ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵍⵉ ⵢⵉⵎⵓⵏⵏ ⴷ ⵓⵏⵙⵙⵉⵅⴼ ⴰⵎⴰⵍⵉ ⵉ ⵢⴰⵜ ⵜⵉⴽⴽⵉ ⵏ ⵡⴰⵎⵓⴷ ⵏ ⵉⵣⴳⵉⵔⵏ ⵉ ⵢⵉⴽⵙⵙⴰⴱⵏ ⵉⵎⴰⵍⵉⵢⵏ

21 ⴱⵕⴰⵢⵕ 2014 Version Imprimable

ⴱⴰⵎⴰⴽⵓ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⵍⵉ ⵢⵉⵎⵓⵏⵏ ⴷ ⵓⵏⵙⵙⵉⵅⴼ ⴰⵎⴰⵍⵉ ⵎⴰⵙⵙⴰ ⴱⵕⴰⵀⵉⵎ ⴱⵓⴱⴰⴽⴰⵔ ⴽⵉⵜⴰ, ⴰⵙⵙ ⵏ ⵓⵙⵉⵎⵡⴰⵙ ⵖ ⴱⴰⵎⴰⴽⵓ, ⵢⴰⵜ ⵜⵉⴽⴽⵉ ⵏ ⵡⴰⵎⵓⴷ ⵏ ⵉⵣⴳⵉⵔⵏ ⵉ ⵢⵉⴽⵙⵙⴰⴱⵏ ⵏ ⵎⴰⵍⵉ.

ⵜⵉⴽⴽⵉ ⵢⴰⴷ ⵍⵍⵉ ⵜⴼⴽⴰ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⴳⵎⵉ ⵜⴰⵙⵓⵍⴰⵏⵜ, ⴳⵉⵙ 125.000 ⵏ ⵜⵇⵔⵄⵉⵜ ⵏ ⵡⴰⵎⵓⴷ ⵏ ⵉⵣⴳⵉⵔⵏ ⵓⵍⴰ ⵙⵓⵍ ⵉⵎⴰⵜⵜⵉⵡⵏ ⵍⵍⵉ ⵙ ⴰⵜⵜⵓⵙⴽⵉⵔ ⵜⵎⵀⵍⵜ ⴰⴷ.

ⴰⵚⵚⵕⵚⴰ ⵏ ⵓⵖⴰⵡⴰⵙ ⵍⵍⵉ ⵔⴰⴷ ⵉⵜⵜⵓⵙⴽⴰⵔⵏ ⵙ 3 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⵔⴰⴷ ⵉⵜⵜⵓⵙⴽⵔⴰ ⵙ ⵢⴰⵜ ⵜⵔⴰⴱⴱⵓⵜ ⵜⴰⵜⵉⴽⵏⵉⵜ ⵜⴰⵎⵖⵔⵉⴱⵉⵜ ⵏ ⵓⵎⴰⵡⴰⵙ.

ⴰⵎⵢⴰⵡⴰⵙ ⵏⴳⵔ ⵍⵎⵖⵔⵉⴱ ⴷ ⵎⴰⵍⵉ ⵖ ⵉⴳⵔ ⵏ ⵜⴳⵎⵉ ⵏ ⵉⴳⵔ ⵏ ⵉⵣⴳⵉⵔⵏ ⵍⵍⴰⵏ ⴳⵉⵙ ⴽⵕⴰⴹ ⵏ ⵓⵙⴳⵓⵎⵏ, ⴰⵙⵎⵓⵜⵜⴳ ⵏ ⵉⵜⵉⵇⵏⵉⵢⵏ ⵏ ⵡⴰⵎⵓⴷ ⵖ ⵍⵎⵖⵔⵉⴱ ⴷ ⵓⵙⵙⵓⴼⵖ ⵏ ⵙⵎⵎⵓⵙ ⵏ ⵉⴷⵖⴰⵔⵏ ⵏ ⵡⴰⵎⵓⴷ ⴷⴰⵔ ⵉⴽⵙⵙⴰⴱⵏ ⴷ ⵡⴰⵏⵏⴰⵍ ⵏ ⵉⵙⵏⵎⴰⵍⴰⵜⵏ ⴰⴷ ⵏ ⵓⵙⵡⵓⴷⴷⵓ ⵏ ⵓⵖⴰⵡⴰⵙ ⴰⴷ.

ⴰⵖⴰⵡⴰⵙ ⴰⴷ ⵉⵔⴰ ⴰⴷ ⵉⵙⵙⵓⴼⵖ ⵜⵉⴼⵓⵏⴰⵙⵉⵏ ⴼ1 ⴷ ⴼ2 ⵍⵍⵉ ⵎⵓ ⵖⵓⴷⴰⵏ ⵉⵊⵉⵏⵉⵜⵉⵢⵏ , ⴷⵍⵍⵉ ⴰⴽⴽⴰⵏⵉⵏ ⵓⴳⴳⴰⵔ ⵏ ⵓⴽⴼⴰⵢ, ⵎⴰⵢⴰⴷ ⵔⴰⴷ ⵉⵙⵓⴷⵙ ⵜⵉⵖⵔⴰⴷ ⵏ ⵉⴽⵙⵙⴰⴱⵏ.

Dernière modification : 21 ⴱⵕⴰⵢⵕ 2014

Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B5%8D%E2%B5%89-%E2%B5%A2%E2%B5%89%E2%B5%8E%E2%B5%93%E2%B5%8F%E2%B5%8F-%E2%B4%B7-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B5%8E%E2%B4%B0%E2%B5%8D%E2%B5%89-%E2%B5%89-%E2%B5%A2%E2%B4%B0%E2%B5%9C-%E2%B5%9C%E2%B5%89%E2%B4%BD%E2%B4%BD%E2%B5%89-%E2%B5%8F-%E2%B5%A1%E2%B4%B0%E2%B5%8E%E2%B5%93%E2%B4%B7-%E2%B5%8F-%E2%B5%89%E2%B5%A3%E2%B4%B3%E2%B5%89%E2%B5%94%E2%B5%8F-%E2%B5%89#comment-0