Published on MAPNews (https://www.mapnews.ma/am)

Accueil > ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙ ⴱⴰⵎⴰⴽⵓ
  1. Accueil
  2. Activités royales

ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙ ⴱⴰⵎⴰⴽⵓ

18 ⴱⵕⴰⵢⵕ 2014 Version Imprimable
ⴱⴰⵎⴰⴽⵓ - ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵉⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵜⵣⴷⵡⵉⵜ ⵏ ⵓⵙⵉⵏⴰⵙ ⴳ ⴱⴰⵎⴰⴽⵓ, ⴰⵎⵎⴰⵙ ⵏ ⵢⴰⵏ ⵓⵔⵣⴰⴼ ⵉ ⵜⴳⴷⵓⴷⴰⵏⵜ ⵏ ⵎⴰⵍⵉ, ⵎⴰⵢⴰⴷ ⵉⴳⴰⵏ ⵜⵉⴽⵍⵉ ⵜⴰⵎⵣⵡⴰⵔⵓⵜ ⵏ ⵢⴰⵜ ⵜⵙⵙⵓⵜⵍⵜ ⵜⴰⴼⵔⵉⵇⵉⵜ ⵍⵍⵉ ⵔⴰⴷ ⵢⴰⵡⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵍⴽⵓⵜ ⴷⵉⴼⵡⴰⵔ ⴷ ⵖⵉⵏⵢⴰ ⵜⴰⴽⵓⵏⴰⴽⵔⵉⵜⴷ ⵍⴳⴰⴱⵓⵏ.

ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ, ⵍⵍⵉⵖ ⵉⴳⴳⵯⵣ ⵙⴳ ⵜⵢⵍⴰⵍⵜ ⴰⵎⵎⴰⵙ ⵏ ⵓⵣⴰⴳⵯⵣ ⵉⴳⵔⴰⵖⵍⴰⵏ ⵏ ⴱⴰⵎⴰⴽⵓ ⵙⵉⵏⵓ, ⵓⵏⵙⵙⵉⵅⴼ ⵏ ⵎⴰⵍⵉ, ⵎⴰⵙⵙ ⴱⵕⴰⵀⵉⵎ ⴱⵓⴱⴰⴽⴰⵕ ⴽⵉⵢⵟⴰ.

ⵉⵜⵜⵓⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵜⴼⵓⴳⵍⴰ ⵜⴰⵇⴱⵓⵔⵜ ⵏ ⵓⵙⴽⴰⵏ ⵏ ⵜⴷⴷⵓⵊⵜ ⵏ ⵍⴽⵓⵍⴰ, ⴷⴼⴼⵉⵔ ⵏ ⵖⵉⴽⴰⵏⵏ 21 ⵜⵉⵢⵜⵉⵏ ⵏ ⵍⵎⴷⴼⵄ ⵜⵜⵓⴼⴽⴰⵏ ⵎⴰⵢⴰⴷ ⵉⵣⵓⵍⵏ ⴰⵍⴽⵎ ⵏ ⴱⴰⴱ ⵏ ⵡⴰⴷⴷⵓⵔ.

ⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷⴼⴼⵉⵔ ⵏ ⵖⵉⴽⴰⵏⵏ ⵓⵎⴰⵡⵙⴰⵙ ⴰⵎⴰⵍⵉ ⵏ ⵜⵉⵎⵙⴰⵔⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ ⵉⴳⵔⴰⵖⵍⴰⵏ, ⵣⴰⵀⴰⴱⵉ ⵡⵍⴷ ⵙⵉⴷⵉ ⵎⵓⵃⵎⵎⴷ, ⴷ ⴰⵏⴱⴱⴰⴹ ⴷ ⵍⵄⴰⵎⵍ ⵏ ⵓⴷⵖⴰⵔ ⵏ ⴱⴰⵎⴰⴽⵓ, ⵓⵍⴰ ⵡⵎⵙⵇⴰⴷ ⵏ ⵎⴰⵍⵉ ⴳ ⵍⵎⵖⵔⵉⴱ.

ⵣⵔⵉⵏ ⴷⴼⴼⵉⵔ ⵏ ⵖⵉⴽⴰⵏⵏ ⵙⵉⵏ ⵉⵎⵖⴰⵔⵏ ⵏ ⵓⵡⴰⵏⴽ ⵜⴰⴷⴰⴱⵓⵜ ⵏ ⵓⴷⴷⵓⵔ ⴰⴼⴰⴷ ⴰⴷ ⵣⵓⵍⵏ ⵉⵛⵏⵢⴰⵍⵏ ⵉⵏⴰⵎⵓⵔⵏ ⴷ ⵉⵎⵙⵍⵉ ⵏ ⵉⵣⵍⵉⵏ ⵉⵏⴰⵎⵓⵔⵏ ⵏ ⵙⵉⵏ ⵏ ⵜⵎⵉⵣⴰⵔ ⴰⴷ, ⴷⴰⵜ ⴰⴷ ⵙⵣⵣⵔⵉⵏ ⵢⴰⵏ ⵓⴳⵔⴰⵡ ⴰⵄⵙⴽⵔⵉ ⵍⵍⵉ ⵢⴰⵜⵏ ⵉⴼⴽⴰⵏ ⴰⴷⴷⵓⵔ.

ⵉⵣⵓⵍ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵓⴷ ⴰⵎⴰⵡⵙⴰⵙ ⴰⵎⵣⵡⴰⵔⵓ ⴰⵎⴰⵍⵉ, ⵄⵓⵎⴰⵕ ⵟⴰⵟⴰⵎ ⵍⵉ, ⴷ ⵓⵏⵙⵙⵉⵅⴼ ⵏ ⵓⵙⵎⵓⵏ ⴰⵏⴰⵎⵓⵔ ⵉⵚⴰⴽⴰ ⵙⵉⴷⵉⴱⵉ, ⴷ ⵎⵏⵏⴰⵡ ⵏ ⵉⴳⵎⴰⵎⵏ ⵉⵎⴰⵍⵉⵢⵏ ⵢⴰⴹⵏⵉⵏ.

ⴰⵎⵎⴰⵙ ⵡⵏⵙⵙⵉⵅⴼ ⴰⵎⴰⵍⵉ, ⵣⵓⵍⵏ ⵜ ⵉⴳⵎⴰⵎⵏ ⵏ ⵓⴽⴰⴱⴰⵕ ⴰⵎⵇⵕⴰⵏ ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵣⵓⵍⵏ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⵎⴰⵍⵉ, ⵃⴰⵙⴰⵏ ⵏⵏⴰⵚⵉⵕⵉ, ⴷ ⵉⴳⵎⴰⵎⵏ ⵏ ⵓⵙⵖⵍⴼ ⴰⴷⵉⴱⵍⵓⵎⴰⵙⵉ ⴰⵎⵖⵔⵉⴱⵉ ⴷ ⵎⵏⵏⴰⵡ ⵉⴳⵎⴰⵎⵏ ⵉⵎⵖⵔⴰⴱⵉⵢⵏ ⴷ ⵉⵎⴰⵍⵉⵢⵏ ⵢⴰⴹⵏⵉⵏ.

ⴷⴼⴼⵉⵔ ⵏ ⵢⴰⵏ ⵉⴱⴷⴷⵉ ⵉⵎⵥⵥⵉⵏ ⴳ ⵜⵎⵚⵕⵉⵜ ⵏ ⵓⴷⴷⵓⵔ ⵏ ⵓⵣⴰⴳⵯⵣ ⵉⴳⵔⴰⵖⵍⴰⵏ ⵏ ⴱⴰⵎⴰⴽⵓ ⴳ ⵎⴰⵏⵉ ⵎⴰⴳⴳⵯⴰⵔⵏ ⵙⵉⵏ ⵏ ⵉⵏⵙⵙⵉⵅⴼⵏ ⵏ ⵓⵡⴰⵏⴽ ⵏ ⴽⵉⴳⴰⵏ ⵎⴷⴷⵏ, ⵉⴷⴷⴰ ⵍⵎⵓⴽⴱ ⵙ ⵓⴷⵖⴰⵔ ⵏ ⵜⵣⴷⵓⵖⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵓⵥⵥⵓⵎⵜ ⵏ ⵉⴱⴰⵔⵉⵇⵏ ⴷ ⵉⵣⵓⵍⵏ ⵏ ⴽⵉⴳⴰⵏ ⵉⵏⵎⵓⵔⵉⵏ ⵏ ⵙⵉⵏ ⵏ ⵜⵎⵉⵣⴰⵔ ⴰⴷ ⵍⵍⵉ ⵢⵓⵛⴽⴰⵏ ⴰⴼⴰⴷ ⴰⴷ ⵔⵜⵓⵏ ⵎⵔⵃⴱⴰ ⵉ ⴱⴰⴱ ⵏ ⵡⴰⴷⴷⵓⵔ ⵍⵍⵉ ⵢⴰⵜⵏ ⵉⵔⴰⵔⵏ ⵙ ⵉⴼⴰⵙⵙⵏ ⵏⵏⵙ.

ⵉⵎⵓⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵖ ⵓⵔⵣⴰⴼ ⴰⴷ ⴷ ⵢⴰⵏ ⵓⴽⴰⴱⴰⵕ ⴰⵎⵇⵕⴰⵏ ⵍⵍⵉ ⵖ ⵍⵍⴰⵏ, ⵙⵍⴰⵡⴰⵏ ⴰⴽⴽⵯ, ⵉⵎⵛⵛⵉⵡⵕⵏ ⵏⵏⵙ ⵎⴰⵙⵙ ⵟⴰⵢⵉⴱ ⵍⴼⴰⵙⵉ ⵍⴼⵉⵀⵔⵉ ⴷ ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⵎⴰ, ⴷ ⵎⵏⵏⴰⵡ ⵏ ⵉⵎⴰⵡⵙⴰⵙⵏ ⴷ ⵉⴳⵎⴰⵎⵏ ⵉⵎⵖⵔⴰⴱⵉⵢⵏ.

Dernière modification : 18 ⴱⵕⴰⵢⵕ 2014
Source URL: https://www.mapnews.ma/am/activites-royales/%E2%B5%89%E2%B5%8D%E2%B4%BD%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%99-%E2%B4%B1%E2%B4%B0%E2%B5%8E%E2%B4%B0%E2%B4%BD%E2%B5%93#comment-0