ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵖ ⴰⴱⵉⴷⵊⴰⵏ ⵜⴰⴼⵓⴳⵍⴰ ⵏ ⵜⵓⵇⵏⴰ ⵏ ⵓⵙⴳⵔⴰⵡ ⴰⴷⴰⵎⵙⴰⵏ ⴳⵔ ⵍⴽⵓⵜ ⴷⵉⴼⵡⴰⵔ ⴷ ⵍⵎⵖⵔⵉⴱ

25 ⴱⵕⴰⵢⵕ 2014 Version Imprimable

ⴰⴱⵉⴷⵊⴰⵏ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜⵉⵏⵚⵕ ⵕⴱⴱⵉ, ⵍⵍⵉ ⵢⵉⵎⵓⵏⵏ ⴷ ⵓⵎⴰⵡⵙⴰⵙ ⵏ ⵜⴳⴷⵓⴷⴰⵏⵜ ⵏ ⵍⴽⵓⵜ ⴷⵉⴼⵡⴰⵔ ⵎⴰⵙⵙ ⴹⴰⵏⵢⵉⵍ ⴽⴰⴱⵍⴰⵏ ⴷⵓⵏⴽⴰⵏ, ⴰⵙⵙ ⵏ ⵓⵙⵉⵏⴰⵙ ⵖ ⴰⴱⵉⴷⵊⴰⵏ, ⵜⴰⴼⵓⴳⵍⴰ ⵏ ⵜⵓⵇⵏⴰ ⵏ ⵓⵙⴳⵔⴰⵡ ⴰⴷⴰⵎⵙⴰⵏ ⴳⵔ ⵍⴽⵓⵜⴷⵉⴼⵡⴰⵔ ⴷ ⵍⵎⵖⵔⵉⴱ.

ⵎⴰⵢⴰⴷ ⴰⵔ ⵉⵎⵎⴰⵍ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⵙⵓⴷⵙ ⵜⴰⵣⴷⴰⵢⵉⵏ ⴳⵔ ⵍⵎⵖⵔⵉⴱ ⴷ ⵍⴽⵓⵜⴷⵉⴼⵡⴰⵔ, ⵙ ⵜⵉⴽⴽⵉ ⵏ ⵢⴰⵜ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉ ⵡⵎⵢⴰⵡⴰⵙ ⴳⵔⴰⵜⵙⵏ.

ⵙ ⵓⵣⵎⵓⵣⵣⵓ ⵢⴰⴷ, ⵉⵖⵔⴰ ⵓⵎⴰⵡⵙⴰⵙ ⵏ ⵉⵙⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵎⴰⵙⵙ ⵚⴰⵍⴰⵃⴷⴷⵉⵏ ⵎⵣⵡⴰⵔ ⵢⴰⵜ ⵜⵉⵏⴰⵡⵜ ⵖ ⵓⵎⵏⵉⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⵍⵉ ⵖ ⵉⵏⵏⴰ ⵎⴰⵙ ⵍⵎⵖⵔⵉⴱ ⴷ ⵍⴰⴽⵓⵜ ⴷⵉⴼⵡⴰⵔ ⴷⴰⵔⵙⵏ ⴰⴷⴷⴰⴷⵏ ⵉⵙⵜⵔⴰⵜⵉⵊⵉⵢⵏ ⵉⵏⵙⵎⴰⴷⵏ ⵍⵍⵉ ⵔⴰⴷ ⵙⵓⵍ ⵢⵉⵎⵖⵓⵔ ⵉⵎⴰⵍ.

ⵜⴰⴼⵓⴳⵍⴰ ⵢⴰⴷ ⵉⵍⵍⴰ ⴳⵉⵙ ⵓⵍⴰ ⵓⵙⴳⵎⴹ ⵏ 26 ⵏ ⵓⵎⵙⴰⵙⴰ ⵏ ⵜⵎⴷⵔⴰⵡⵜ ⴰⴳⴷⵓⴷⴰⵏ-ⵓⵙⵍⵉⴳ ⵏ ⵓⵙⵙⴰⵔⵓ. ⵉⵎⵙⴰⵙⴰⵜⵏ ⴰⴷ ⵍⵍⴰⵏ ⵖⵓⵙⴰⵜⵉ ⵏ ⵉⵙⵡⴰⵍⴰⵜⵏ ⵉⴳⵍⴷⴰⵏⵏ ⵉⵍⵍⴰⵏ ⴳ ⵜⵉⵏⴰⵡⵜ ⵏ ⴱⴰⴱ ⵏ ⵡⴰⴷⴷⵓⵔ ⵙ ⵓⵎⵓⵣⵣⵓ ⵏ ⵓⵕⵥⵥⵓⵎ ⵏ ⵓⵙⴳⵔⴰⵡ ⴰⴷ, ⵉⵥⵍⵉⵏ ⵙ ⵓⵙⵓⴷⵙ ⵏ ⵜⵎⴷⵔⴰⵡⵜ ⵉⴼⴼⵓⵙ/ⵉⴼⴼⵓⵙ.

ⵉⵏⵏⴰ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵜⴳⴷⵓⴷⴰⵏⵜ ⵏ ⵍⴽⵓⵜ ⴷⵉⴼⵡⴰⵔ ⵎⴰⵙⵙ ⴹⴰⵏⵢⵉⵍ ⴽⴰⴱⵍⴰⵏ ⴷⵓⵏⴽⴰⵏ ⵉⵙ ⵜⵙⵏⵉⵎⵎⵔ ⵜⵏⴱⴰⴹⵜ ⵏ ⵍⴽⵓⵜ ⴷⵉⴼⵡⴰⵔ ⴰⵙⵓⵖⵏ ⵏ ⵜⴳⵍⴷⵉⵜ ⵍⵍⵉ ⵙ ⵜⵜ ⴱⴷⴷⴰ ⵉⵡⵉⵏ ⵖ ⵉⴼⵔⵉⵇⵢⴰ ⵏ ⵉⴼⴼⵓⵙ ⵏ ⵜⵏⵣⵔⵓⴼⵜ, ⵙⵍⴰⵡⴰⵏ ⴰⴽⴽⵯ ⵉⴼⵔⵉⵇⵢⴰ ⵏ ⵜⴰⴳⵓⵜ ⴷ ⵍⴽⵓⵜ ⴷⵉⴼⵡⴰⵔ.

Dernière modification : 25 ⴱⵕⴰⵢⵕ 2014

Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%96-%E2%B4%B0%E2%B4%B1%E2%B5%89%E2%B4%B7%E2%B5%8A%E2%B4%B0%E2%B5%8F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%93%E2%B5%87%E2%B5%8F%E2%B4%B0-%E2%B5%8F-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0%E2%B5%8F-%E2%B4%B3%E2%B5%94-%E2%B5%8D%E2%B4%BD%E2%B5%93%E2%B5%9C#comment-0