ⵉⵥⵥⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ ⴷ ⵓⵏⵙⵙⵉⵅⴼ ⴰⴳⴰⴱⵓⵏⵉ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⵖ ⵜⵎⵣⴳⵉⴷⴰ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⵖ ⵍⵉⴱⵔⴼⵉⵍ

07 ⵎⴰⵕⵚ 2014 Version Imprimable

ⵍⵉⴱⵔⴼⵉⵍ - ⵉⵥⵥⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ ⴷ ⵓⵏⵙⵙⵉⵅⴼ ⴰⴳⴰⴱⵓⵏⵉ ⵎⴰⵙⵙ ⵄⴰⵍⵉ ⴱⴰⵏⴳⵓ ⵓⵏⴷⵉⵎⴱⴰ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⵖ ⵜⵎⵣⴳⵉⴷⴰ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⵖ ⵍⵉⴱⵔⴼⵉⵍ, ⵍⵍⵉ ⵜⵙⵎⴰⵢⵏⵓ ⵜⵎⴰⵡⵙⴰⵙⵜ ⵏ ⵉⵙⴽⴽⵉⵏⵏ ⵏ ⵍⵉⵙⵍⴰⵎ ⵖⵎⴽⵍⵍⵉ ⵙ ⵏⵏⴰⵏ ⵉⵙⵡⴰⵍⴰⵜ ⵢⴰⵜⵜⵓⵢⵏ.

ⵉⵏⵏⴰ ⵍⵉⵎⴰⵎ ⵖ ⵜⵉⵏⴰⵡⵜ ⵏⵏⵙ ⵎⴰⵙ ⵉⵙⵉⵎⵖⵓⵔ ⴱⴰⴱ ⵏ ⵉⴳⵏⵡⴰⵏ ⵜⵓⴳⵉⵡⵉⵏ ⵏⵏⵙ ⵙ ⴽⵓⵍⵍⵓ ⵎⴰⴷ ⵉⵥⵉⵍⵏ, ⵍⵍⵉⵖ ⴰⵙⵏ ⵢⵓⵣⵏ ⴰⵔⵇⵇⴰⵙⵙⵉⴷⵏⴰ ⵎⵓⵃⵎⵎⴷ ⵜⴰⵥⴰⵍⵍⵉⵜ ⴷ ⵡⴰⵣⵓⵍ ⴼⵍⵍⴰⵙ. ⵢⵓⵣⵏⵜ ⵕⴱⴱⵉ ⴰⴷ ⵉⴳ ⵕⵕⵃⵎⵜ, ⵣⵓⴷ ⵜⵉⴼⴰⵡⵜ, ⵉⵏⵀⵍ ⵜ ⵍⵇⵓⵕⴰⵏ ⴰⴼⴰⴷ ⴰⴷ ⵉⵎⵍ ⴰⵙⵍⴳⵏ ⵏ ⴱⴰⴱ ⵏ ⵉⴳⵏⵡⴰⵏ ⵖ ⵓⵎⴰⴹⴰⵍ.

ⵉⵏⵏⴰ ⵍⵉⵎⴰⵎ ⵉⵙ ⵉⵅⵚⵚⴰ ⴰⴷ ⵉⵖⴰⵎⴰ ⵓⵎⵓⵎⵏ ⵉⵣⴷⵉ ⴷ ⵓⵖⴰⵔⴰⵙ ⴰⴷ ⵉⴼⴰⵡⵏ, ⴷ ⴰⵙ ⵜⵜ ⵓⵔ ⵢⴰⵡⵉ ⵖ ⵜⵓⵎⵔⵜ ⵓⵍⴰ ⵖ ⴳⴰⵔ ⴰⵣⵎⵣ, ⵓⵍⴰ ⵉⵍⴽⵎ ⵉⵖⴰⵔⴰⵙⵏ ⵍⵍⵉ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⵜⵜⵏ ⵓⵔ ⵉⵍⴽⵎ.

ⵖ ⵜⴳⴰⵔⴰ ⵏ ⵜⵉⵏⴰⵡⵜ, ⵉⵜⵜⵔ ⵍⵉⴰⵎ ⴰⴷ ⵉⵏⵀⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⴰⴷ ⴰⵙ ⵉⴼ ⴰⵙⵓⵔⴼ ⵉⵙⴷⵓⵙ ⴰⵙⴳⴷ ⵏⵏⵙ.

ⴷⴼⴼⵉⵔ ⵏ ⵜⵥⴰⵍⵍⵉⵜ , ⵉⴼⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⵢⴰⵜ ⵜⵉⴽⴽⵉ ⵏ 10.000 ⵏ ⵓⴷⵍⵉⵙ ⵏ ⵍⵇⵓⵕⴰⵏ ⵉ ⵍⴳⴰⴱⵓⵏ, ⵍⵍⵉ ⵔⴰⴷ ⵉⵜⵜⵓⴱⴹⴰ ⵅⴼ ⵎⵏⵏⴰⵡ ⵜ ⵜⵎⵣⴳⵉⴷⵉⵡⵉⵏ ⵏ ⵜⵎⴰⵣⵉⵔⵜ ⴰⴷ.

Dernière modification : 07 ⵎⴰⵕⵚ 2014

Source URL: https://www.mapnews.ma/am/activites-royales/%E2%B5%89%E2%B5%A5%E2%B5%A5%E2%B5%93%E2%B5%8D-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B7-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B4%B3%E2%B4%B0%E2%B4%B1%E2%B5%93%E2%B5%8F%E2%B5%89-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B5%96#comment-0