ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵉⵎⴰⵏⵏ ⴷ ⵓⵏⵙⵙⵉⵅⴼ ⴰⵎⴰⵍⵉ, ⵜⵉⵡⵓⵔⵉⵡⵉⵏ ⵏ ⵜⵓⵚⴽⴰ ⵏ ⵢⴰⵏ ⵓⴳⵣⵣⵓⵎ ⵏ ⵜⵙⵢⴰⴼⵓⵜ ⵏ ⵙⵙⵉⵎⴰ ⴳ ⵜⵎⵏⴰⴹⵜ ⵏ ⴱⴰⵎⴰⴽⵓ

22 ⴱⵕⴰⵢⵕ 2014 Version Imprimable

ⴱⴰⵎⴰⴽⵓ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵉⵎⴰⵏⵏ ⴷ ⵓⵏⵙⵙⵉⵅⴼ ⴰⵎⴰⵍⵉ, ⵎⴰⵙⵙ ⴱⵕⴰⵀⵉⵎ ⴱⵓⴱⴰⴽⴰⵕ ⴽⵉⵢⵟⴰ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴷⵖⴰⵔⵜ ⵏ ⴷⵢⴰⴳⵓ, ⴰⵎⵎⴰⵙ ⵏ ⵍⴰⵃⵡⴰⵍ ⵏ ⵓⴳⵏⴰⵔ ⴷ ⵎⵔⴰⵡ, ⵜⵉⵡⵓⵔⵉⵡⵉⵏ ⵏ ⵜⵓⵚⴽⴰ ⵏ ⵢⴰⵏ ⵓⴳⵣⵣⵓⵎ ⵏ ⵜⵙⵢⴰⴼⵓⵜ ⵏ ⵙⵙⵉⵎⴰ.

ⴰⴳⵣⵣⵓⵎ ⵏ ⵜⵙⵢⴰⴼⵓⵜ ⵏ ⵙⵙⵉⵎⴰ ⵢⴰⴷ, ⵍⵍⵉ ⵔⴰⴷ ⵜ ⵉⵙⴽⵔ ⵓⴳⵔⴰⵡ « ⵙⵉⵎⴰⵜ-ⵙⵉⵎⴰⴼ », ⵔⴰⴷ ⵜⵍⴽⵎ ⵜⵓⵙⵢⴰⴼⵓⵜ ⵏⵏⵙ 500.000 ⴰⵟⵓⵏ ⵏ ⵙⵙⵉⵎⴰ ⴳ ⵓⵙⴳⴳⵯⴰⵙ (ⵎⴰⵢⴰⴷ ⵉⵥⴹⴰⵕⵏ ⴰⴷ ⵉⵖⵍⵉ ⴰⵔ 1.000.000 ⴰⵟⵓⵏ ⴳ ⵓⵙⴳⴳⵯⴰⵙ).

ⴰⵙⵓⴳⴰⵔ ⴰⴷ ⵔⴰⴷ ⵉⵜⵜⴰⵡⵉ ⵜⴰⵎⵜⵜⴰ ⵜⴰⵎⵣⵡⴰⵔⵓⵜ ⵙⴳ ⵙⵉⵏ ⵏ ⵉⵙⵓⴳⴰⵔⵏ ⵏ ⵙⵙⵉⵎⴰ ⴳ ⵍⵎⵖⵔⵉⴱ, ⵍⵍⵉ ⵔⴰⴷ ⵉⵜⵙⵙⴰⵔ ⴳ ⵓⴼⵜⴰⵙ ⴷⴰⵜ ⴰⴷ ⵜⵍⴽⵎ ⴳ ⴰⵙⵉⴳⵔ ⴷ ⴰⴷ ⵜⵥⴹⵓ ⴱⴰⵛ ⴰⴷ ⴼⴰⵔⵙ ⴷ ⴰⴷ ⵜⵙⵖⵏⵣⵉ ⴽⵔⴰ ⵢⴳⴰⵜ ⵓⵏⴰⵡ ⵏ ⵙⵙⵉⵎⴰ.

ⴰⵙⵏⵜⵉ ⵢⴰⴷ, ⵍⵍⵉ ⵔⴰⴷ ⵢⴰⵎⵥ ⵢⴰⵏ ⵓⵙⴰⵢⵔⴰⵔ ⵏ 10 ⴰⵀⵉⴽⵜⴰⵕ ⵔⴰⴷ ⵉⵜⵜⴰⵡⵙⴽⴰⵔ ⴳ ⵓⵣⵎⵣ ⵏ 18 ⵉⵎⴰⵍⴰⵙ ⴷ ⵔⴰⴷ ⵉⵙⵎⵓⵏ ⵢⴰⵏ ⵓⵙⵙⴰⵔⵓ ⵏ 30 ⵓⵎⵍⵢⵓⵏ ⵏ ⵍⵓⵕⵓ.

ⵢⴰⵜ ⵜⵉⵔⵎⵜ ⵏ 15 ⵏ ⵜⵉⴳⵎⵉⴹⵉ ⴰⵎⵎⴰⵙ ⵏ ⵓⵙⵙⴰⵔⵓ ⴰⵎⵣⵡⴰⵔⵓ ⵏ ⵜⵓⵚⴽⴰ ⵏ ⵓⴳⵣⵣⵓⵎ ⵏ ⵜⵙⵢⴰⴼⵓⵜ ⵏ ⵙⵙⵉⵎⴰ ⵢⴰⴷ ⵜⵜⵓⴼⴽⴰ ⵉ ⵢⵡⵏⴰⴹ.

ⵉⵟⵟⴰⴼ ⵓⴳⵔⴰⵡ « ⵙⵉⵎⴰⵜ-ⵙⵉⵎⴰⴼ » ⵙⵉⵏ ⵏ ⵓⴳⵣⵣⵓⵎⵏ ⵏ ⵜⵙⵢⴰⴼⵓⵜ ⴳ ⵍⵎⵖⵔⵉⴱ (ⵜⵉⵎⵏⴰⴹⵉⵏ ⴷ ⴱⵏⵉ ⵎⵍⵍⴰⵍ ⴷ ⵚⵟⵟⴰⵜ), ⴷ ⴰⵎⵎⴰⵙ ⵏ ⵉⴼⵕⵉⵇⵢⴰ ⴳ ⵍⴽⵓⵟ ⴷⵉⴼⵡⴰⵕ ⴷ ⵍⴽⴰⵎⵕⵓⵏ ⴷ ⵖⵉⵏⵢⴰ ⴽⵓⵏⴰⴽⵔⵉ.

Dernière modification : 22 ⴱⵕⴰⵢⵕ 2014

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%89%E2%B5%8E%E2%B4%B0%E2%B5%8F%E2%B5%8F-%E2%B4%B7-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B5%8E%E2%B4%B0%E2%B5%8D%E2%B5%89-%E2%B5%9C%E2%B5%89%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%9C%E2%B5%93%E2%B5%9A%E2%B4%BD%E2%B4%B0#comment-0