ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⴷ ⵓⵏⵙⵙⵉⵅⴼ ⴰⵎⴰⵍⵉ ⵣⵣⵓⵍⵏ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵉⵎⵣⴳⵉⴷⴰ ⵜⴰⵎⵇⵔⴰⵏⵜ ⵏ ⴱⴰⵎⴰⴽⵓ

21 ⴱⵕⴰⵢⵕ 2014 Version Imprimable

ⴱⴰⵎⴰⴽⵓ - ⵥⵥⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵎⴰⵍⵉ, ⵎⴰⵙⵙ ⴱⵕⴰⵀⵉⵎ ⴱⵓⴱⴰⴽⴰⵕ ⴽⵉⵢⵟⴰ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵉⵎⵣⴳⵉⴷⴰ ⵜⴰⵎⵇⵔⴰⵏⵜ ⵏ ⴱⴰⵎⴰⴽⵓ.

ⵖ ⵍⵅⵓⵟⴱⴰ ⵏⵏⵙ, ⵉⵏⵏⴰ ⵍⵉⵎⴰⵎ ⵎⴰⵙⵙ ⵉⵏⵏⴰ ⴱⴰⴱ ⵏ ⵉⴳⵏⵡⴰⵏ ⴰⴷ ⵢⵉⵍⵉ ⵓⵎⵢⴰⵡⴰⵙ ⴷ ⴰⴷ ⵏⵉⵔⵉ ⴳⵔⴰⵜⵏⵖ ⵣⵓⴷ ⵉⵖ ⵏⴳⴰ ⵢⴰⵜ ⵜⴼⴳⴳⴰ, ⴰⵔ ⵉⵙⵙⵢⴰⴼⴰ ⵙ ⵉⴳⵯⵎⴰⵎ ⵏⵏⵙ ⴽⵓⵍⵍⵓ.

ⵉⵏⵏⴰ ⵍⵉⵎⴰⵎ ⵉⵙ ⵉⴹⴼⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵜⵜⴳⴳⵯⵣⵏ ⵙ ⵓⵕⵇⵇⴰⵙ ⵎⵓⵃⴰⵎⵎⴰⴷ, ⵍⵍⵉⵖ ⵉⵙⴽⵔ ⴰⵔⵣⴰⴼ ⴰⴷ ⵙ ⵎⴰⵍⵉ, ⵜⴰⵏⵓⵎⵉ ⵏ ⵍⴰⵊⴷⵓⴷ ⵏⵏⵙ ⵉⴳⵍⴷⴰⵏ, ⵍⵍⵉ ⵙⵜ ⴱⴷⴷⴰ ⵢⵉⵡⵉⵏ ⵖ ⵉⵎⵓⵙⵍⵎⵏ ⵏ ⵉⴼⵔⵉⵇⵢ, ⴰⴷⴰⵙⵏ ⵎⵍⵉⵏ ⴷ ⴰⴷ ⵣⵓⵣⵣⵔⵏ ⴰⵙⵍⵎⴷ ⵏ ⵍⵉⵙⵍⴰⵎ ⴷ ⵡⴰⵜⵉⴳ ⵏ ⵜⵡⵉⵣⵉ ⴷ ⵜⴱⴷⴰⴷⵜ.

ⵖ ⵜⴳⴰⵔⴰ ⵏ ⵜⵥⴰⵍⵍⵉⵜ ⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, 10.000 ⵏ ⵓⴷⵍⵉⵙ ⵏ ⵍⵇⵓⵕⴰⵏ ⴰⴼⴰⴷ ⴰⴷ ⵜⵏ ⴱⴹⵓⵏ ⵉ ⵜⵎⵣⴳⵉⴷⵉⵡⵉⵏ ⵏ ⵏ ⵜⴳⴷⵓⴷⴰⵏⵜ ⵏ ⵎⴰⵍⵉ. ⵉⴷⵍⵉⵙⵏ ⴰⴷ ⵜⵙⴽⵔⵜⵏ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵙⵓⴼⵖ ⵏ ⵍⵇⵓⵕⴰⵏ.

Dernière modification : 21 ⴱⵕⴰⵢⵕ 2014

Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B7-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B5%8E%E2%B4%B0%E2%B5%8D%E2%B5%89-%E2%B5%A3%E2%B5%A3%E2%B5%93%E2%B5%8D%E2%B5%8F-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B4%B3#comment-0