Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴰⴱⵉⴷⵊⴰⵏ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵙⴳⵔⴰⵡ ⴰⵎⵖⵔⵉⴱⵉ ⵉⴼⵡⴰⵔⵉ ⴷ ⵉⵖⵔⴰ ⵢⴰⵏ ⵉⵏⴰⵡ ⴳ ⵓⵣⵎⵣⵣⵓ ⵢⴰⴷ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴰⴱⵉⴷⵊⴰⵏ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵙⴳⵔⴰⵡ ⴰⵎⵖⵔⵉⴱⵉ ⵉⴼⵡⴰⵔⵉ ⴷ ⵉⵖⵔⴰ ⵢⴰⵏ ⵉⵏⴰⵡ ⴳ ⵓⵣⵎⵣⵣⵓ ⵢⴰⴷ

24 ⴱⵕⴰⵢⵕ 2014 Version Imprimable
ⴰⴱⵉⴷⵊⴰⵏ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵓⵙⵙ ⵚⴹⵉⵚ, ⵍⵍⵉ ⵢⵎⴰⵏ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵉⴼⵡⴰⵔⵉ, ⵎⴰⵙⵙ ⴹⴰⵏⵢⵉⵍ ⴽⴰⴱⵍⴰⵏ ⴷⴰⵏⴽⴰⵏ, ⴰⵙⵙ ⵏ ⵓⵢⵏⴰⵙ ⴳ ⴰⴱⵉⴷⵊⴰⵏ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵙⴳⵔⴰⵡ ⴰⵎⵖⵔⵉⴱⵉ ⵉⴼⵡⴰⵔⵉ ⴷ ⵉⵖⵔⴰ ⵢⴰⵏ ⵉⵏⴰⵡ ⴳ ⵓⵣⵎⵣⵣⵓ ⵢⴰⴷ.

ⴳ ⵉⵏⵡⴰ ⵏⵏⵙ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵙ ⵢⵓⵙⵉ ⵍⵎⵖⵔⵉⴱ ⵜⵉⴽⵏⵉⵜ ⵏⵏⵙ ⵜⵉⴼⵔⵉⵇⵉⵜ, ⵅⵜⴰⵏ ⵍⵍⵉ ⴷⴰⵢⵎⴰⵏ ⵉⴳⴰⵏ ⵜⵉⵏⵜ.

ⵉⵟⵟⴰⴼ ⵍⵎⵖⵔⵉⴱ ⴰⴷⴳⴰⵔ ⵏ ⵍⵎⵉⵙⴷⴰⵇⵢⵢⴰ ⴷⴰⵔ ⵜⵉⵎⴷⵔⴰⵡⵉⵏ ⵏⵏⵙ ⴷ ⵉⵔⴰ ⴰⴷ ⵜ ⵉⵙⵙⵎⵔⵙ ⵅⴼ ⵓⵊⵎⵉⵍ ⵏ ⵜⵎⵉⵣⴰⵔ ⵏ ⵉⴼⵕⵉⵇⵢⴰ.

ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵉⵅⵚⵚⴰ ⴰⴷ ⴽⵙⵉⵏ ⵉⵎⵢⴰⵙⵙⵉⵏ ⴰⴷⵉⴱⵍⵓⵎⴰⵙⵉⵏ ⵙⴳ ⵜⵉⵍⴰⵡⵉⵏ ⵜⵉⵎⴰⵢⵏⵓⵜⵉⵏ. « ⵖ ⴰⵙⵙ ⴰⴷ, ⴰⵎⵏⴰⴷ ⴰⴷⵎⵙⴰⵏ ⴰⴷ ⵉⵎⵙⴷⴷⵓⵔⵏ ⴳ ⵉⵎⵢⴰⵙⵙⵉⵏ ⴰⴷⵉⴱⵍⵓⵎⴰⵙⵉⵏ ».

ⵜⵉⴳⵎⵉ ⵜⴰⵙⵓⵍⴰⵏⵜ ⵏ ⴰⵎⵏⵥⴰⵡ ⵉⴼⵔⵉⵇⵉ ⵉⵔⴰ ⴰⴷ ⵉⵙⵎⵓⵎ ⵉⴳⵔ ⵓⵙⵍⵉⴳ ⵅⴼ ⵉⴳⵔⵏ ⵉⵕⵡⴰⵏ, ⵣⵓⵏⴷ ⵜⴰⵏⴼⵍⴰⵃⵜ ⴷ ⵜⴰⵎⴳⵓⵔⵉ ⴷ ⵜⴰⵎⴰⵙⵙⴰⵏⵜ ⴷ ⵜⵉⴽⵏⵓⵍⵓⵊⵉⵜ ⴷ ⵜⴰⵎⵔⵏⵉⵡⵜ ⵏ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ, ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵉⵔⵏⵓ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⵉⵙ ⵜⵙⵙⵏ ⵉⴼⵔⵉⵇⵢⴰ ⴰⵍⴰⵢ ⴳ ⵉⴳⵔⵏ ⵏ ⵓⴱⴰⵏⴽ, ⴷ ⵏ ⵜⵉⵖⵖⵓⵔⵎⴰ ⵏ ⵉⵎⵣⴷⴰⵖⵏ, ⴷ ⵓⵖⵍⵉ ⴰⵙⵓⵍⴰⵏ ⵏ ⵜⵙⵢⴰⴼⵓⵜ. ⴼ ⵖⵉⴽⴰⵏⵏ, ⵜⵟⵟⴰⴼ ⵉⴼⵔⵉⵇⵢⴰ ⵉⵖⴰⵔⴰⵙⵏ ⵉⵎⴰⵢⵏⵓⵏ ⵉⵥⴹⴰⵕⵏ ⴰⴷ ⵜ ⵉⵙⵙⵍⴽⵎ ⵜⵉⵙⵓⵜⵉⵏ ⴰⴷ ⵢⵓⵛⴽⴰⵏ ⵏⵏⵙ ⵙ ⵜⵓⵎⵔⵜ.

ⴼ ⵖⵉⴽⴰⵏⵏ, ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴷ ⵜⴳⵎⵉ ⵜⵉⵎⴷⵔⴰⵡⵉⵏ ⵍⵍⵉ ⵔⴰⴷ ⵉⵙⵙⴽⵛⵎⵏ ⵜⴰⵎⴰⵅⵉⵔⵜ ⵉ ⵜⵎⵉⵣⴰⵔ ⵜⵉⴼⵔⵉⵇⵉⵏ. ⵉⵅⵚⵚⴰ ⴰⴷ ⵉⵟⵟⴼ ⵓⵎⵏⵥⴰⵡ ⴰⴼⵔⵉⵇⵉ ⵉⵙⵏⵜⵉⵏ ⴰⵏⴼⴳⴰⵏ ⴷ ⵓⵏⴰⵎⵓⵏ.

Dernière modification : 24 ⴱⵕⴰⵢⵕ 2014
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B4%B0%E2%B4%B1%E2%B5%89%E2%B4%B7%E2%B5%8A%E2%B4%B0%E2%B5%8F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89-%E2%B5%89%E2%B4%BC%E2%B5%A1%E2%B4%B0%E2%B5%94%E2%B5%89-%E2%B4%B7#comment-0