Published on MAPNews (https://www.mapnews.ma/am)

Accueil > ⵉⵔⵣⴼ ⴱⴰⴱ ⵏ ⵡⴰⴷⴷⵓⵔ ⴰⵙⴳⵏⴰⴼ ⵏ ⵓⵙⴰⴼⴰⵔ ⴷ ⵏ ⵓⴼⵍⴰⵢ ⴰⵎⵖⵔⵉⴱⵉ ⵉⵍⵍⴰⵏ ⴳ ⴽⵓⵏⴰⴽⵔⵉ
  1. Accueil
  2. Activités royales

ⵉⵔⵣⴼ ⴱⴰⴱ ⵏ ⵡⴰⴷⴷⵓⵔ ⴰⵙⴳⵏⴰⴼ ⵏ ⵓⵙⴰⴼⴰⵔ ⴷ ⵏ ⵓⴼⵍⴰⵢ ⴰⵎⵖⵔⵉⴱⵉ ⵉⵍⵍⴰⵏ ⴳ ⴽⵓⵏⴰⴽⵔⵉ

04 ⵎⴰⵕⵚ 2014 Version Imprimable
ⴽⵓⵏⴰⴽⵔⵉ - ⵉⵔⵣⴼ ⴱⴰⴱ ⵏ ⵡⴰⴷⴷⵓⵔ ⴰⵙⴳⵏⴰⴼ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵢⴰⴷ ⵉⵎⴰⵏⵏ ⴷ ⵓⵏⵙⵙⵉⵅⴼ ⴰⵖⵉⵏⵉ, ⵎⴰⵙⵙ ⴰⵍⴼⴰ ⴽⵓⵏⴷⵉ, ⴰⵙⵙ ⵏ ⵓⵙⵉⵏⴰⵙ, ⴰⵙⴳⵏⴰⴼ ⴰⵄⵚⴽⵕⵉ ⵏ ⵓⵙⴰⴼⴰⵔ ⴷ ⵏ ⵓⴼⵍⴰⵢ ⴰⵎⵖⵔⵉⴱⵉ ⵉⵍⵍⴰⵏ ⴳ ⴽⵓⵏⴰⴽⵔⵉ, ⴳ ⵓⵙⴰⵜⵉ ⵏ ⵉⵎⵢⴰⵙⵙⴰⵏ ⵏ ⵜⵉⵎⴷⴷⵓⴽⵍⴰ ⴷ ⵜⴳⵎⴰⵜ ⴷ ⵜⴱⴷⴰⴷⵜ ⴳⵔ ⵉⴳⴷⵓⴷⵏ ⴰⵎⵖⵔⵉⴱⵉ ⴷ ⴰⵖⵉⵏⵉ.

ⵍⵍⵉⵖ ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⵉ ⵡⴷⵖⴰⵔ ⴰⴷ, ⵉⵣⵓⵍ ⵜ ⵍⵊⵉⵏⵉⵕⴰⵍ ⴷⵓ ⴽⵓⵕ ⴷⴰⵕⵎⵉ, ⵄⵏⴷⵍⵄⵣⵉⵣ ⴱⵏⵏⴰⵏⵉ, ⴰⵎⴳⴳⵉⵡⵙ ⴰⵎⴰⵜⴰⵢ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴰⵎⵇⵇⵔⴰⵏ ⵏ ⵓⴷⵖⴰⵔ ⵏ ⵉⴼⴼⵓⵙ, ⴷ ⵓⵎⴰⵡⵙⴰⵙ ⵏ ⵜⴷⵓⵙⵉ, ⵍⵃⵓⵙⵉⵏ ⵍⵡⵕⴷⵉ, ⴷ ⵓⵎⴰⵡⵙⴰⵙ ⴰⵖⵉⵏⵉ ⵏ ⵜⴷⵓⵙⵉ, ⵔⵉⵎⵉ ⵍⴰⵎⴰ, ⴷ ⵍⴽⵓⵍⵓⵏⵉⵍ ⵎⴰⵊⵓⵕ ⵇⴰⵙⵉⵎⵉ ⵀⴰⵛⵉⵎⵉ, ⴰⵎⵙⴳⵏⴰⴼ ⴰⵎⵇⵇⵔⴰⵏ ⵏ ⴰⵙⴳⵏⴰⴼ ⵏ ⵓⵙⴰⴼⴰⵔ ⴷ ⵏ ⵓⴼⵍⴰⵢ ⴰⵎⵖⵔⵉⴱⵉ.


ⴷⴼⴼⵉⵔ ⵏ ⵖⵉⴽⴰⵏⵏ, ⵉⵙⵙⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵎⵙⵓⵍⵜ ⵜⴰⵜⵉⵇⵏⵉⵜ ⵏ ⵓⵙⴳⵏⴰⴼ ⴰⴷ, ⵏ ⵉⵎⴰⵙⵙⵏ ⵉⵜⵔⴰⵔⵏ ⵏⵏⵙ, ⴷ ⵏ ⵜⵉⵏⴰⴼⵓⵜⵉⵏ ⵉⵅⴰⵜⴰⵔⵏ ⵍⵍⵉ ⵓⴼⴽⴽⴰ ⵉ ⵢⵎⵣⴷⴰⵖⵏ ⵉⵖⵉⵏⵉⵏ.

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⵍⵉ ⵢⵎⴰⵏⵏ ⴷ ⵓⵏⵙⵙⵉⵅⴼ ⴰⵖⵉⵏⵉ, ⵉⵙⴽⵔ, ⴷⴼⴼⵉⵔ ⵏ ⵖⵉⴽⴰⵏⵏ, ⵢⴰⵜ ⵜⵓⵜⵜⵉⵢⵜ ⴰⵎⵎⴰⵙ ⵏ ⵜⵉⵏⴰⴼⵓⵜⵉⵏ ⵏ ⵉⵙⴳⵏⴰⴼ, ⴷⴰⵜ ⴰⴷ ⵢⴰⵎⵥ ⵢⴰⵜ ⵜⵡⵍⴰⴼⵜ ⵏ ⵓⴽⵜⵜⴰⵢ ⴷ ⵓⴳⴰⵍⵓⴼ ⵏ ⵓⵙⴳⵏⴰⴼ.

ⴰⵙⴳⵏⴰⴼ ⴰⴷ ⵉⵟⵟⴰⴼ ⴰⵙⴰⵔⵎ ⵏ ⵓⵙⴼⵙⵉ, ⴷ ⵜⴰⴷⴰⵍⴰ ⵏ ⵓⴼⵍⴰⵢ, ⴷ ⵢⴰⵜ ⵜⴰⵙⴰⵙⴼⵔⵜ ⵜⴰⵎⵇⵔⴰⵏⵜ. ⵉⵙⵙⵓⵜⵉ ⵜ ⵢⴰⵏ ⵓⴳⴰⵍⵓⴼ ⵏ 100 ⵓⴼⴳⴰⵏ, ⵍⵍⴰⵏ ⴳ ⵉⵜⵙⵏ ⵉⴹⴱⵉⴱⵏ ⵉⵎⵥⵍⴰⵢⵏ ⴷ ⵉⵏⵙⵎⴰⴳⴰⵍⵏ ⴷ ⵢⴰⵜ ⵜⵔⴰⴱⴱⵓⵜ ⵏ ⵓⵏⵏⴰⵍ. ⵉⵟⵟⴰⴼ ⵉⵙⴳⵏⴰⴼ ⴰⴷ ⵢⴰⵜ ⵜⴰⵥⵥⵉⴹⵕⴰ ⵏ ⵓⵙⵏⵉⴱⴱⴳ ⵏ 40 ⵜⵉⵙⵉ.

Dernière modification : 04 ⵎⴰⵕⵚ 2014
Source URL: https://www.mapnews.ma/am/activites-royales/%E2%B5%89%E2%B5%94%E2%B5%A3%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B5%99%E2%B4%B3%E2%B5%8F%E2%B4%B0%E2%B4%BC-%E2%B5%8F-%E2%B5%93%E2%B5%99%E2%B4%B0%E2%B4%BC%E2%B4%B0%E2%B5%94-%E2%B4%B7-%E2%B5%8F-%E2%B5%93%E2%B4%BC%E2%B5%8D%E2%B4%B0%E2%B5%A2-%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89-%E2%B5%89%E2%B5%8D%E2%B5%8D%E2%B4%B0%E2%B5%8F-%E2%B4%B3-%E2%B4%BD%E2%B5%93%E2%B5%8F%E2%B4%B0%E2%B4%BD%E2%B5%94%E2%B5%89#comment-0