ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵖⴰⵡⴰⵙ ⵜⵉⵙⵖⵉⵢⵜ ⵜⴰⵖⵔⵎⴰⵏⵜ ⴰⵎⵙⵉⴷⴼ ⵏ ⵜⵎⴷⵉⵏⵜ ⵏ ⵙⵍⴰ 2014-2016

12 ⴱⵕⴰⵢⵕ 2014 Version Imprimable

ⵙⵍⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⵙⵍⴰ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵖⴰⵡⴰⵙ ⵏ ⵜⵉⵙⵖⵉⵢⵜ ⵜⴰⵖⵔⵎⴰⵏⵜ ⵜⴰⵎⵙⵉⴷⴼⵜ ⵏ ⵜⵎⴷⵉⵏⵜ ⴰⴷ 2014-2016.

ⴰⵙⵏⵜⵉ ⴰⴷ ⵉⵔⴰ ⴰⴷ ⵉⵃⵟⵟⵓ ⴰⵢⴷⴰ ⴰⵎⵣⵔⴰⵢ ⵏ ⵜⵎⴷⵉⵏⵜ ⴰⴷ ⴷ ⵉⵎⵙⴰⵙⴰ ⴰⵙⵏⵜⵉ ⵏ ⵜⵓⴷⵔⵜ ⵏ ⵉⵎⵣⴷⴰⵖⵏ ⵏⵏⵙ ⴷ ⵓⵍⴰ ⵜⵉⴳⵎⵉ ⵜⴰⵏⴰⵎⵓⵏⵜ ⴷ ⵜⴰⴷⵍⵙⴰⵏⵜ.

ⴳ ⵍⴱⴷⵓ ⵏ ⵜⴼⵓⴳⵍⴰ ⴰⴷ ⵉⵖⵔⴰ ⵍⵡⴰⵍⵉ ⵏ ⵕⵕⴱⴰⵟ ⴷ ⵙⵍⴰ ⵣⵎⵎⵓⵔ ⵣⵄⵉⵔ ⵎⴰⵙⵙ ⵄⴱⴷ ⵍⵡⴰⴼⵉ ⵍⴼⵜⵉⵜ ⵢⴰⵜ ⵜⴳⵓⵔⵉ ⵉⵎⵍⴰ ⴳⵉⵙ ⵎⴰⵙⵙ ⵉⵜⵜⵓⵙⴽⴰⵔ ⵓⵖⴰⵡⴰⵙ ⴰⴷ ⵙ ⵡⴰⵏⴹ ⵏ ⴱⴰⴱ ⵏ ⵡⴰⴷⴷⵓⵔ ⵍⵍⵉ ⵉⵔⴰⵏ ⴰⴷ ⵜⵖⵓⴷⵓ ⵜⵓⴷⵔⵜ ⴳ ⵜⵎⴷⵉⵏⵜ ⴰⴷ.

ⵉⵏⵏⴰ ⵎⴰⵙⵙ ⵍⴼⵜⵉⵜ ⵎⴰⵙ ⵉⵜⵜⵓⴼⴽⴰ ⵉ ⵢⵓⵖⴰⵡⴰⵙ ⴰⴷ ⵢⴰⵏ ⵓⵙⵙⴰⵔⵓ ⵉⵍⴽⵎⵏ 1,038 ⵏ ⵉⵎⵍⵢⴰⵕⵏ ⵏ ⴷⴷⵔⵀⵎ .

ⵉⵔⵏⵓ ⵉⵏⵏⴰ ⵎⴰⵙ ⴷⵔⴰⵏ ⴳ ⵓⵙⴰⵜⵉ ⵎⵏⵏⴰⵡ ⵉⵎⵙⴽⴰⵔⵏ ⵏ ⵜⵎⴷⵉⵏⵜ ⴰⴷ .ⴰⵖⴰⵡⴰⵙ ⴰⴷ ⵔⴰⴷ ⵢⴰⵡⵙ ⴳ ⵓⵃⵟⵟⵓ ⵏ ⵓⵢⴷⴰ ⴷ ⵜⴷⵍⵙⴰ ⵏ ⵙⵍⴰ ⴷ ⵓⵙⴷⵓⵙ ⵏ ⵜⵉⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴷ ⵜⴳⵎⵉ ⵏ ⵉⴳⵔ ⵏ ⵜⵎⴰⵍⵍⴰⵢⵜ ⴷ ⴰⴷ ⵜⵙⴰⵍⴰ ⵜⵣⴷⵖⵜ ⵓⵔ ⵓⵖⵓⴷⴰⵏ ⴳ ⵜⵎⴷⵉⵏⵜ ⴰⴷ.

ⴰⵙⵔⵓⵙ ⵏ ⵓⵖⴰⵡⴰⵙ ⴰⴷ ⵉⴳⴰ ⵜⴰⵢⴰⴼⵓⵜ ⵏ ⵜⵎⴷⵔⴰⵡⵜ ⴳⵔ ⵜⵎⴰⵡⴰⵉⵏ ⵏ ⵓⴳⵏⵙ (250 ⵏ ⵉⵎⵍⵢⵓⵏⵏ ⵏ ⴷⴷⵔⵀⵎ) ⴷ ⵜⵣⴷⵖⵜ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ (157,5ⵏ ⵉⵎⵍⵢⵓⵏⵏ ⵏ ⴷⴷⵔⵀⵎ) ⴷ ⵜⴷⵍⵙⴰ(13 ⵏ ⵉⵎⵍⵢⵓⵏⵏ ⵏ ⴷⴷⵔⵀⵎ) ⴷ ⵍⵃⵓⴱⵓⵙ (19,5 ⵏ ⵉⵎⵍⵢⵓⵏⵏ ⵏ ⴷⴷⵔⵀⵎ) ⴷ ⵜⵉⵏⵉⴹⵉ (5 ⵏ ⵉⵎⵍⵢⵓⵏⵏ ⵏ ⴷⴷⵔⵀⵎ) ⴷ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ (35 ⵏ ⵉⵎⵍⵢⵓⵏⵏ ⵏ ⴷⴷⵔⵀⵎ) .

Dernière modification : 12 ⴱⵕⴰⵢⵕ 2014

Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%9C%E2%B5%89%E2%B5%99%E2%B5%96%E2%B5%89%E2%B5%A2%E2%B5%9C-%E2%B5%9C%E2%B4%B0%E2%B5%96%E2%B5%94%E2%B5%8E%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B5%99%E2%B5%89%E2%B4%B7%E2%B4%BC-%E2%B5%8F-%E2%B5%9C%E2%B5%8E%E2%B4%B7%E2%B5%89%E2%B5%8F%E2%B5%9C-%E2%B5%8F#comment-0