ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵏⴰⵡ ⴳ ⵓⵣⵎⵣⵣⵓ ⵏ ⵜⵡⴰⵍⴰ ⵜⵉⵙⵙ 31 ⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵉⵄⵕⴰⴱⵏ ⵏ ⵓⴳⵏⵙⵓ

12 ⵎⴰⵕⵚ 2014 Version Imprimable

ⵎⵕⵕⴰⴽⵯⵛ - ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵙ ⵜⵙⵙⵓⵖⵍ ⵜⵡⴰⵍⴰ ⵜⵉⵙⵙ 31 ⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵉⵄⵕⴰⴱⵏ ⵏ ⵓⴳⵏⵙⵓ ⴳ ⵎⵕⵕⴰⴽⵛ ⴰⵙⵓⵖⵏ ⵉⵅⴰⵜⴰⵔⵏ ⵏ ⵍⵎⵖⵔⵉⴱ ⵅⴼ ⵜⵉⴳⴰⵡⵜ ⵜⴰⵄⵕⴰⴱⵜ ⵉⵛⵛⴰⵔⵏ, ⵙⵍⴰⵡⴰⵏ ⴰⴽⴽⵯ ⴰⵎⵎⴰⵙ ⵏ ⵉⵎⵙⵜⴳⴳⴰⵔⵏ ⵏ ⵓⴳⵏⵙⵓ, ⵅⴼ ⵜⵉⵍⴰⵍⵜ ⵉⵎⵇⵇⵓⵔⵏ ⵍⵍⵉ ⴰⵔ ⵙⴽⴰⵔⵏ.

ⴰⵎⵎⴰⵙ ⵏ ⵢⴰⵜ ⵜⵓⵣⵉⵏⵜ ⵉⵜⵜⵓⴼⴽⴰⵏ ⵉ ⵢⵎⴷⵔⴰⵡⵏ ⴳ ⵜⵡⴰⵍⴰ ⵜⵉⵙⵙ 31 ⵢⴰⴷ, ⵍⵍⵉ ⵢⵍⵍⴰⵏ ⵡⵙⵙⴰⵏ ⵏ 12 ⴷ 13 ⵎⴰⵕⵚ ⴳ ⵎⵕⵕⴰⴽⵯⵛ, ⵍⵍⵉ ⴷ ⵉⵖⵔⴰⵏ ⵓⵎⴰⵡⵙⴰⵙ ⵏ ⵉⴳⵏⵙⵓ, ⵎⵓⵃⵎⵎⴷ ⵃⵚⵚⴰⴹ, ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵜⵔⴰ ⵜⵎⵙⴷⴷⵓⵔⵜ ⵏ ⵜⵉⵍⴰⵍⵜ ⴰⴷ ⴰⴷ ⵙⴷⵓⵙⵏ ⵏ ⵓⵙⵎⵎⵣⴷⵉ, ⴰⴼⴰⴷ ⴰⴷ « ⵙⵙⵕⵚⴰⵏⵜ ⵜⵉⵙⵜⵔⴰⵜⵉⵊⵉⵏ ⵉⵎⵙⵏⴼⵍⵓⵍⵏ ⵉⵥⴹⴰⵕⵏ ⴰⴷ ⵉⵎⵓⵏ ⴷ ⵉⵙⵏⴼⵍⵏ ⵉⵍⵍⴰⵏ ⴷ ⴰⴷ ⵉⵔⴰⵔ ⵉ ⵉⵣⵓⵛⵛⵍⵏ ⵏ ⵓⵙⴷⵓⵙ ⵏ ⵜⵏⴰⴳⵔⵉⵜ ⴷ ⵓⵔⴳⴳⵉⴳ ⴰⵏⴰⵎⵓⵏ ».

ⵉⵙⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⵉⵙ ⵓⵔ ⵓⴱⵖⵉⵔⵏⵜ ⵜⵉⵙⵔⵜⵉⵏ ⵏ ⵜⵏⴼⵔⵓⵜ ⵉⵅⴰⵜⴰⵔⵏ ⴷ ⵏ ⵜⵉⴳⴰⵡⵉⵏ ⵉⵕⵡⴰⵏ ⵉⴳ ⵓⵔ ⵜⵍⵍⵉ ⵜⴷⵔⴰⵡⵜ ⵏ ⵓⵏⵎⵓⵔⵉ ⴷ ⵓⴼⵔⴰⴽ ⵏⵏⵙ ⵉⵙ ⵉⵟⵟⴰⴼ ⵢⴰⵜ ⵜⵉⵍⴰⵍⵜ ⵉⵅⴰⵜⴰⵔⵏ ⵅⴼ ⵓⵙⴷⵓⵙ ⵏ ⵜⵏⴼⵔⵓⵜ, ⴷ ⵜⴰⴷⵔⴰⵡⵜ ⵏⵏⵙ ⵜⵕⵡⴰⵏ ⴳ ⵜⵉⵣⵉⴳⵣⵜ ⵏ ⵜⵉⴳⵎⵉ.

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵉⵙ ⵉⴳⴰ ⵡⴰⵎⵥ ⵏ ⵜⴻⵏⵜⵜⴰⵎⵜ ⵏ ⵜⵏⴼⵔⵓⵜ ⵜⴰⵄⵕⴰⴱⵜ ⵓⵔ ⵜⵥⴹⴰⵕ ⴰⴷ ⵜⵉⵍⵉ ⵉⵖ ⵓⵔ ⵉⵍⵍⵉ ⵢⴰⵏ ⵓⵏⵏⴰⵢ ⴰⵄⵕⴰⴱ ⵉⵛⵛⴰⵔⵏ.

Dernière modification : 12 ⵎⴰⵕⵚ 2014

Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B4%B3-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%9C%E2%B5%A1%E2%B4%B0%E2%B5%8D%E2%B4%B0-%E2%B5%9C%E2%B5%89%E2%B5%99%E2%B5%99-31-%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99%E2%B5%8F#comment-0