ⴰⵙⵏⵜⵉ « ⵜⵉⵣⴷⵓⵖⵉⵏ ⵏ ⴰⴽⵡⴰⴱⴰ » ⵉⵙⵎⴰⵏ ⵢⴰⵏ ⵓⵙⵙⴰⵔⵓ ⵏ ⵍⴰⵃⵡⴰⵍ ⵏ 2 ⵓⵎⵍⵢⴰⵕ ⵏ ⴷⴷⵔⵀⵎ ⴷ ⵢⵓⵎⵥ ⵢⴰⵏ ⵓⵙⴰⵢⵔⴰⵔ ⵏ 65 ⴰⵀⵉⴽⵜⴰⵕ. ⴰⵎⵎⴰⵙ ⵏ ⵓⵏⵙⵜⵉ ⵢⴰⴷ, ⵔⴰⴷ ⵉⵜⵜⵓⵚⴽⴰⵏ 7.800 ⵉⵣⴷⴷⵓⵖⵏ ⵉⴷⵎⵙⴰⵏ ⴷ ⵉⵏⴰⵎⵓⵏⵏ, ⵓⵍⴰ ⵎⵏⵏⴰⵡ ⵏ ⵉⵎⴰⵙⵙⵏ ⵏ ⵡⴰⴷⴰⵙ (ⴰⵎⵎⴰⵙ ⴰⵏⵙⴱⴰⴱ, ⵜⵉⵏⵎⵍ, ⴰⵙⵉⵏⴰⵏ ⵏ ⵓⵙⵎⵓⵜⵜⴳ, ⴰⵎⵎⴰⵙ ⴰⴷⵍⵙⴰⵏ, ⴰⵎⵎⴰⵙ ⴰⵎⵙⵙⵓⴳⵓⵔ, ⴰⵙⴰⵔⴰⵙ ⵏ ⵍⴱⵓⵍⵉⵙ).
ⴰⵙⵏⵜⵉ ⵏ ⵜⵓⵚⴽⴰⵡⵉⵏ ⴰⴷ, ⵍⵍⵉ ⵔⴰⴷ ⵢⴰⵊ ⵉⵎⵣⴷⴰⵖⵏ ⵏ ⴰⴱⵉⴷⵊⴰⵏ, ⵙⵍⴰⵡⴰⵏ ⴰⴽⴽⵯ ⵡⵉⵏⵏ ⵍⵍⵉ ⵓⵔ ⵙⵙⴽⵛⴰⵎⵏ ⵉⵇⵇⴰⵕⵉⴷⵏ ⴳⴳⵓⵜⵏⵉⵏ, ⴰⴷ ⵟⵟⴼⵏ ⵢⴰⵏ ⵓⵣⴷⴷⵓⵖ ⵉⵄⴷⵍⵏ ⴷ ⵉⴼⵓⵍⴽⵉⵏ, ⴷ ⵔⴰⴷ ⵉⵜⵜⵓⵙⴽⴰⵔ ⴳ 3 ⵉⵣⵎⴰⵣ ⴳ ⵓⵣⵎⵣ ⵏ 5 ⵉⵙⴳⴳⵯⴰⵙⵏ ⴷ ⵔⴰⴷ ⵉⵙⵙⴱⵖⵔ 70.000 ⵓⵎⵣⴷⴰⵖ.
ⵉⴽⵛⵎ ⵓⵙⵏⵜⵉ ⵢⴰⴷ ⴳ ⵢⴰⵏ ⵓⵖⴰⵡⴰⵙ ⴰⵖⵣⵓⵔⴰⵏ ⵏ ⵜⵓⵚⴽⴰ ⵍⵍⵉ ⵢⵙⴽⵔ ⵓⴳⵔⴰⵡ ⵏ « ⴰⵍⵢⴰⵏⵚ » ⵎⴰⵢⴰⴷ ⵔⴰⴷ ⵓⴱⵏⵓⵏ 10.000 ⵓⵣⴷⴷⵓⵖ ⴰⵏⴰⵎⵓⵏ ⴷ 4.000 ⵓⵣⴷⴷⵓⵖ ⵏ ⵓⵙⵡⵉⵔ ⴰⵏⴰⵎⵎⴰⵙⴰⵡ ⴷ ⴰⵎⴰⵜⵜⴰⵢ ⴰⵎⵎⴰⵙ ⵏ ⵍⵎⵓⵇⴰⵜⴰⵄⴰ ⵏ ⴰⴱⵉⴷⵊⴰⵏ, ⵎⴰⵢⴰⴷ ⵉⴳⴰⵏ ⵓⵙⴽⴽⵉⵏ ⵏ ⵜⵎⵢⴰⵇⵇⴰⵏⵜ ⴳⵔ ⵓⴳⵔⴰⵡ ⴷ ⵓⵡⴰⵏⴽ ⵉⴼⵡⴰⵔⵉ.
ⴳ ⵓⵣⵎⵣⵣⵓ ⵢⴰⴷ, ⵢⵙⵏⵉⵎⵎⵔ ⵍⵄⴰⵎⵉⴷ ⵏ ⵍⴰⵄⵢⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵉⵔⵜⵓ ⴰⴷ ⵉⵎⵓⵔ ⵓⵙⵏⵜⵉ, ⴷⴰⵜ ⴰⴷ ⵉⴼⴽ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵔⵣⵣⵉⴼⵜ.