵔⴰⴷ ⵢⵙⵎⵓⵏ 6 ⵓⵎⵍⵢⴰⵔ ⵏ ⵍⴼⵕⴰⵏⴽ ⵙⵉⴼⴰ, ⴷ ⵔⴰⴷ ⵜⵎⵎⴰⵏ ⴳ ⴷⵓⵊⴰⵏⴱⵉⵔ 2014.

Dernière modification : 15 ⵎⴰⵕⵚ 2014
Source URL: https://www.mapnews.ma/am/activites-princieres/%E2%B5%9C%E2%B4%B7%E2%B5%94%E2%B5%93-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B4%B3-%E2%B4%B0%E2%B4%B1%E2%B5%89%E2%B4%B7%E2%B5%8A%E2%B4%B0%E2%B5%8F-%E2%B4%B3-%E2%B5%A2%E2%B4%B0%E2%B5%8F-%E2%B5%89%E2%B5%8E%E2%B5%8F%E2%B5%99%E2%B5%89-%E2%B5%8F#comment-0