Published on MAPNews (https://www.mapnews.ma/am)

Accueil > ⴰⵙⵉⵡⴹ ⴰⵏⵎⵣⴷⵉ ⵉⵥⵕⵉⴳⵏ ⴷⴼⴼⵉⵔ ⵏ ⵓⵔⵣⴰⴼ ⵏ ⵜⵡⵓⵔⵉ ⴷ ⵏ ⵜⴳⵎⴰⵜ ⵍⵍⵉ ⵢⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵍⴳⴰⴱⵓⵏ
  1. Accueil
  2. Activités royales

ⴰⵙⵉⵡⴹ ⴰⵏⵎⵣⴷⵉ ⵉⵥⵕⵉⴳⵏ ⴷⴼⴼⵉⵔ ⵏ ⵓⵔⵣⴰⴼ ⵏ ⵜⵡⵓⵔⵉ ⴷ ⵏ ⵜⴳⵎⴰⵜ ⵍⵍⵉ ⵢⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵍⴳⴰⴱⵓⵏ

07 ⵎⴰⵕⵚ 2014 Version Imprimable
ⵍⵉⴱⵔⵓⴼⵉⵍ - ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵙⴳ 5 ⴰⵔ 8 ⵎⴰⵕⵚ ⴰⴷ, ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⴷ ⵏ ⵜⴳⵎⴰⵜ ⵉ ⵍⴳⴰⴱⵓⵏ, ⴷⴼⴼⵉⵔ ⵏ ⵖⵉⴽⴰⵏ ⵥⵕⴳⵏ ⵢⴰⵏ ⵓⵙⵉⵡⴹ ⴰⵏⵎⵣⴷⵉ.

ⴰⵎⵎⴰⵙ ⵏ ⵉⵙⵓⵡⴹ ⴰⴷ, ⵉⵙⴷⴷⵉⴷ ⵍⵎⵖⵔⵉⴱ ⴷ ⵍⴳⴰⴱⵓⵏ ⵜⴰⵎⵙⴷⴷⵓⵔⵜ ⵏ ⵓⵙⵙⵕⵚⴰ ⵏ ⵢⴰⵏ ⵓⵙⵇⵇⵉⵎ ⴰⵙⵉⵏⵔⴰⵏ ⵏ ⵜⵉⵎⵙⴰⵔⵉⵏ ⴰⴼⴰⴷ ⴰⴷ ⵉⵙⴷⵓⵙ ⵓⵎⵢⴰⵡⴰⵙ ⴰⴷⵎⵙⴰⵏ.

ⵉⵏⵏⴰ ⵙⵓⵍ ⵓⵙⵉⵡⴹ ⵉⵙ ⵙⵙⵉⵅⴼⵏ ⵙⵉⵏ ⵉⵏⵙⵙⵉⵅⴼⵏ ⵏ ⵓⵡⴰⵏⴽ ⴳ ⵍⵉⴱⵔⵓⴼⵉⵍ ⵢⴰⵜ ⵜⵉⵖⵉⵎⵉⵜ ⵜⴰⵎⵇⵔⴰⵏⵜ ⴳ ⵎⴰⵏⵉ ⵙⴳⵎⴹⵏ ⴰⵎⵙⴰⵙⴰ ⴳⵔ ⵙⵉⵏ ⵏ ⵉⵡⴰⵏⴽⵏ, ⵎⴰⵢⴰⴷ ⵉⵙⵔⵙⵏ ⵢⴰⵜ ⵜⵎⴷⵔⴰⵡⵜ ⵜⴰⵙⵟⵕⴰⵜⵉⵊⵉⵜ ⴳ ⵉⴳⵔ ⵏ ⵜⵎⴳⵓⵔⵉ ⵏ ⵉⵙⴱⵍⴰⵙⵏ ⴷ ⵏ ⵜⵎⴳⵓⵔⵉ ⵢⵣⴷⵉⵏ.

ⵣⵓⵍⵏ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⴳⵍⵉⴷ ⴷ ⵓⵏⵙⵙⵉⵅⴼ ⵄⵍⵉ ⴱⵓⵏⴳⵓ ⴰⵙⴳⵔⴰⵡ ⴰⴷⵎⵙⴰⵏ, ⴳ ⵎⴰⵏⵉ ⵙⴳⵎⴹⵏ ⵎⵏⵏⴰⵡ ⵏ ⵉⵎⵙⴰⵙⴰⵏ ⴷ ⵜⵉⵎⵢⴰⵇⵇⴰⵏⵉⵏ ⴳ ⵎⵏⵏⴰⵡ ⵏ ⵉⴳⵔⵏ ⵣⵓⵏⴷ ⵜⴰⴼⵍⴰⵃⵜ ⴷ ⵜⴰⴷⵓⵙⵉ ⴷ ⴰⵣⴷⴷⵓⵖ ⴷ ⴰⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵉⴳⵔ ⴰⵥⵕⴼⴰⵏ ⴷ ⴰⴱⴰⵏⴽⵉ ⴷ ⵏ ⵜⵉⴽⵏⵓⵍⵓⵊⵉⵜⵉⵏ ⵜⵉⵎⴰⵢⵏⵓⵜⵉⵏ ⴷ ⴰⵙⵙⴰⵢ ⴷ ⵜⴰⵎⴰⵍⵍⴰⵢⵜ, ⴰⴼⴰⴷ ⴰⴷ ⵉⵙⴷⵓⵙ ⴰⵙⴰⵜⵉ ⴰⵣⵔⴼⴰⵏ ⵏ ⵓⵎⵢⴰⵡⴰⵙ ⴳⵔ ⵙⵏⴰⵜ ⵏ ⵜⵎⵉⵣⴰⵔ ⴰⴷ.

ⴱⵍⴰ ⵏ ⵖⵉⴽⴰⵏⵏ, ⵜⵎⵍⴰ ⴷⴰⵖ ⵜⴳⴷⵓⴷⴰⵏⵜ ⵏ ⵍⴳⴰⴱⵓⵏ ⴰⵏⵏⴰⵍ ⵏⵏⵙ ⴰⵏⴱⴷⴷⴰⵏ ⵉ ⵜⴰⵎⵖⵔⵉⴱⵉⵜ ⵏ ⵚⵚⵃⵕⴰ ⴷ ⵉ ⵜⵣⴷⴳⵉ ⵜⴰⵎⵓⵔⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.

ⵎⵍⴰⵏ ⴷⴰⵖ ⵍⵎⵖⵔⵉⴱ ⴷ ⵍⴳⴰⴱⵓⵏ ⴰⵇⵇⵏ ⵏⵏⵙⵏ ⵉ ⵢⵣⵔⴼⵏ ⵉⵡⴰⵔⴰⵙⵢⴰⴷⵏ ⵏ ⵓⴳⴷⵓⴷ ⴰⴼⴰⵍⴰⵚⵟⵉⵏⵉ ⵙ ⵢⴰⵏ ⵓⵡⴰⵏⴽ ⴰⵎⵏⵉⴳⴰⴽ, ⴳ ⵉⵡⵓⵜⵜⴰ ⵏ 1967, ⵎⴰⵢⴰⴷ ⵉⴳⴰⵏ ⵜⴰⵎⴰⵥⵓⵏⵜ ⵏⵏⵙ ⵍⵇⵓⴷⵙ ⵛⵛⴰⵔⵉⴼ.

ⵎⵍⴰⵏ ⴷⴰⵖ ⵍⵎⵖⵔⵉⴱ ⴷ ⵍⴳⴰⴱⵓⵏ ⴰⵇⵇⵏ ⵏⵏⵙⵏ ⵉⵎⵇⵇⵓⵔⵏ ⵉ ⵜⵏⴰⴳⵔⵉⵜ ⴷ ⵜⵏⴼⵔⵓⵜ ⴷ ⴰⵔⴳⴳⵉⴳ ⴳ ⵜⴰⴳⴷⵓⴷⴰⵏⵜ ⵏ ⵓⵎⵎⴰⵙ ⵏ ⵉⴼⵔⵉⵇⵢⴰ. ⵖⵔⴰⵏ ⵖ ⵖⵉⴽⴰⵏ ⵉ ⵜⵉⵙⵎⵙⴽⴰⵔⵉⵏ ⵜⵉⵎⴰⵢⵏⵓⵜⵉⵏ ⴰⴷ ⵃⵟⵟⵓⵏ ⵜⴰⵏⴰⴳⵔⵉⵜ ⵜⵓⵖⵔⵉⵎⵜ ⴷ ⴰⵎⵙⴰⵡⴰⵍ ⴰⵙⵔⵜⴰⵏ ⴳⵔ ⴽⵓⵍⵍⵓ ⵜⴰⴳⴳⴰⵍⵉⵏ ⵏ ⵓⵎⵎⴰⵙ ⵏ ⵉⴼⵔⵉⵇⵢⴰ, ⴷⴼⴼⵉⵔ ⵏ ⵉⵎⵙⴰⵙⴰⵏ ⵏ ⵍⵉⴱⵔⵓⴼⵉⵍ ⵏ 11 ⵉⵏⵏⴰⵢⵔ 2013.

Dernière modification : 07 ⵎⴰⵕⵚ 2014
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B4%B0%E2%B5%8F%E2%B5%8E%E2%B5%A3%E2%B4%B7%E2%B5%89-%E2%B5%89%E2%B5%A5%E2%B5%95%E2%B5%89%E2%B4%B3%E2%B5%8F-%E2%B4%B7%E2%B4%BC%E2%B4%BC%E2%B5%89%E2%B5%94-%E2%B5%8F-%E2%B5%93%E2%B5%94%E2%B5%A3%E2%B4%B0%E2%B4%BC-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89-%E2%B4%B7-%E2%B5%8F-%E2%B5%9C%E2%B4%B3%E2%B5%8E%E2%B4%B0%E2%B5%9C-%E2%B5%8D%E2%B5%8D%E2%B5%89-%E2%B5%A2%E2%B5%99%E2%B4%BD%E2%B5%94-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%99#comment-0