Published on MAPNews (https://www.mapnews.ma/am)

Accueil > ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵜⵓⵏⵙ
  1. Accueil
  2. Activités royales

ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵜⵓⵏⵙ

13 ⴱⵕⴰⵢⵕ 2014 Version Imprimable
ⵕⵕⴱⴰⵟ - ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ ⵖ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⵎⴰⵙⵙ ⵎⵀⴷⵉ ⵊⵓⵎⵄⴰ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵜⵓⵏⵙⵉ, ⵍⵍⵉ ⵢⵉⵙⴽⴰⵔⵏ ⵢⴰⵏ ⵓⵔⵣⴰⴼ ⴰⵎⴰⴷⴷⵓⴷ ⵉ ⵍⵎⵖⵔⵉⴱ.

ⴰⵔⵣⴰⴼ ⴰⴷ ⵍⵍⵉ ⴷ ⵢⵓⵛⴽⴰⵏ ⴷⴼⴼⵉⵔ ⵏ ⵡⴰⵎⵎⴰⵥ ⵏ ⵜⴰⵡⵔⵉ ⵏ ⵎⴰⵙⵙ ⵊⵓⵎⵄⴰ ⵎⵀⴷⵉ, ⵖ ⵉⵅⴼ ⵏ ⵜⵏⴱⴰⴹⵜ ⵜⴰⵎⴰⵢⵏⵓⵜ ⵜⴰⵜⵓⵏⵙⵉⵜ, ⴰⵔ ⵉⵎⵎⴰⵍ ⵜⴰⵣⴷⴰⵢⵉⵏ ⵉⵚⵃⴰⵏ ⴳⵔ ⵍⵎⵖⵔⵉⴱ ⴷ ⵜⵓⵏⵙ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵎⴰⵙⵙ ⵊⵓⵎⵄⴰ ⴰⴷ ⵉⵙⵙⵍⴽⵎ ⴰⵣⵓⵍ ⵏⵏⵙ ⵏ ⵜⴳⵯⵎⴰⵜ ⵉ ⵓⵏⵙⵙⵉⵅⴼ ⵏ ⵜⵓⵏⵙ ⵎⴰⵙⵙ ⵎⵓⵏⵚⵉⴼ ⵎⵔⵣⵓⵇⵉ, ⵖⵎⴽⵍⵍⵉ ⵙ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ.

ⵖ ⵜⵙⴳⴰ ⴰⴹⵏⵉⵏ, ⵉⵏⵏⴰ ⵎⴰⵙⵙ ⵎⵀⴷⵉ ⵊⵓⵎⵄⴰ ⵙ ⵉⵙⵎ ⵏ ⵓⴳⴷⵓⴷ ⴷ ⵜⵏⴱⴰⴹⵜ ⵏ ⵜⵓⵏⵙ, ⵉⵙⵏⵉⵎⵎⵔⵏ ⵏⵏⵙ ⵉⵥⵍⵉⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⴼ ⵓⵙⵏⵜⵍ ⵏ ⵜⴳⵍⴷⵉⵜ ⵜⴰⵎⴰ ⵏ ⵜⵓⵏⵙ, ⵖ ⵓⵣⵣⵉⴳⵣ ⵏⵏⵙ ⵙ ⵜⴷⵉⵎⵓⵇⵕⴰⵟⵉⵜ ⴷ ⵜⴳⵎⵉ.

ⵉⵙⵏⵉⵎⵎⵔ ⵎⴰⵙⵙ ⵎⵀⴷⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵓⵍⴰ ⵅⴼ ⵓⵎⵙⴰⵙⴰ ⵏ ⵓⵎⵏⵣⴰⵢ ⵅⴼ ⵏ ⵜⵓⵜⵜⵔⴰⵢⵉⵏ ⵏ ⵓⵎⵢⴰⵡⴰⵙ ⵖ ⵉⴳⵔ ⵏ ⵓⵙⵡⵓⴷⴷⵓ ⵏ ⵜⵖⴰⵡⵙⴰ ⵏ ⵓⵙⴳⴷ ⵍⵍⵉ ⴷ ⵉⴽⴽⴰⵏ ⴷⴰⵔ ⵜⵓⵏⵙ.

ⵉⵍⵍⴰ ⵖ ⵜⴳⵉⵡⵔⵜ ⵓⵎⴰⵡⵙⴰⵙ ⴰⵜⵓⵏⵙⵉ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵛⵛⵉⵡⵕ ⴰⴷⵉⴱⵍⵓⵎⴰⵙⵉ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵎⵙⵇⴰⴷ ⵏ ⵜⵓⵏⵙ ⵖ ⵍⵎⵖⵔⵉⴱ ⴷ ⵓⵎⴰⵡⵙⴰⵙ ⴰⵎⵖⵔⵉⴱⵉ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵚⴰⵍⴰⵃⴷⴷⵉⵏ ⵎⵣⵡⴰⵔ.

Dernière modification : 13 ⴱⵕⴰⵢⵕ 2014
Source URL: https://www.mapnews.ma/am/activites-royales/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B5%8F-%E2%B5%9C%E2%B5%93%E2%B5%8F%E2%B5%99#comment-0