ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴰⴱⵉⴷⵊⴰⵏ ⵉ ⵜⵉⵡⵓⵔⵉⵡⵉⵏ ⵏ ⵓⵙⵓⴼⵖ ⵏ ⵢⴰⵏ ⵓⵙⵓⵏ ⵏ ⵜⴳⵎⵔⵜ

28 ⴱⵕⴰⵢⵕ 2014 Version Imprimable

ⴰⴱⵉⴷⵊⴰⵏ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵓⵙⵙ ⵚⴹⵉⵚ, ⵍⵍⵉ ⵢⵎⴰⵏⵏ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵉⴼⵡⴰⵔⵉ, ⵎⴰⵙⵙ ⴹⴰⵏⵢⵉⵍ ⴽⴰⴱⵍⴰⵏ ⴹⴰⵏⴽⴰⵏ, ⴰⵙⵙ ⵏ ⵓⵙⵉⵎⵡⴰⵙ ⴰⵎⵎⴰⵙ ⵏ ⵍⵓⴽⵓⴷⵊⵓⵕⵓ (ⵜⴰⴳⵔⴰⵡⵜ ⵏ ⴰⵜⵉⴽⵓⴱⵉ, ⴰⴱⵉⴷⵊⴰⵏ ⵏ ⵉⵥⵥⵍⵎⴹ), ⵜⵉⵡⵓⵔⵉⵡⵉⵏ ⵏ ⵓⵙⵓⴼⵖ ⵏ ⵢⴰⵏ ⵓⵙⵓⵏ ⵏ ⵜⴳⵎⵔⵜ, ⵎⴰⵢⴰⴷ ⵉⴳⴰⵏ ⴰⵜⵉⴳ ⵏⵏⵙ18 ⵓⵎⵍⵢⵓⵏ ⵏ ⴷⴷⵔⵀⵎ.

ⴰⵙⵏⵜⵉ ⴰⴷ ⵉⵔⴰ ⴷ ⵉⴷⵔⵓ ⴳ ⵓⵙⵖⵓⴷⵓ ⵏ ⵉⴳⵔ ⵏ ⵜⴳⵎⵔⵜ ⵏ ⵜⵏⵉⴹⵉ, ⵙ ⵓⵙⴼⴰⵍⴽⵉ ⵏ ⵜⵖⴰⵔⴰ ⵏ ⵓⵢⴰⴼⵓ ⴷ ⵜⵏⴽⵔⴰ ⵙ ⵜⴼⴰⴷⵉⵡⵉⵏ ⵏ ⵜⵓⴷⵔⵜ ⴷ ⵜⵡⵓⵔⵉ ⵏ ⵉⵏⴳⵎⴰⵔⵏ ⴷ ⵜⵎⵖⴰⵔⵉⵏ ⵍⵍⵉ ⵢⵉⵙⵡⵓⵔⵉⵏ ⵖ ⵉⴳⵔ ⴰⴷ.

ⵉⴽⴽⴰⵜⵜⵉⵏ ⵓⵙⵏⵜⵉ ⴰⴷ ⵏ ⵜⴳⵎⵔⵜ ⵉⵜⵜⵓⵙⴳⵎⴹ ⵖ ⵢⴰⵜ ⵜⵎⵢⴰⵇⵇⴰⵏⵜ ⴰⵙⵙ ⵏ ⵓⵙⵉⵏⴰⵙ ⵉⵣⵔⵉⵏ ⵖ ⴰⴱⵉⴷⵊⴰⵏ. ⵙⴳⵎⴹⵏ ⵜ ⵎⵏⵏⴰⵡ ⵏ ⵉⵎⴰⵡⵙⴰⵙⵏ ⵏ ⵍⵎⵖⵔⵉⴱ ⴷ ⵡⵉⵏ ⵍⴽⵓⵜ ⴷ ⵉⴼⵡⴰⵔ.

ⵉⴳⴰ ⵜⴰⵎⴰⵜⴰⵔⵜ ⵏ ⵓⵎⵢⴰⵡⴰⵙ ⵉⴼⴼⵓⵙ/ⵉⴼⴼⵓⵙ, ⴰⵔ ⵉⵎⵎⴰⵍ ⵜⵉⵔⴰⵜ ⵏ ⵍⵎⵖⵔⵉⴱ ⴰⴷ ⵉⴹⴼⵕ ⵜⵉⴳⵎⵉ ⵜⴰⴷⴰⵎⵙⴰⵏⵜ ⴷ ⵜⵉⵏ ⵡⴰⵎⵓⵏ ⵏ ⵍⴽⵓⵜ ⴷⵉⴼⵡⴰⵔ, ⵖ ⵓⵙⴰⵜⵉ ⵏ ⵢⴰⵏ ⵓⵎⵢⴰⵡⴰⵙ ⵍⵍⵉ ⵢⵉⵎⵎⴰⵍⵏ ⵜⵉⵔⴰⵜ ⵉⴳⴳⵓⵜⵏ ⵏ ⵍⵎⵖⵔⵉⴱ ⴰⴷ ⵉⵙⴷⵔⵓ ⴰⵏⴰⵡ ⵏ ⵜⵎⴷⵔⴰⵡⵜ ⴰⴷ.

ⵙ ⵓⵣⵎⵓⵣⵣⵓ ⵢⴰⴷ, ⵉⴼⴽⴰ ⵓⵏⴱⴷⴰⴷ ⵏ ⵉⵎⵖⴰⵔⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵜⵔⵣⵣⵉⴼⵉⵏ ⵉⴷⵄⵓ ⵉ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⴼⴰⵍⴽⵉ ⵓⵙⵏⵜⵉ ⴰⴷ.

Dernière modification : 28 ⴱⵕⴰⵢⵕ 2014

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B4%B0%E2%B4%B1%E2%B5%89%E2%B4%B7%E2%B5%8A%E2%B4%B0%E2%B5%8F-%E2%B5%89-%E2%B5%9C%E2%B5%89%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%93%E2%B5%99%E2%B5%93%E2%B4%BC%E2%B5%96-%E2%B5%8F-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B5%93%E2%B5%8F-%E2%B5%8F-%E2%B5%9C%E2%B4%B3%E2%B5%8E%E2%B5%94%E2%B5%9C#comment-0