Published on MAPNews (https://www.mapnews.ma/am)

Accueil > ⵙⵙⵉⵅⴼⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵏⵙⵙⵉⵅⴼ ⵏ ⵓⵡⴰⵏⴽ ⵏ ⵎⴰⵍⵉ ⵢⴰⵜ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵙⴰ ⴷ ⵎⵔⴰⵡ ⵓⵎⵙⴰⵙⴰ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ
  1. Accueil
  2. Activités royales

ⵙⵙⵉⵅⴼⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵏⵙⵙⵉⵅⴼ ⵏ ⵓⵡⴰⵏⴽ ⵏ ⵎⴰⵍⵉ ⵢⴰⵜ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵙⴰ ⴷ ⵎⵔⴰⵡ ⵓⵎⵙⴰⵙⴰ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ

20 ⴱⵕⴰⵢⵕ 2014 Version Imprimable
ⴱⴰⵎⴰⴽⵓ - ⵙⵙⵉⵅⴼⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵓⵏⵙⵙⵉⵅⴼ ⵏ ⵓⵡⴰⵏⴽ ⵏ ⵎⴰⵍⵉ, ⵎⴰⵙⵙ ⴱⵕⴰⵀⵉⵎ ⴱⵓⴱⴰⴽⴰⵕ ⴽⵉⵟⴰ, ⴰⵙⵙ ⵏ ⵓⴽⵡⴰⵙ ⴳ ⵜⴳⴰⴷⵉⵔⵜ ⵜⴰⵏⵙⵙⵉⵅⴼⵜ ⵏ ⴽⵓⵍⵓⴱⴰ ⴳ ⴱⴰⵎⴰⴽⵓ, ⵢⴰⵜ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵙⴰ ⴷ ⵎⵔⴰⵡ ⵓⵎⵙⴰⵙⴰ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ.

ⴰⵙⴳⵎⴹ ⴰⴷ ⵍⵍⵉ ⵉⵣⵍⵉⵏ ⵙ ⵎⵏⵏⴰⵡ ⵏ ⵉⵎⵙⴰⵙⴰⵏ ⴰⴷ ⵉⵎⵎⴰⵍ ⴰⵙⵓⵖⵍ ⵉⴷⵓⵙⵏ ⵏ ⵉⴳⵔⴰⵏ ⵉⴳⴷⵓⴷⴰⵏ ⴷ ⵜⵉⵔⵜ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵏ ⵜⵎⵓⵔⵉⵏ ⵏ ⵍⵎⵖⵔⵉⴱ ⴷ ⵎⴰⵍⵉ.

ⵖⵎⴽⵍⵍⵉ ⴰⵔ ⵉⵎⵎⴰⵍ ⵓⵍⴰ ⴰⵏⴼⴰ ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵢⵉⴼⵔⵉⵇⵢⴰⴳ ⵎⴰⴷ ⵉⵥⵍⵉⵏ ⵙⵍⴰⵡⴰⵏ ⴰⴽⴽ ⵙ ⵜⵏⴽⵔⴰ ⵙ ⵜⴳⵎⵉ ⴷ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ.

ⵜⵉⵎⵢⴰⵇⵇⴰⵏⵉⵏ ⴰⴷ ⵥⵍⵉⵏⵜ ⵙ ⵓⵙⵔⵇⴱ ⵏ ⵉⵙⵙⵓⵔⴰ ⴳ ⵍⵎⵖⵔⵉⴱ ⴷ ⵎⴰⵍⵉ ⴷ ⵓⵎⵢⴰⵡⴰⵙ ⴳ ⵉⴳⵔ ⵏ ⵜⴽⵙⵙⴰⴱⵜ ⴷ ⵓⵙⴰⵢⵍⴰⵍ ⴷ ⵜⴰⵎⴳⵓⵔⵉ ⴷ ⵉⵙⵉⴼⴰⴹ ⴷ ⴰⴷ ⴳⵏ ⵉⵎⵎⴰⵙⵏ ⵉⵎⵙⴳⵏⴰⴼⵏ ⵏ ⴱⵏⵓ ⵙⵉⵏⴰ ⴳ ⵕⵕⴱⴰⵟ ⴷ ⴱⴰⵎⴰⴽⵓ ⵉⴽⵏⵉⵡⵏ.

ⵉⵎⵙⴰⵙⴰⵏ ⴰⴷ ⵥⵍⵉⵏ ⵙ ⵜⵎⴷⵔⴰⵡⵜ ⴳⵔ ⵜⴰⵔⴰⴱⴱⵓⵜ ⵏ ⵍⴱⴰⵏⴽ ⴰⴳⴷⵓⴷⴰⵏ ⵏ ⵍⵎⵖⵔⵉⴱ ⴷ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵜⵎⵙⴰⵙⵜⵍⵜ ⴳ ⵎⴰⵍⵉ ⴷ ⵉⴳⵔ ⵏ ⵓⵣⴷⴷⵓⵖ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵎⵢⴰⵡⴰⵙ ⴳ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵙⵙⵓⵔⵉⵏ ⵏ ⵍⵎⵖⵔⵉⴱ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⴷ ⴱⴰⴱ ⵏ ⵜⵡⵓⵔⵉⵡⵉⵏ ⵏ ⵎⴰⵍⵉ.

ⵉⵎⵓⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵖ ⵓⵔⵣⴰⴼ ⴰⴷ ⴷ ⵢⴰⵏ ⵓⴽⴰⴱⴰⵕ ⴰⵎⵇⵕⴰⵏ ⵍⵍⵉ ⵖ ⵍⵍⴰⵏ, ⵙⵍⴰⵡⴰⵏ ⴰⴽⴽⵯ, ⵉⵎⵛⵛⵉⵡⵕⵏ ⵏⵏⵙ ⵎⴰⵙⵙ ⵟⴰⵢⵉⴱ ⵍⴼⴰⵙⵉ ⵍⴼⵉⵀⵔⵉ ⴷ ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⵎⴰ, ⴷ ⵎⵏⵏⴰⵡ ⵏ ⵉⵎⴰⵡⵙⴰⵙⵏ ⴷ ⵉⴳⵎⴰⵎⵏ ⵉⵎⵖⵔⴰⴱⵉⵢⵏ.
 

Dernière modification : 20 ⴱⵕⴰⵢⵕ 2014
Source URL: https://www.mapnews.ma/am/activites-royales/%E2%B5%99%E2%B5%99%E2%B5%89%E2%B5%85%E2%B4%BC%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B7-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%93%E2%B5%A1%E2%B4%B0%E2%B5%8F%E2%B4%BD-%E2%B5%8F-%E2%B5%8E%E2%B4%B0%E2%B5%8D%E2%B5%89-%E2%B5%A2%E2%B4%B0%E2%B5%9C-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B4%B9-%E2%B5%8F-%E2%B5%99%E2%B4%B0-%E2%B4%B7#comment-0